គណៈកម្មាធិការ​លើក​ស្ទួយ​ស្ត្រី​ស្នើ​ឲ្យ​ដក​លោក​ឧកញ៉ា សុក ប៊ុន ចេញ​ពី​ងារ​ជា​ឧកញ៉ា

0
Cambodia Website Design

គណៈកម្មាធិការ​លើក​ស្ទួយ​ស្ត្រី​ក្នុង​វិស័យ​នយោបាយ (CPWP) ដែល​ជា​ក្រុម​ស្ត្រី​ធ្វើ​ការ​លើក​កម្ពស់ ស្ថានភាព​ស្ត្រី និង​សមភាព​យេនឌ័រ ជំរុញ​អោយ​ស្ថាប័ន​ពាក់ព័ន្ធ​​ដកហូត​ងារ ឧកញ៉ា ​ពីលោក សុក ប៊ុន និង​នាំ​រូប​លោក​មកផ្ដន្ទាទោស​ក្នុង​សំណុំរឿង អំពើ​ហិង្សាទៅលើ កញ្ញា ឯក សុជាតា ហៅ សាសា។

នៅ​ក្នុង​លិខិត​ចំហរ ដែល​ចេញ​នៅ​ថ្ងៃ​ទី១០ ខែ កក្កដា អង្គការ​នេះ​អំពាវ​ដល់​ក្រសួង​យុត្តិធម៌ ក្រសួង​កិច្ចការ​នារី ក្រសួង​មហាផ្ទៃ និង​ស្ថាប័ន​ពាក់ព័ន្ធអោយ​ស្នើ​សុំ​ដល់ព្រះមហាក្សត្រ​ដកហូតងារ របស់ លោក ឧកញ្ញ៉ា សុក ប៊ុន ព្រមទាំង​ចាត់​វិធាន​ការ​ស្វែង​រក និង​ចាប់​ខ្លួន​ជនល្មើស​មក​ទទួលខុសត្រូវ​ចំពោះ​មុខ​ច្បាប់។

ឪពុក​ជនរងគ្រោះ គឺ​លោក​ឧកញ៉ា អ៊ុត ធី សាទរ​នឹង​ការ​អំពាវ​នាវ​នេះ។ លោក​បាន​បដិសេធ​ចំពោះ ព័ត៌មាន​ថា​កញ្ញា សាសា បាន​ទាមទារ​សំណង​ជំងឺ​ចិត្តជា​ទឹកប្រាក់​ចំនួន​១​លាន​ដុល្លារ​អាមេរិក ដើម្បី​បញ្ចប់​រឿង​នោះ​គឺ​ជា​រឿង​មិន​ពិត ហើយ​ក្រុម​គ្រួសារ​លោក​នៅ​តែ​ប្រកាន់​ជំហរ​ទាមទារ​យុត្តិធម៌​សម្រាប់​ក្រុម​គ្រួសារ​លោក និង​ជនរងគ្រោះ​ដទៃ​ទៀត៖«សម្រាប់​ខ្ញុំ​និង​គ្រួសារ​របស់​ខ្ញុំ មិន​ចង់​បាន​អី​ក្រៅ​ពី​សំណាញ់​ច្បាប់ រក​យុត្តិធម៌​ឲ្យ​ខ្ញុំ រឿង​សំណង​រឿង​អី​ខ្ញុំ​មិន​ត្រូវការ​ទេ ដើម្បី​ឲ្យ​គាត់​ដឹង​ថា ច្បាប់​ស្រុក​ខ្មែរ​យុត្តិធម៌​នៅ​មាន​សម្រាប់​ពលរដ្ឋ​ខ្មែរ»

Cambodia Website Design

លោក អ៊ុត ធី អោយ​ដឹង​ដែរ​ថា ពេល​នេះ​កញ្ញា​​សាសា បាន​ចេញ​ទៅ​ប្រទេស​ថៃ​ហើយ ដើម្បីពិនិត្យ​សុខភាព និង​ព្យាបាល​របួស​ពី​ការ​វាយដំ​ដោយ​លោក ឧកញ៉ា សុក ប៊ុន កាល​ពី​យប់​ថ្ងៃ​ទី២ ខែ កក្កដា ដែល​មិន​ទាន់​បានធូរស្រាល​នៅ​ឡើយ៕

ប្រភព៖http://www.rfa.org/khmer/news/social-economy/violence-women-07102015102627.html

You might also like More from author

Comments are closed.