កាមេរ៉ា​សុវត្ថិភាព​ត្រូវ​បាន​បំពាក់​នៅ​តាម​បណ្ដា​ភ្លើងស្តុប​ នៃ​មហាវិថី​សំខាន់ៗ

0
Cambodia Website Design

ភ្នំពេញ​ ៖​ ចាប់​តាំង​ពី​ថ្ងៃ​ទី​១៣ ខែ​កក្កដា​ រហូត​មក​ដល់​ថ្ងៃនេះ ​កម្លាំង​ជំនាញ​នៃ​អគ្គស្នងការដ្ឋាន​នគរបាល​ជាតិ​ សហការ​ជាមួយ​ក្រសួង​សន្តិសុខ​សាធារណៈ​ចិន​បាន​ចាប់ផ្តើម​ដាក់​កាមេរ៉ា​សុវត្ថិភាព​នៅ​តាម​បណ្តា​ភ្លើងស្តុប នៃ​មហាវិថី​សំខាន់ៗ​ក្នុង​រាជធានី​ភ្នំពេញ​ សរុប​ចំនួន​២០​ដើម្បី​ធានា​សុវត្ថិភាព​ជូន​ប្រជាពលរដ្ឋ​ទូទៅ និង​សណ្ដាប់ធ្នាប់​សង្គម។ នេះ​បើ​យោង​តាម​ការផ្សាយ​របស់​គេហទំព័រ​នគរបាល​ជាតិ។

នាយការិយាល័យ​ទូរស័ព្ទ នៃ​នាយកដ្ឋាន​វិទ្យុទាក់ទង អគ្គស្នងការដ្ឋាន​នគរបាល​ជាតិ ក្រសួងមហាផ្ទៃ លោក​វរសេនីយ៍ទោ សោម ធា​រិ​ទ្ធ​ ដែល​ដឹកនាំ​កម្លាំង​ចុះ​ប្រតិបត្តិ​ការ​បំពាក់​កាមេរ៉ា​សុវត្ថិភាព​ខាងលើ បាន​ឲ្យ​ដឹង​ថា ​ចាប់តាំងពី ថ្ងៃទី​១៣​ ខែ​កក្កដា ឆ្នាំ​២០១៥​កម្លាំង​ជំនាញ នៃ​អគ្គស្នងការដ្ឋាន​នគរ​បាល​ជាតិ សហការ​ជាមួយ​ក្រសួង​សន្តិសុខ​សាធារណៈ​ចិន​បាន​ចុះ​បំពាក់​កាមេរ៉ា សុវត្ថិភាព​នៅតាម​បណ្តា​គោលដៅ​ភ្លើងស្តុប​សំខាន់ៗ សរុប​មាន​ចំនួន ២០​គោលដៅ​ធំៗ​គឺ ៖ ១.​ស្តុ​ប​ច្រមុះ​ជ្រូក​ក្បាលថ្នល់ ,២.​ស្តុ​ប​ក្រសួងមហាផ្ទៃ ,៣.​ស្តុ​ប​ចំការមន ,៤.​ស្តុ​ប​បូកគោ ,៥.​ស្តុ​ប​ពេ​ទ្រ​ចិន ,៦.​ស្តុ​ប​ទូត​អាល្លឺម៉ង់ ,៧.​ស្តុ​ប​ផ្សារ​អូរឫស្សី ,៨.​ស្តុ​ប​ផ្សារ​ថ្មី ,៩.​ស្តុ​ប​សួន​កាណាឌីយ៉ា ,១០.​ស្តុ​ប​សណ្ឋាគារ​ណាន​ជី​ង ,១១.​ស្តុ​ប​ដេ​អិន ,១២.​ស្តុ​ប​វិទ្យាល័យ​សន្ធរ​មុខ ,១៣.​ស្តុ​ប​ទេព​ផន ,១៤.​ស្តុ​ប​ម៉ុង​ឌី​យ៉ា​ល់ ,១៥.​ស្តុ​ប​ផ្សារ​ដើម​គរ ,១៦.​ស្តុ​ប​អាងទឹក​អូឡាំពិក ,១៧.​ស្តុ​ប​នាង​គង្ហីង ,១៨.​ស្តុ​ប​ផ្សារ​ដេប៉ូ ,១៩.​ស្តុ​ប​អូ​ឡាំ​ពិ​កច និង​២០ ស្តុ​ប​ច្បារអំពៅ​២។

លោក​វរសេនីយ៍ទោ​បន្ត​ទៀត​ថា គិត​ចាប់ពី​ថ្ងៃទី​១៣ ខែកក្កដា ឆ្នាំ​២០១៥​មក យើង​បាន​បំពាក់​កាមេរ៉ា​សុវត្ថិភាព​បាន​ចំនួន​២​គោលដៅ​ហើយ គឺ​គោលដៅ​ភ្លើងស្តុប​ច្បារអំពៅ​២ ស្ថិត​តាម​បណ្តោយ​ផ្លូវជាតិ​លេខ​១ ក្នុង​ខណ្ឌ​ច្បារអំពៅ និង​គោលដៅ​ទី​២ ភ្លើងស្តុប​បូកគោ ស្ថិត​តាម​បណ្តោយ​ផ្លូវ​ព្រះមុន្នីវង្ស ក្នុងភូមិ​សាស្ត្រ​ខណ្ឌចំការមន។ ចំពោះ​ការបំពាក់​កាមេរ៉ា​ខាងលើ គឺ​ពិត​ជាមាន​សារៈសំខាន់​ណាស់​ក្នុងការ​ទប់​​ស្កាត់​បទ​ល្មើស​លួច ឆក់ ប្លន់ ក៏ដូចជា​ករណី​គ្រោះថ្នាក់​ចរាចរណ៍ និង​ការមិន​គោរព​ច្បាប់​ចរាចរណ៍​ពី​អ្នកដំណើរ​ទូទៅ​បំពាន​ស្លាក​សញ្ញា ភ្លើងស្តុប ហើយ​សមត្ថកិច្ច​ និង​ធ្វើការ​ផាក​ពិន័យ​ទៅតាម​ភស្តុតាង​ជាក់ស្តែង ដែល​មាន​ជាប់​នៅ​ក្នុង​កាមេរ៉ា​សុវត្ថិភាព។

Cambodia Website Design

អ្នក​ធ្វើ​ដំណើរ​ ក៏ដូចជា​ប្រជាពលរដ្ឋ​ទូទៅ​សម្ដែង​ការ​សាទរ និង​សង្ឃឹម​ថា ក្រោយពី​សមត្ថកិច្ច​បំពាក់ កាមេរ៉ា​សុវត្ថិភាព​គ្រប់​គោលដៅ​អស់ហើយ បទល្មើស​ផ្សេងៗ​នឹង​ត្រូវ​បាន​កាត់បន្ថយ​តាមរយៈ​កាមេរ៉ា​សុវត្ថិភាព ដែល​ក្រុម​ជន​មិន​គោរព​ច្បាប់ និង​ជនល្មើស​ដែល​ប្រព្រឹត្តិ​សកម្មភាព​លួច ឆក់ ប្លន់ តាមរយៈ​កាមេរ៉ា​សុវត្ថិភាព​ដែល​អាច​ត្រូវ​ផ្តិត​យក​រូបភាព​សកម្មភាព​ល្មើសច្បាប់​នៅ​លើ​ដងផ្លូវ​គ្រប់ពេលវេលា៕

You might also like More from author

Comments are closed.