មើល​សៀវភៅ​មុន​ចូល​គេង​បង្កើន​ការ​ចងចាំ​ល្អ​សម្រាប់​ត្រៀម​ប្រឡង

13
Cambodia Website Design

ក្រុងអ៊ិចសេធ័រ: ក្រុម​អ្នក​វិទ្យាសាស្ដ្រ​បាន​រកឃើញ​ថា​ដំណេក​ជះ​ឥទ្ធិពល​​ស្ទើរតែ​ពាក់កណ្ដាល​នៃ​ការ​ចងចាំ​នូវ​ព័ត៌មាន​នានា​ដែល​ភ្លេច​នា​ពេល​កន្លង​មក។​

ពួកគេ​បាន​បង្ហាញ​នូវ​ថា​ដំណេក​ជួយ​រំឭក​ការ​ចងចាំ​នូវ​ព័ត៌មាន​ពី​អតីត​ដែល​​បាន​បំភ្លេច​ និង​បង្កើន​ភាព​ចងចាំ​កាន់តែ​ជាក់​ច្បាស់។

ក្រុម​អ្នកស្ម័គ្រ​ចិត្ដ​ដែល​បាន​ចូលរួម​ក្នុង​ការ​សិក្សា​ត្រូវ​បាន​សួរ​នាំ​អំពី​ការ​ចងចាំ​ពាក្យពេចន៍​ទាំង​មុន​ពេល​ចូល​ដេក ឬ​ក្រោយពី​អត់​បាន​ដេក​រយៈពេល ១២ ម៉ោង​។

Cambodia Website Design

ការ​សិក្សា​រកឃើញ​ថា​អ្នក​បាន​ដេក​ពិតជា​អាច​រំឭក​ការ​ចងចាំ​ពាក្យពេចន៍​បាន​ល្អ​ប្រសើរ​ជាង​អ្នក​ដែល​មិន​បាន​ដេក​ច្រើន​ម៉ោង​។

ការ​ស្រាវជ្រាវ​អំពី​ដំណេក​នេះ​​បាន​បង្ហាញ​ថា​ការ​ខំប្រឹង​រៀន​នៅ​នាទី​ចុងក្រោយ​សម្រាប់​​ត្រៀម​ប្រឡង​មុន​ពេល​ចូល​ដេក​អាច​ជា​យុទ្ធសាស្ដ្រ​ដ៏​ប្រសើរ​​សម្រាប់​ការ​សិក្សា​។

វេជ្ជបណ្ឌិត​ផ្នែក​ចិត្ដវិទ្យា នីកូឡាស ឌូម៉េ មកពី​សាកលវិទ្យាល័យ​អ៊ីចសេធ័រ និយាយ​​ថា​៖ «​ដំណេក​បង្កើន​ឱកាស​ចងចាំ​នូវ​រឿងរ៉ាវ​ពី​អតីត​ដែល​បាន​ភ្លេចភ្លាំង​ទៅ​ហើយ​រហូត​ដល់​​ទ្វេដង​។ ក្រោយពី​សម្រាក​ដើម្បី​ជួយ​បង្កើន​ថាមពល​​នៃ​ការ​ចងចាំ​អាច​សបញ្ជាក់​ថា​ការ​ចងចាំ​ខ្លះ​ត្រូវ​បាន​រំឭក​ឲ្យ​នឹក​ឃើញ​ឡើង​វិញ​នូវ​រយៈពេល​តែ​មួយ​រាត្រី​»។

អ្នកស្រី​បាន​បន្ដ​ទៀត​ថា​៖ «​ខណៈ​ពេល​ដេក​ខួរ​ក្បាល​របស់​យើង​បាន​រំឭក​ព័ត៌មាន​នានា​រួមទាំង​ចំណារ​សំខាន់ និង​មិន​សំខាន់​ផង​ដែរ​»។

អំឡុង​ពេល​មនុស្ស​ម្នាក់​ដេក​លក់​យ៉ាង​ស្កប់ស្កល់​ហេតុការណ៍​ដែល​បាន​​សរសេរ​ទុក​នា​ពេល​កន្លងមក​ថ្មីៗ​ត្រូវ​បាន​នឹក​ឃើញ​ និង​រំឭក​នៅ​ផ្នែក​ខ្លះៗ​ដែល​​ខួរក្បាល​។

លទ្ធផល​នេះ​ត្រូវ​បាន​រាយការណ៍​ក្នុង​ទស្សនាវដ្ដី Cortex៕

Comments

comments

You might also like More from author