លោក​ប្រមុខ​រដ្ឋ​គុយបា បំពេញ​ទស្សនកិច្ច​ផ្លូវការ​នៅ​រុស្ស៊ី

3
Cambodia Website Design
Want create site? Find Free WordPress Themes and plugins.

លោក រ៉ាអ៊ូល កាស្ត្រូ ជា​ប្រមុខរដ្ឋ និង​ប្រមុខ​រដ្ឋាភិបាល​គុយបា ដែល​យប់មិញ បាន​មក​ដល់​ក្រុង​ម៉ូស្គូ តាម​សេចក្តី​អញ្ជើញ​នៃ​លោក​ប្រធានាធិបតី​រុស្ស៊ី​ពូទីន ដើម្បី​វត្តមាន ក្នុង​ពិធី​រំលឹក​នៅ​ថ្ងៃ​សោរ៍​ខាងមុខ ខួប​ទី​៧០​នៃ​ជ័យជំនះ លើ​របប​ណាហ្ស៊ី​អាល្លឺម៉ង់ ថ្ងៃ​៦​ឧសភា​នេះ ជួប​ពិភាក្សា​ជាមួយ​លោក​នាយក​រដ្ឋមន្ត្រី​រុស្ស៊ី ឌ្មីទ្រី មេដវេដេវ អំពី​គម្រោង​ធំៗ បែប​យ៉ាង​ក្នុង​វិស័យ ថាមពល ដឹកជញ្ជូន និង សុខាភិបាល។

ស្របនឹងការប្រកាសឲ្យដឹង នៃ​អង្គភាព​ព័ត៌មាន​រដ្ឋាភិបាល​រុស្ស៊ី ក្នុង​ជំនួប​ថ្ងៃនេះ លោក​នាយក​រដ្ឋមន្ត្រី​រុស្ស៊ី ឌ្មីទ្រី មេដវេដេវនិង ប្រធាន​នៃ​ក្រុមប្រឹក្សា​រដ្ឋ និង ក្រុមប្រឹក្សា​រដ្ឋមន្ត្រី គុយបា លោក រ៉ាអ៊ូល កាស្ត្រូ លើក​យក​ទៅ​ពិភាក្សា​គឺ ទស្សនវិស័យ នៃ​ការពង្រឹង​សហប្រតិបត្តិការ​ពាណិជ្ជកម្ម-​សេដ្ឋកិច្ច រវាង​រុស្ស៊ី​និង​គុយបា បញ្ហា​សមិទ្ធិ​ឲ្យ​ចេញ​ជា​ផ្លែផ្កា​គម្រោង​រួម​ធំៗ ក្នុង​វិស័យ ថាមពល ដឹកជញ្ជូន សុខាភិបាល វិស័យ​ផលិត​ថ្នាំ​ឱសថ វិស័យ​មនុស្សធម៌ ព្រម​ទាំង​បញ្ហា​ឯទៀត ដែល​មាន​ប្រយោជន៍​ដូចគ្នា​សម្រាប់​ប្រទេស​ទាំងពីរ។
សេចក្តីជូនដំណឹង ក៏រំលឹកដែរថា មុន​ពេលនេះ ពេល​ទទួល​ជួប​លោក​ឧបនាយក​រដ្ឋមន្ត្រី គុយបា Ricardo Cabrisas Ruiz លោក មេដវេដេវ បាន​គូស​បញ្ជាក់​ថា ភាព​ជា​ដៃ​គូ​របស់​រុស្ស៊ី ជាមួយ​គុយបា ផ្តិត​ជាប់​ដោយ​លក្ខណៈ​ពហុមុខ​ព្រួញ។

Cambodia Website Design

គួរនិយាយថា ទូរទស្សន៍​រុស្ស៊ី ដោយ​ផ្សាយ​ដំណឹង​ស្តី​អំពី​ទស្សនកិច្ច​លោក រ៉ាអ៊ូល កាស្ត្រូ កត់​សម្គាល់​ថា ទស្សនកិច្ច​នេះ​ប្រព្រឹត្ត​ទៅ​ក្នុង​បរិបទ ដែល​គុយបា និង ស.រ.អា. គ្រោង​ស្តារ​ឡើងវិញ​នូវ​ទំនាក់ទំនង​ការទូត​នឹង​គ្នា។

ទោះយ៉ាងណាក្តី ក៏ក្រសួង​ការបរទេស​រុស្ស៊ី​ពី​ចំណែក​ខ្លួន គូស​បញ្ជាក់​ថា សហប្រតិបត្តិការ​រុស្ស៊ី-​គុយបា ឈរ​លើ​គ្រឹះ​ដ៏​រឹងមាំ កាល​ដែល​ប្រទេស​ទាំងពីរ ប្រកាន់​គោល​ជំហរ ឬ​មួយ​ត្រូវ​គ្នា​បេះបិទ​ ឬ​មួយ​ស្រដៀង​គ្នា ចំពោះ​បញ្ហា​ចម្បងៗ​នៃ​ស្ថានការណ៍​ក្នុង​លោក ហើយ​ភក្តី​ស្មោះត្រង់​ដូចគ្នា ចំពោះ​ការគោរព​តាម​បទដ្ឋាន​និង​គោលការណ៍​នៃ​ច្បាប់​អន្តរជាតិ ជា​បឋម គឺ​ធម្មនុញ្ញ​អ.ស.ប. និង ចំពោះ​ការពង្រឹង​តួនាទី​មជ្ឈឹម​របស់ អ.ស.ប. និង​ក្រុម​ប្រឹក្សា​សន្តិសុខ​អង្គការ​នេះ។

គុយបានិងរុស្ស៊ី បាន​តាំង​ទំនាក់ទំនង​ការទូត​នឹង​គ្នា តាំងពី​ជាង​១​សតវត្សរ៍​មុន គឺ​តាំង​ពី ឆ្នាំ ១៩០២​ម៉្លេះ ប៉ុន្តែ​ចាប់ពី​ឆ្នាំ​១៩៤៤​មក ពេល​ដែល​គុយបា ធ្លាក់​ទៅ​នៅ​ក្រោម​ការគ្រប់គ្រង នៃ​ឧត្តមសេនីយ​ផ្តាច់ការ​ឈ្មោះ Batista ហៅថា “កូនសំណប់” អាមេរិក ក្រុង​ម៉ូស្គូ ក៏​បាន​ផ្តាច់ ទំនាក់ទំនង​ជាមួយ​ក្រុង ឡាហាវ៉ាន ហើយ​ស្តារ​ទំនាក់ទំនង​នេះ​ឡើង​វិញ គឺ​ក្រោយ​ពី​បដិវត្តន៍​ដឹកនាំ​លោក Fidel Castro បាន​ទទួល​ជ័យជំនះ​ក្នុងឆ្នាំ​១៩៥៩។ សម័យ​សង្គ្រាម​ត្រជាក់ គុយបា​បាន​ក្លាយ​ទៅ​ជា “នាវា​ផ្ទុក​យន្តហោះ​មិន​ចេះ​លិច”​ របស់​សហភាព​សូវៀត ប្រចាំ​នៅ​ក្បែរ​ឆ្នេរ​ស.រ.អា.​តែម្តង៕

Did you find apk for android? You can find new Free Android Games and apps.

Comments

comments

You might also like More from author

ចែករំលែក