គូស្នេហ៍​ស្រឡាញ់​ភេទ​ដូចគ្នា​អាច​បង្កើតកូន​ជីវសាស្ត្រ​ជាមួយគ្នា

0
Cambodia Website Design

តាម​ការស្រាវជ្រាវ​មួយ​ថ្មីៗ​នេះ របស់​សកល​វិទ្យាល័យ Cambridge (​អង់គ្លេស​) នោះ​ក្រោយ ២ ឆ្នាំ ទៀត គូស្នេហ៍​ស្រឡាញ់​ភេទ​ដូចគ្នា នឹង​អាច​បង្កើតកូន​ជីវសាស្ត្រ​ជាមួយគ្នា ដោយ​វិធី​បង្កើត​ពង និង​មេជី​វិត​សិប្បនិម្មិត ពី​កោសិកា​ដើម​របស់​អ្នក​ទាំងពីរ ។​

​ពួក​អ្នកវិទ្យាសាស្ត្រ បានទទួល​ជោគជ័យ​ជំហាន​ដំបូង ក្នុងការ​បង្កើត​មេជី​វិត​សិប្បនិម្មិត និង​ពង​សិប្បនិម្មិត ដោយ​វិធី​បង្កើត​កម្មវិធី​កោសិកា​ស្បែក​របស់​មនុស្ស​ឡើងវិញ រួច​ផ្លាស់ប្តូរ​វា​ទៅជា​កោសិកា​ដើម​អំប្រ៊ីយ៉ុង​ពូជ ។ ក្រុម​ស្រាវជ្រាវ​បន្ទាប់មក បាន​យក​កោសិកា​បង្កាត់​នេះ ទៅ​ប្រៀបធៀប​ជាមួយនឹង​កោសិកា​ត្រូវបាន​ចាក់​យក​ពី​គភ៌​មនុស្ស ហើយ​លទ្ធផល គឺ​វា​ដូចគ្នា​បេះបិទ ។ ការស្រាវជ្រាវ​ត្រូវបាន​ប្រកាស​លើ​ទស្សនា​វ​ដ្តី Cell នៅ​ដើម​សប្តាហ៍​នេះ និង​ត្រូវបាន​សង្កត់ធ្ងន់​គ្រាន់តែ​ជា​ជំហាន​ដំបូង​របស់​ការស្រាវជ្រាវ ។​

​ក្រុម​ស្រាវជ្រាវ​ឲ្យ​ដឹងថា នឹង​បន្ត​ប្រឹងប្រែង​ដើម្បី​បញ្ចប់​ដំណើរការ​ស្រាវជ្រាវ ដោយ​វិធី​បង្កើត​មេជី​វិត និង​ព​សិប្បនិម្មិត​ត្រូវបាន​រីកចម្រើន​ពេញលេញ ។ ពេល​ជោគជ័យ​ទាំងស្រុង បច្ចេកទេស​នេះ​នឹង​ជួយ​ដល់​បុគ្គល​ណា​មាន​បញ្ហា​អំពី​លទ្ធភាព​បង្កើតកូន រួមមាន​ទាំង​គូស្នេហ៍​ស្រឡាញ់​ភេទ​ដូចគ្នា ។​

Cambodia Website Design

“​វា​បានទទួល​ការយកចិត្តទុកដាក់​ខ្លាំងគ្លា ពី​សហគមន៍​ស្រឡាញ់​ភេទ​ដូចគ្នា ដោយសារ​លទ្ធភាព​បង្កើតជា​ពង និង​មេជី​វិត​សិប្បនិម្មិត​ពី​កោសិកា​ដើម​របស់គេ​ផ្ទាល់​”, ក្រុម​ស្រាវជ្រាវ​ឲ្យ​ដឹង ។​

​ការស្រាវជ្រាវ​ត្រូវបាន​ឧបត្ថម្ភ​ដោយ​មូលនិធិ Wellcome និង​ម​ជ្ឈ​ម​ណ្ដ​ល​ស្រាវជ្រាវ Britain Israel៕ – See more at: http://www.cen.com.kh/health/show_detail/84?token=YTgwZGRlMDQ0OGE2MTcwYjQyMmI3Mzc4MGE5OTQ1#sthash.BsGjYyxb.dpuf

You might also like More from author

Comments are closed.