ខេមបូភេគ – ទំព័រព៌តមានកម្ពូជា​ – ពត៌មានសំបូរបែបសម្រាប់អ្នក

Blog

 Breaking News
  • អគ្គិភ័យឆេះផ្ទះប្រជាពលរដ្ឋនៅក្បែរផ្សារដេប៉ូ (ភ្នំពេញ)៖ អគ្គិភ័យកំពុងឆាបឆេះផ្ទះប្រជាពលរដ្ឋនៅក្បែរផ្សារដេប៉ូ ក្នុងខណ្ឌទួលគោក រាជធានីភ្នំពេញ។ នៅ...
  • អាការៈ​ពិបាក​ក្នុង​ការ​និយាយ​ស្ដីពលរដ្ឋ​ខ្មែរ​ជាង៦​សែន​នាក់​ អ្នកជំនាញខាងការព្យាបាលអាការៈពិបាកក្នុងការនិយាយស្ដី លើកឡើងថា ពលរដ្ឋខ្មែរប្រមាណ៦សែននាក់ជាពិសេសកុមារ មានអាការៈពិបាកក្នុងការនិយាយ ហើយសេវាព្យាបាលអាការៈនេះនៅមានកម្រិតនៅឡើយក្នុងប្រទេសកម្ពុជា។ លោក ណឹម សុភ័ក្រ្តបញ្ញានៃ VOA បានសម្ភាសអ្នកស្រី Claire Salter អ្នកជំនាញខាងការព្យាបាលអាការៈពិបាកក្នុងការនិយាយស្ដីនៃមន្ទីរព្យាបាល Happy Kids Clinic អំពីកង្វះសេវាព្យាបាលនិងបញ្ហាពិបាកនិយាយនេះដូចតទៅ៖...
  • ករណីឆ្លងថ្មីនៃវីរុស HIV ចំនួន៣១៩ បានផ្ទុះឡើងក្នុងប្រទេសសិង្ហបុរី គិតត្រឹមរយៈពេល១០ខែដំបូងនៃឆ្នាំ២០១៦នេះ ប្រភព ៖ Fresh News (សិង្ហបុរី)៖ គិតត្រឹមរយៈពេល១០ខែដំបូងនៃឆ្នាំ២០១៦នេះ ការឆ្លងថ្មីនៃរីរុស HIV ដ៏កាចសាហាវនិងគ្មានថ្នាំព្យាបាលចំនួន៣១៩ករណី បានផ្ទុះកើតមានឡើងនៅក្នុងចំណោមពលរដ្ឋសិង្ហបុរី។ នេះបើតាមសេចក្តីរាយការណ៍ពីក្រសួងសុខាភិបាល (MOH) នៃប្រទេសសិង្ហបុរីផ្ទាល់ ដែលដកស្រង់ដោយសារព័ត៌មាន Channel News Asia នៅយប់ថ្ងៃព្រហស្បតិ៍ ទី០១ ខែធ្នូ ឆ្នាំ២០១៦។ ប្រភពដដែលបានបញ្ជាក់បន្ថែមថា ករណីឆ្លងចំនួន២០៦ត្រូវបានរាយការណ៍ឲ្យដឹងនៅក្នុងរយៈពេល៦ខែដំបូងនៃឆ្នាំនេះ និងបានរកឃើញថា៩៤ភាគរយ នៃករណីថ្មីទាំងនោះគឺជាបុរស ខណៈ៤៩.៥ភាគរយមានអាយុចាប់ពី២០ដល់៣៩ឆ្នាំ ហើយប្រហែលជា៣៨ភាគរយបានឈានដល់តំណាក់កាលចុងក្រោយទៅហើយ នៅពេលដែលពួកគេបានពិនិត្យឈាមរកឃើញថា មានផ្ទុកវីរុស HIV។ ទន្ទឹមគ្នានេះដែរ...
  • ត្រឡប់​ពី​បត់ជើង​វិញ ស្រាប់តែ​ស្រែក​ទ្រហោយំ ប្រភព៖ កោះសន្តិភាព ខេត្តកំពង់ចាម ៖ ស្ត្រីម្នាក់ខណៈដើរត្រឡប់ពីបត់ជើងនៅបន្ទប់ទឹកចំហៀងផ្ទះ ស្រាប់តែក្តៅក្រហល់ក្រហាយពេញខ្លួនស្រែកទ្រហោយំខ្លាំងៗបង្កឲ្យកាលពីវេលាម៉ោងប្រហែល៥ទៀបភ្លឺ ថ្ងៃទី១ ខែធ្នូ ឆ្នាំ២០១៦ ហើយត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យបង្អែ កស្រុកស្រីសន្ធរ ។ នគរបាលស្រុកកោះសូទិនបានឱ្យដឹងថា មុនពេលកើតហេតុស្ត្រីរងគ្រោះបានដើរទៅបត់ជើងនៅបន្ទប់ទឹកចំហៀងផ្ទះ លុះពេលដើរត្រឡប់មកផ្ទះវិញមិនទាន់ទាំងដល់ផ្ទះផង ស្រាប់តែមានជនមិនស្គាល់មុខបានជះទឹកអាស៊ីតចំក្បាល និងដងខ្លួន តែមិនធ្ងន់ធ្ងរខ្លាំងនោះទេ ប៉ុន្តែបណ្ដាលឲ្យស្ត្រីរងគ្រោះក្តៅក្រហល់ក្រហាយស្រែកទ្រហោយំយ៉ាងខ្លាំង ។ ភ្លាមៗនោះស្ត្រីរងគ្រោះត្រូវបានសាច់ញាតិប្រញាប់បញ្ជូនទៅសង្គ្រោះនៅមន្ទីរពេទ្យបង្អែកស្រុកស្រីសន្ធរ ។...
  • ឧបករណ៍ចល័ត Android ច្រើនជាង ១លានគ្រឿងត្រូវបានហេគ ដោយមេរោគ Gooligan បើសិនជាអ្នកមានប្រើប្រាស់នូវ Android Smartphone សូមមានការប្រុងប្រយ័ត្ន! មេរោគ Android ថ្មីមួយដែលបានវាយប្រហារទទៅលើគណនី Google ច្រើនជាង ១លានគណនីហើយនោះ បាននឹងកំពុងរីករាលដាលនិងវាយប្រហារទៅលើ ១៣០០០ ឧបករណ៍ជាប្រចាំថ្ងៃ។ ប្រភព៖ secudemy.com មេរោគមួយឈ្មោះថា Gooligan បានធ្វើការជ្រៀតចូលទៅកាន់ឧបករណ៍ Android ណាដែលមានចំនុចខ្សោយដើម្បីលួចយកនូវអាស័យដ្ឋានអ៊ីម៉ែល និង authentication tokens ដែលរក្សាទុកក្នុងឧបករណ៍នោះ។ ជាមួយនឹងព័ត៌មានទាំងនោះ អ្នកវាយប្រហារអាចធ្វើការជ្រៀតចូលទៅកាន់គណនី Google ហើយធ្វើការអាក់សេសទៅលើព័ត៌មានសំខាន់ៗរបស់អ្នក មានដូចជា Gmail, Google...

តើ​ជនជាតិ​រ៉ូហ៊ីងយ៉ា​ជា​នរណា​បានជា​គ្មាន​ប្រទេសណា​ចង់​ទទួល​ឲ្យនៅ?

តើ​ជនជាតិ​រ៉ូហ៊ីងយ៉ា​ជា​នរណា​បានជា​គ្មាន​ប្រទេសណា​ចង់​ទទួល​ឲ្យនៅ?
May 21
07:02 2015

អស់រយៈពេល​ជាច្រើន​ថ្ងៃ​មកហើយ ដែល​វិបត្តិ​ជនអន្តោប្រវេសន៍​ខុសច្បាប់​បាន​ផ្ទុះឡើង​យ៉ាងខ្លាំង នៅ​ក្នុង​តំបន់​អាស៊ាន។ ទូកដឹកជនអន្តោប្រវេសន៍​ខុសច្បាប់​រាប់រយនាក់ ភាគច្រើន​គឺ​ជា​ជនជាតិ​រ៉ូហ៊ីងយ៉ា ត្រូវ​បាន​ប្រទេស​ក្នុង​តំបន់​រុញច្រាន​ឲ្យ​គ្នា​ទៅវិញទៅមក ដោយ​មិនមាន​ប្រទេស​ណា​ចង់​ទទួល​ពួកគេ​ឲ្យ​ចូល​សំចត។ តើ​ជនជាតិ​រ៉ូហ៊ីងយ៉ា​នេះ​ជា​នរណា? តើ​ហេតុអ្វី​បាន​ជា​គ្មាន​ប្រទេស​ណា​ចង់​ទទួល​ឲ្យ​ពួកគេ​នៅបែបនេះ?

រ៉ូហ៊ីងយ៉ា គឺ​ជា​អម្បូរជនជាតិ​ភាគតិច​កាន់សាសនា​អ៊ីស្លាម ដែល​ភាគច្រើន​រស់នៅ​ក្នុង​រដ្ឋ​អារ៉ាកាន់ ប្រទេស​ភូមា ក៏ប៉ុន្តែ មិនត្រូវ​បាន​ភូមា​​ទទួលស្គាល់​​សិទ្ធិ​​ជា​ជនជាតិ​ភាគតិច​នោះទេ។ ផ្ទុយទៅវិញ អាជ្ញាធរ​ភូមា​តែងតែ​ចាត់ទុក​ពួក​រ៉ូហ៊ីងយ៉ា​ថា​ជា​ជន​បរទេស ដែល​ធ្វើ​អន្តោប្រវេសន៍​ពី​បង់ក្លាដែស​មក​រស់​នៅ​ក្នុង​ប្រទេស​ភូមា កាល​ពី​ក្នុង​សម័យកាល​ដែល​ភូមា​ស្ថិត​ក្រោម​អាណានិគម​អង់គ្លេស។ នៅ​ក្នុងហេតុផល​នេះ​ហើយ​បាន​ជា​ភូមា​មិនព្រម​ផ្តល់​សញ្ជាតិ​ភូមា​ឲ្យ​​ពួករ៉ូហ៊ីងយ៉ា​ បើទោះបី​ជា​ពួកគេ​កើត និង​រស់នៅ​ក្នុង​ប្រទេស​ភូមា​រាប់ជំនាន់​មកហើយ​ក៏ដោយ។

លើសពីនេះ​ទៅទៀត ជារឿយៗ គេតែងតែឃើញ​​មាន​ការ​ផ្ទុះអំពើ​ហិង្សា​ រវាង​ពួក​រ៉ូហ៊ីងយ៉ា ដែល​ជា​អ្នក​កាន់​សាសនា​អ៊ីស្លាម ជាមួយ​នឹង​អ្នក​កាន់​ពុទ្ធសាសនា ដែល​ជា​សាសនា​ភាគច្រើន​លើសលុប​នៅ​ភូមា។ អំពើ​ហិង្សា​ដែល​បាន​ផ្ទុះឡើង​ខ្លាំង ចាប់តាំង​ពី​ឆ្នាំ​២០១២ នៅក្រោយ​​ពេល​ដែល​របបសឹក​ត្រូវ​ដួលរលំ ជំនួស​មក​វិញ​ដោយ​រដ្ឋាភិបាល​ពាក់កណ្តាល​ស៊ីវិល ហើយ​​ដែល​​​សិទ្ធិសេរីភាព​ក្នុងការ​បញ្ចេញមតិ និង​ការ​ជួបជុំគ្នា​ជា​សាធារណៈ​ត្រូវ​បាន​អាជ្ញាធរ​បើក​ចំហ​ខ្លះៗឡើងវិញ។

និយាយ​ជា​រួម ជនជាតិ​រ៉ូហ៊ីងយ៉ា​គឺ​ជា​ប្រជាជន​គ្មាន​មាតុភូមិ គ្មាន​សញ្ជាតិ គ្មាន​សិទ្ធិសេរីភាព​ពេញលេញ ដែល​ត្រូវ​បាន​អ.ស.ប​ចាត់ទុក​ថា​ជា​ជនជាតិ​ភាគតិច​ដែល​ទទួលរងនូវការ​ធ្វើ​ទុក្ខ​បុកម្នេញ​ខ្លាំងជាងគេ​បំផុត​នៅលើ​ពិភពលោក។ ប្រឈមមុខ​នឹង​ការធ្វើ​ទុក្ខបុកម្នេញ​នេះ​ហើយ​បាន​ជា​ពួករ៉ូហ៊ីងយ៉ា​នាំគ្នា​រត់ចេញ​ពី​ភូមា ភៀសខ្លួន​ទៅស្វែងរក​ជីវិត​ដ៏ប្រសើរ​មួយ នៅ​ឯ​ប្រទេស​ដទៃ ជាពិសេស គឺ​ប្រទេស​ម៉ាឡេស៊ី និង​ឥណ្ឌូណេស៊ី ដែល​ជា​ប្រទេស​​​កាន់​សាសនា​អ៊ីស្លាម​ដូចគ្នា ហើយ​ដែល​មាន​សេដ្ឋកិច្ច​រីកចម្រើន​នៅ​ក្នុង​តំបន់។

យោងតាម​តួលេខ​របស់​អ.ស.ប នៅ​ក្នុង​រយៈពេល​៣ឆ្នាំ​កន្លងទៅនេះ មានជនជាតិ​រ៉ូហ៊ីងយ៉ា​ជាង ១២ម៉ឺននាក់ បាន​នាំគ្នា​រត់ភៀសខ្លួន​តាមទូក​ទៅ​ស្វែងរក​សិទ្ធិជ្រកកោន​នៅ​ឯ​បរទេស ហើយ​ចលនា​ភៀសខ្លួន​នេះ​បាន​កើនឡើង​មួយទ្វេជាពីរ នៅ​ដើម​ឆ្នាំ​២០១៥​នេះ។

ជាទូទៅ ពួក​​រ៉ូហ៊ីងយ៉ា​ច្រើនរត់ភៀសខ្លួន​តាមរយៈ​បណ្តាញ​ឈ្មួញ​ជួញដូរ​មនុស្ស ដោយ​ធ្វើ​ដំណើរ​តាមទូក​​ចេញ​ពី​ភូមា ទៅ​ខេត្ត​ប៉ែក​ខាង​ត្បូង​ប្រទេស​ថៃ រួចហើយ​ឆ្លងព្រំដែន​គោក​ចូល​ទៅ​ក្នុង​ប្រទេស​ម៉ាឡេស៊ី។ ក៏ប៉ុន្តែ ចាប់តាំង​ពី​មាន​យុទ្ធនាការ​បង្រ្កាប​ពី​សំណាក់​របបសឹកថៃ ក្រុមឈ្មួញ​ជួញដូរមនុស្ស​ក៏​មានការ​ភ័យខ្លាច ហើយ​នាំគ្នា​រត់គេចខ្លួន ដោយ​ទុក​ចោល​ជនអន្តោប្រវេសន៍​ឲ្យ​រសាត់​អណ្តែត​តាមទូក ប្រឈមមុខ​នឹង​រលក​សមុទ្រ ព្រមទាំង​ការ​ដាច់ស្បៀង ហើយ​គ្មាន​ប្រទេស​ណា​ចង់​ទទួល​ឲ្យ​ពួកគេ​ចូល​សំចត។

នៅ​ក្នុង​រយៈពេល​ប៉ុន្មាន​ថ្ងៃ​កន្លងទៅនេះ គេ​សង្កេតឃើញ​ថា ទាំង​ថៃ ទាំង​ម៉ាឡេស៊ី និង​ឥណ្ឌូណេស៊ី សុទ្ធតែ​បាន​នាំគ្នា​ស្ទាក់ចាប់​ទូក​ដឹកជនអន្តោប្រវេសន៍​រ៉ូហ៊ីងយ៉ាមិន​ឲ្យ​ចូល​ច្រាំង ដោយ​រុញច្រាន​ទូក​ទាំងនេះ​ពី​ប្រទេស​មួយទៅ​ប្រទេស​មួយ។ ការរុញច្រាន​ទូក​ដឹកជនអន្តោប្រវេសន៍​ឲ្យ​ចេញ​ទៅ​ទីសមុទ្រ​បែបនេះ គឺ​ជា​ទង្វើ​ដែល​រំលោភ​ទៅលើ​អនុសញ្ញា​អ.ស.ប​ឆ្នាំ​១៩៥១ ស្តីពី​ជនភៀសខ្លួន។ ក៏ប៉ុន្តែ ទាំងថៃ ទាំង​ម៉ាឡេស៊ី និង​ទាំង​ឥណ្ឌូណេស៊ី សុទ្ធតែ​ជា​ប្រទេស​មិនចុះហត្ថលេខា​លើ​អនុសញ្ញា​នេះ។

សំណួរ​សួរថា​តើ​ហេតុអ្វី​បាន​ជា​ប្រទេស​ទាំងអស់​នេះគ្មានអ្នកណា​ស្ម័គ្រចិត្ត​ជួយសង្រ្គោះ​ពួក​រ៉ូហ៊ីងយ៉ា​បែបនេះ?

ចំពោះ​ថៃ ដែល​ជា​ប្រទេស​មាន​ប្រជាជន​ភាគច្រើន​កាន់​ពុទ្ធសាសនា ហើយ​កំពុង​ប្រឈមមុខ​នឹង​ចលនា​ឧទ្ទាម​អ៊ីស្លាម​ផ្តាច់ទឹកដី នៅ​ខេត្ត​ប៉ែក​ខាង​ត្បូង ការទទួល​យក​ជនភៀសខ្លួន​រ៉ូហ៊ីងយ៉ា អាច​ជា​រឿង​មួយ​ដ៏រសើប​សម្រាប់​រដ្ឋាភិបាល។ ក៏ប៉ុន្តែ ចំពោះ​​ម៉ាឡេស៊ី និង​ឥណ្ឌូណេស៊ីវិញ ដែល​សុទ្ធជា​ប្រទេស​មាន​ប្រជាជន​កាន់សាសនា​អ៊ីស្លាម ហេតុអ្វី​បាន​ជា​​​រុញច្រាន​អ្នក​កាន់​សាសនា​អ៊ីស្លាម​ដូចគ្នា​ឲ្យ​រសាត់​តាមទូក​ប្រឈមមុខនឹង​សេចក្តីស្លាប់​បែបនេះ​ទៅវិញ?

តាមការពិត គេ​អាច​យល់បាន​ថា អ្វី​ដែល​ជា​ក្តីបារម្ភ​ដ៏ធំបំផុត​របស់​បណ្តា​ប្រទេស​អស់ទាំងនេះ គឺ​នៅត្រង់​ថា ប្រសិនបើ​គេ​ជួយសង្រ្គោះ​ជនអន្តោប្រវេសន៍​ទាំងអស់​នេះ​ចេញ​ពី​ទីសមុទ្រ​ឲ្យ​ចូល​មក​សំចត​នៅលើ​ទឹកដី​របស់​ពួកគេ​ហើយ ពួកគេ​អាច​​នឹង​ត្រូវ​ជាប់កាតព្វកិច្ច​ផ្តល់សិទ្ធិ​ជ្រកកោន​នយោបាយ​ដល់​ពួកគេ។ សម្រាប់​ម៉ាឡេស៊ី និង​ឥណ្ឌូណេស៊ី ការផ្តល់​សិទ្ធិ​ជ្រកកោន​នយោបាយ​ដល់​ជនជាតិ​រ៉ូហ៊ីងយ៉ា​កាន់​សាសនា​អ៊ីស្លាម​ប៉ុន្មាន​រយនាក់​នេះ ហាក់ដូចជា​មិនមែន​ជា​បន្ទុក​ធ្ងន់ធ្ងរប៉ុន្មានទេ ក៏ប៉ុន្តែ បញ្ហា​ចោទ​កាន់តែ​ធំមួយ​ទៀត គឺ​គេ​បារម្ភ​ខ្លាច​ថា ការ​​ផ្តល់​សិទ្ធិជ្រកកោន​ដល់​មនុស្ស​មួយក្រុម​នេះ​អាច​នឹង​ជា​ការ​បើក​ផ្លូវ​នាំ​​ឲ្យ​​មាន​លំហូរ​ជន​អន្តោប្រវេសន៍​កាន់តែ​ច្រើន​ថែមទៀត​ចូល​ទៅ​ក្នុង​ប្រទេស​របស់​ពួកគេ ពីព្រោះ​ថា ប្រសិនបើ​ភូមា ​ដែល​ជា​ប្រភពដើម​នៃ​បញ្ហា​ នៅតែ​បន្ត​អនុវត្ត​នយោបាយ​តឹងរ៉ឹង​ទៅលើ​ជនជាតិ​ភាគតិច​រ៉ូហ៊ីងយ៉ា​​ដូច​សព្វថ្ងៃ​នេះ​ទៀត ​​ជនជាតិ​រ៉ូហ៊ីងយ៉ា​រាប់សិបម៉ឺននាក់​ផ្សេងទៀតប្រាកដ​ជា​នឹង​ស្វះស្វែង​រត់​ភៀសខ្លួន​ចេញ​ទៅ​រក​ប្រទេស​ណា​ដែល​សុខចិត្ត​ទទួល​ពួកគេ​ជា​មិនខាន៕


 

ស្លាក
ចែករំលែក

អំពីអ្នកនិព្ធ

ខេមបូភេគ

ខេមបូភេគ

អត្ថបទទាក់ទង

អំពីយើង

ខេមបូភេគ ជាគេហទំព័រក្នុងស្រុកមួយដែលផ្ដល់នៅពត៌មានកំសាន្ដ សុខភាព ការងារ កីឡា ពត៌មានជាតិទូទៅ ផ្សារលើអ៊ីធើណេត និង សេវាកម្មផ្សេងៗទៀតជាច្រើន។


យើងខ្ញុំរីករាយ និងផ្ដល់នៅពត៌មានទាន់ហេតុការណ៍ ដែលយើងដកស្រង់ចេញពីគេហទំព័រនានា ដែលអាចផ្ដល់ជាប្រយោជន៍ដល់បងប្អូន។


សូមបងប្អូនមេត្ដាផ្ដល់កម្លាំងចិត្ដដល់ក្រុមយើងខ្ញុំផង ដោយគ្រាន់តែចូលមកគេហទំព័រយើងខ្ញុំនៅពេលទំនេរ។


យើងខ្ញុំរងចាំការរិះគន់ និងស្ថាបនាពីបងប្អូនគ្រប់ពេលវេលាទាំងអស់



សូមអរគុណ!

ពត៌មានផ្សេងៗ

loading...

អត្រាប្ដូរប្រាក់ប្រចាំថ្ងៃ

អត្រាប្តូរប្រាក់ : ២៨​ តុលា ២០១៦
៤,០៥០ រៀល / ដុល្លារអាមេរិក
រូបិយប័ណ្ណ ឯកតា ទិញ លក់
ដុល្លារអូស្រ្តាលី ៣,០៧៤ ៣,១០៤
យ៉ន់ចិន ៥៩៧ ៦០៣
អ៊ឺរ៉ូ ៤,៤១៣ ៤,៤៥៧
យេនជប៉ុន ១០០ ៣,៥៥៨ ៣,៥៩៣
បាតថៃ ១១៥ ១១៦
ដុងវៀតណាម ១,០០០ ១៨២ ១៨៣

តម្លៃប្រេងពិភពលោក

តម្លៃទំនិញថ្ងៃនេះ (​រៀល)

ម្ទេសហាវ៉ៃ: 5000.00/kgs
ខ្ទឹមស្លឹក: 13000.00/kgs
ស្ពៃថៃស៊ីម/ស្ពៃផ្កា: 6000.00/kgs
ស្ពៃតឿ: 5250.00/kgs
ស្ពៃចង្កឹះ: 3250.00/kgs
ផ្កាខាត់ណា: 7000.00/kgs
ស្ពៃក្រញ៉ាញ់: 5250.00/kgs
ស្ពៃខៀវ: 3175.00/kgs
ត្រកួនចិន/គ្រាប់: 5000.00/kgs

បណ្តាញសង្គ្រោះបន្ទាន់

ចំនួនអ្នកទស្សនា

0036069
Visit Today : 86
Visit Yesterday : 143
This Month : 647
This Year : 36069
Total Visit : 36069
Hits Today : 1370
Total Hits : 280191
Who's Online : 4
Your IP Address: 54.205.8.87