ឱក សុគន្ធកញ្ញា មិន​ហ៊ាន​មាន​ស្នេហា​ខ្លាច​គ្មាន​អ្វី​ថ្មី​ជូន​អ្នក​គាំទ្រ

1
Cambodia Website Design

ភ្នំពេញ: ក្រៅពី​ប្រជាប្រិយ​ភាព​កាន់តែ​ស្ទុះ​ឡើង​វ៉ាដាច់​អស់​អ្នក​ចម្រៀង​ស្រី​រួម​អាជីព​នោះ ក៏​ទទួល​បាន​សរសើរ​​ពី​មហាជន​ចំពោះ​កំពូល​តារាចម្រៀង​ស្រី​របស់​ផលិតកម្ម​រស្មី​ហង្សមាស កញ្ញា ឱក សុគន្ធកញ្ញា ថា នាង​មិន​មាន​រឿង​អាស្រូវ​ស្នេហ៍​បោកបក់​។ ប៉ុន្តែ​រំឭក​រឿង​ស្នេហា តារាចម្រៀង​ក្នុង​ដួង​ចិត្ត​យុវវ័យ កញ្ញា ឱក សុគន្ធកញ្ញា បន្លឺ​សំឡេង​ខ្លី​ថា មិន​ទាន់​មាន​ពេល​គិត​ដល់​រឿង​ហ្នឹង​ទេ។

ឱកាស​បង្ហើរ​សំនៀង​ជាមួយ​ក្បាច់​រាំ​ដ៏​ទាក់ទាញ​ការ​គាំទ្រ​ពី​យុវវ័យ នៅលើ​ឆាក​ប្រគំ​តន្រ្តី​ដ៏ពិសេស អបអរ​ការ​ប្រកួត​បាល់​​ទាត់​ដ៏ធំ​នៅ​រដូវកាល​ឆ្នាំ​ ២០១៥ នៃ​ក្របខ័ណ្ឌ​កំពូល​របស់​​អង់គ្លេស (EPL) នា​ជំនួប​ចុងក្រោយ​នៃ​រដូវកាល រវាង​ក្រុម​តោខៀវ Chealsea និង​ក្រុម​ឆ្មាខ្មៅ Sunderlan នា​ទីក្រុង​កោះពេជ្រ ក្នុង​សាល​តាំង​ពិព័រណ៍​នោះ។

បន្ទាប់ពី​តារាចម្រៀង​មាន​កំណើត​​ពី​ទឹកដី​នាង​កង្រី កំពុង​ទទួល​ការ​គាំទ្រ​ពី​យុវវ័យ​​ក្រោម​​បទចម្រៀង «ទឹកភ្នែក​ក្មេង​ពាល» ​ជាមួយ​ក្បាច់​រាំ​ដ៏​ទាក់ទាញ​​របស់​លោក ខេម សម្ដែង​ចប់ កញ្ញា ឱក សុគន្ធកញ្ញា បាន​លេច​វត្តមាន​បកស្រាយ​បទចម្រៀង​លើស​ពី​​ការ​គ្រោងទុក​ជាប់ៗ​គ្នា​ចំនួន​ ៥ បទ​។

Cambodia Website Design

នាង​ខ្លួនឯង​ស្រែក​ថា៖ «បើ​បងប្អូន​គាំទ្រ​នៅ​ចង់​ទស្សនា ខ្ញុំ​អាច​ច្រៀង​ថែម​ជូន​មួយ​បទ​ទៀត​បាន»​។

មិន​ឲ្យ​ចាញ់​តារាចម្រៀង​លោក ខេម មកពី​ផលិតកម្ម​ថោន កំពូល​តារាចម្រៀង​របស់​ផលិតកម្ម​ហង្សមាស កញ្ញា ឱក សុគន្ធកញ្ញា ស្រែក​សួរ​អ្នក​ទស្សនា ការ​ប្រគំ​តន្រ្តី Singha Stadium ថា៖ «សប្បាយ​ទេ​បង​ប្អូន? ពេល​នេះ ខ្ញុំ​អស់​នាទី​នៅលើ​ឆាក​ប្រគំតន្រ្តី​នេះ​ហើយ ព្រោះ​ថា​ចម្រៀង​ចំនួន ៥ បទ ខ្ញុំ​បាន​ច្រៀង​អស់​ហើយ។ តែ​បើ​បងប្អូន​ចង់​ស្តាប់ និង​ទស្សនា ខ្ញុំ​នឹង​ច្រៀង​ជូន​ ១ ​បទ​ទៀត»​។

សាទរ​នឹង​បទចម្រៀង​ច្រៀង ​free free ពី​កំពូល​តារា និង​ជា​គណៈកម្មការ​ផ្តល់​ពិន្ទុ​នៅ​កម្មវិធី​ប្រឡង​ចម្រៀង​លំដាប់​ថ្នាក់​អន្តរជាតិ Cambodia idol កញ្ញា ឱក សុគន្ធកញ្ញា ដែល​ផ្តល់​​ជូន​អ្នក​ទស្សនា​ទាំង​ដង្ហើម​ហត់​ស្ទើរ​ដក​មិន​ដល់​គ្នា​នោះ ក្រុម​ទស្សនិកជន​ជា​យុវវ័យ បាន​ស្រែក​ដោយ​សំឡេង​ខ្លាំងៗ​ដើម្បី​​លើក​ទឹកចិត្ត សុគន្ធកញ្ញា ច្រៀង​ថែម​មួយ​បទ​ភ្លាម​។

សំឡេង​ចេញ​ពី​ក្រុម​អ្នក​ក្រេប​ស្រាបៀរ Singha ស្រែក​ថា៖ «ច្រៀង​ក៏​ពីរោះ​រូប​ក៏​ស្អាត ចិត្ត​ក៏​ល្អ មាន​សង្សារ​នៅ​? បើ​មិន​ទាន់​មាន នឹង​គិតគូរ​ដាក់​ដឺ​ម៉ង់»។ ប៉ុន្តែ​ឆ្លើយតប​ភ្លាម តារាចម្រៀង​រូប​នេះ​បាន​និយាយ​ថា៖ «អរគុណ​ចំពោះ​ក្តីស្រឡាញ់​ប៉ុន្តែ​សម្រាប់​ខ្ញុំ​មិន​មាន​ពេល​គិត​រឿង​ស្នេហា​ទេ​ពេល​នោះ​»។

កញ្ញា​ថា​៖ «​បើ​អាល័យ​គិត​ស្នេហា គ្មាន​ពេល​គ្រប់គ្រាន់​រិះរក​អ្វី​ថ្មី និង​ប្លែក ជា​សិល្បៈ​មក​ជូន​បងប្អូន​ទេ​»៕

You might also like More from author

Comments are closed.