អ្នក​ជំនាញ​សិចសាស្ដ្រ​ឥណ្ឌា ៩១ ​ឆ្នាំ​ស្រាយ​ចម្ងល់​ផ្លូវភេទ​ឥត​សំចៃ​មាត់

5
Cambodia Website Design

ក្រុងមុមបៃ: អ្នក​ជំនាញ​ផ្នែក​សិចសាស្ដ្រ​ឥណ្ឌា​វ័យ​ ៩១ ​ឆ្នាំ​ជា​អ្នក​សរសេរ​អត្ថបទ​សុខភាព​ទទួល​បាន​ទាំង​ការ​កោតសរសើរ និង​ការ​រិះគន់​ចំពោះ​ការ​បកស្រាយ​ចំៗ​ដោយ​ឥត​លាក់លៀម។

បើ​ទោះបី​ជា​សំណួរ​ភាគច្រើន​សុទ្ធតែ​ត្រូវ​បាន​លើក​ឡើង​ដោយ​ភាគី​បុរស​លោក ម៉ាហ៊ីនឌ័រ វ៉ាត់សា បាន​ប្រាប់ AFP ថា​បច្ចុប្បន្ន​នារី​ជាច្រើន​មក​សុំ​ដំបូន្មាន​ល្អៗ​ពី​លោក​ក្នុង​កាសែត Mumbai Mirror។

លោក វ៉ាត់សា ជា​សិចវិទូ​ជាន់ខ្ពស់​នៅ​ឥណ្ឌា​ដែល​​ឆ្លើយ​សំណួរ​ប្រមាណ ៨០ រៀងរាល់​ថ្ងៃ​ឲ្យ​ដឹង​ថា​៖ «​ពេល​ខ្ញុំ​ចាប់ផ្ដើម​សរសេរ​ «​Ask the Sexpert» ដំបូង​ខ្ញុំ​សឹង​តែ​មិន​បាន​ទទួល​សំបុត្រ​​ឆ្លើយតប​ពី​ក្រុម​ស្ដ្រី​ឡើយ​។ ប៉ុន្ដែ​ឥឡូវ​វា​មាន​ចំនួន ៣០ ភាគរយ​ដែរ​»។

Cambodia Website Design

លោក វ៉ាត់សា ជា​អ្នក​ជំនាញ​ផ្នែក​សម្ភព និង​រោគ​ស្ដ្រី​បាន​ផ្ដល់​ពន្លឺ និង​ការ​កម្សាន្ដ​ដល់​អ្នក​អាន​ក្នុង​ទីក្រុង​សេដ្ឋកិច្ច​របស់​ឥណ្ឌា​ជាង​មួយ​ទសវត្សរ៍​ហើយ​ជាមួយ​នឹង​ពាក្យពេចន៍​ឧត្ដមគតិ​រមែង​ជា​ភាសា​កំប្លែង​ និង​ប្រភព​ចំណេះដឹង​។

ដោយ​សំដៅ​លើ​ហានិភ័យ​នៃ​ការ​ពពោះ​មិន​សម​ប្រាថ្នា ឬ​ការ​ចម្លង​រោគ​តាម​ការ​រួមភេទ​អ្នក​ជំនាញ​វ័យ​ចំណាស់​រូប​នេះ​បាន​បន្ដ​ថា​៖ «​អ្នក​ដែល​អាន​អត្ថបទ​របស់​ខ្ញុំ​មាន​ការ​យល់​ដឹង​ច្រើន​អំពី​សិច​ដ៏​ទូលំទូលាយ​បំផុត​ពីព្រោះ​លោក​អ្នក​អាច​ជួប​នឹង​បញ្ហា​ចំពោះ​មុខ​ជាច្រើន​»។

លោក​ផ្ដោត​សំខាន់​លើ​បញ្ហា​ស្ដ្រី​តែ​លោក​មាន​ឈ្មោះ​ល្បី​ដោយសារ​ភាព​ឆ្លាត​វាងវៃ និង​​ឆ្លើយ​សំណួរ​រំលេច​នូវ​ការ​ចំអក​ឡកឡាយ​។

លោក​ជា​មនុស្ស​​មិន​ស្ទាក់ស្ទើរ​ចំពោះ​ការ​ផ្ដល់​ដំបូន្មាន​គំរោះ​គំរើយ​ជាពិសេស​ពេល​ប្រុសៗ​សួរ​ពី​វិធីសាស្ដ្រ​មើល​នារី​ដែល​ខ្លួន​ជិត​រៀបការ​នៅ​ហ្ស៊ីន​ឬ​អត់​? សំណួរ​មួយ​បាន​ចោទ​សួរ​ថា​៖ «គ្រួសារ​ខ្ញុំ​​ទទូច​ឲ្យ​ខ្ញុំ​រៀបការ​។ តើ​ខ្ញុំ​អាច​មើល​ដឹង​ថា​តើ​នារី​នោះ​នៅ​ក្រមុំ​បរិសុទ្ធ​ឬ​ក៏​អត់?​»។ លោក​ឆ្លើយ​​ថា​៖ «​​អ្នក​មិន​គួរ​រៀបការ​ទេ​។ លុះត្រា​តែ​អ្នក​ជា​ប៉ូលិស​ស៊ើបអង្កេត​បើ​មិន​ដូច្នោះ​ទេ​អ្នក​នឹង​មិន​ដឹង​ជា​ដាច់​ខាត​​»។

អ៊ីមែល​ភាគច្រើន​ដែល​លោក វ៉ាត់សា ទទួល​គឺជា​ចម្ងល់​របស់​បុរសៗ​ដែល​បង្ហាញពី​កង្វល់​ចំពោះ​ការ​សម្រេច​កាម​ដោយ​ខ្លួនឯង​ថា​តើ​វា​បង្ក​ឲ្យ​ជ្រុះ​សក់​ ឬ​ក៏​អត់​? និង​យុទ្ធវិធី​បញ្ឈប់​ការ​ឆាប់​បាញ់​ទឹក​កាម​ជាដើម​។

សំបុត្រ​ខ្លះ​សួរ​សំណួរ​ប្លែកៗ​ដូចជា​បុរស​ម្នាក់​ដែល​បាន​សួរ​ថា​តើ​អាច​ទៅ​រួច​ទេ​ក្នុង​ការ​ផិត​ប្រពន្ធ​ទៅ​រួម​ភេទ​ជាមួយ​ពពែ​?

លោកតា​បន្ដ​ថា​៖ «​គេ​ថា​ អត្ថបទ​​របស់​ខ្ញុំ​មាន​អ្នក​គំាទ្រ​ច្រើន​ និង​នាំឲ្យ​លក់​កាសែត​ដាច់។ ដូច្នេះ​ខ្ញុំ​នៅ​តែ​បន្ដ​សរសេរ​យូរ​ទៀត​រហូត​ដល់​ខ្ញុំ​វង្វេង​វង្វាន់​សរសេរ​លែង​កើត​»៕

You might also like More from author

Comments are closed.