ម៉ូតូ​អាគុយ​ភ្ជាប់ iPhone ​សន្សំ​សំចៃ​ខ្ពស់​

0
Cambodia Website Design

ភ្នំពេញ: ដោយ​ស្គាល់​ច្បាស់​ពី​តម្លៃ​នៃ​បរិស្ថាន​ដែល​តែងតែ​រង​ការ​បំពុល​ជា​ផ្សែង​អាប់​អួ​ពាស​ពេញ​ដង​វិថី​ ​ក្រុម​ហ៊ុន​លីប្រាឌ័រ លីមីតធីត បាន​​ណែនាំ​ផលិត​​ផល​សង្គ្រោះ​បរិស្ថាន​ និង​សន្សំ​សំចៃ​ខ្ពស់​រហូត​ដល់​ ៩០ ​ភាគរយ​ដោយ​មិន​ចាំបាច់​ចាយ​លុយ​លើ​ថ្លៃ​សាំង​ឡើយ​ ​គឺ​ម៉ូតូ​អគ្គិសនី​ A4000i ​មក​ពី​ប្រទេស​ជប៉ុន​​សុទ្ធសាធ​។

​ក្នុង​ទំនោរ​ចិត្ដ​ប្រជា​ពលរដ្ឋ​កម្ពុជា​រមែង​និយម​ប្រើ​ម៉ូតូ​សាំង​ដែល​មាន​តម្លៃ​ធូរ​ថ្លៃ​ លោក ជា​ សំអាត អគ្គនាយក​​រង​​ក្រុម​ហ៊ុន​លីប្រាឌ័រលីមីតធីត និង​ជា​នាយក​ប្រតិបត្ដិ​ក្រុមហ៊ុន​លីប្រាឌ័រ​ម៉ូធ័រ ទទួល​ស្គាល់​ថា វា​គឺជា​ដំណាក់​កាល​ប្រកួត​ប្រជែង​ដ៏​លំបាក​ ខណៈ​ម៉ូតូ​សាំង​​តម្លៃ​ថោក​កំពុង​តែ​ពេញ​មាន​ប្រជា​ប្រិយ​ខ្លាំង​។

ទោះជា​យ៉ាងណា លោក​បាន​លើក​ឡើង​ថា​៖ «​​នេះ​គឺជា​ផលិតផល​ Premier ដូច្នេះ​បើ​ប្រៀប​ធៀប​នឹង​ផលិត​ផល​ផ្សេង​ៗ វា​មាន​តម្លៃ​ថ្លៃ​ជាង​បន្ដិច។ ប៉ុន្ដែ​បើ​យើង​ប្រៀប​ធៀប​ពី​គុណភាព​ គឺ​វាមាន​ការ​សន្សំ​សំចៃ​ខ្ពស់​»។

Cambodia Website Design

លោក​ថា ក្រុមហ៊ុន​របស់​លោក​ក៏​នឹង​នាំ​ចូល​ផលិត​ផល​ស្រដៀង​គ្នា​នៅ​កណ្ដាល​ខែ​កុម្ភៈ ឬ​ដើម​ខែ​មីនា ​ដែល​មាន​តម្លៃ​ធូរ​ថ្លៃ​ផង​ដែរ ដោយ​ខុស​ត្រង់​អាគុយ​ និង​ប្រព័ន្ធ​ភ្ជាប់ iPhone។​

​អគ្គនាយក​រង​រូ​បនេះ បាន​និយាយ​ថា​៖ «​ដំបូង​ យើង​មិន​ប្រាកដ​ថា អ្នក​ធ្លាប់​​ប្រើ​ម៉ូតូ​សាំង​នឹង​ងាក​មក​ប្រើ​ម៉ូតូ​អគ្គិសនី​នេះ​ទេ​ ពីព្រោះ​ A4000i ជា​ប្រភេទម៉ូតូ​ជិះ​ក្នុង​ចម្ងាយ​ជិត​ ដូចជា ក្នុង​ទីក្រុង​​ទៅ​បំពេញ​ការងារ ​ជា​ពិសេស សិស្សនិស្សិត​អាច​​សន្សំ​សំចៃ​ខ្ពស់​»។ ​​

លោក​បាន​គុណ​គូរ​ថា​ បើ​ជិះ​ម៉ូតូ​ធម្មតា ​ចាក់​១​លីត្រ​ក្នុង​១​ថ្ងៃ​ ​​ចំណាយ​ ១ ​ដុល្លារ​ តែ​សម្រាប់​ម៉ូតូ​អាគុយ​គ្រាន់​តែ​​សាក​ថ្ម​ត្រឹម​ ១​០០០​ រៀល​​ក្នុង ១​​ថ្ងៃ​ប៉ុណ្ណោះ​។ បើ​មួយ​ឆ្នាំ ម្ចាស់​អាច​សន្សំ​​ប្រាក់​ប្រមាណ ៣០០​ដុល្លារ​។

គួរ​បញ្ជាក់​ថា ចាប់​ពីថ្ងៃ​ទី​២២ ខែ​មករា ដល់​ថ្ងៃ​ទី​២២ ខែ​កុម្ភៈ ក្រុម​ហ៊ុន​នឹង​ធ្វើ​ការ​បញ្ចុះ​តម្លៃ​ ២០០​ដុល្លារ​សម្រាប់​អតិថិជន​ទិញ​ម៉ូតូ ​​A4000i ពេញ​មួយ​ខែ​នេះ។ ម៉ូតូ​អាគុយ A4000i មាន​តម្លៃ​៤២៩៩​ដុល្លារ​ ហើយ​ផលិត​ផល​ស្រដៀង​មួយ​ទៀត​ដែល​ត្រៀម​នាំ​ចូល​ក្នុង​ពេល​ឆាប់​ៗ នឹង​មាន​តម្លៃ​ប្រមាណ ២២០០​ដុល្លារ​។

អតិថិជន​ដំបូង​ឈ្មោះ លី រិទ្ធ ជា​បណ្ឌិត​ផ្នែក​អគ្គិសនី​មក​ពី​បារាំង ​​បាន​ទិញ​ម៉ូតូ​អាគុយ​នៅថ្ងៃ​បើក​សម្ពោធ​ជា​ផ្លូវ​ការ​ដែល​ប្រារឰ​នៅ​ទីស្នាក់​ការ​ក្រុមហ៊ុន​លីប្រាឌ័រ ម៉ូធ័រ​ លីមីតធីត នៅ​ផ្ទះ​លេខ ៦៨៧ ​វិថី​កម្ពុជា​ក្រោម​៕

ប្រភព៖ http://www.postkhmer.com/

You might also like More from author

Leave A Reply

Your email address will not be published.