យន្តហោះ​ដឹកអ្នក​ដំណើរ​រុស្ស៊ី​ធ្លាក់​នៅ​អេហ្ស៊ីប

2
Cambodia Website Design
Want create site? Find Free WordPress Themes and plugins.

យន្តហោះដឹកអ្នក​ដំណើរ​មួយគ្រឿងរបស់រុស្ស៊ី ដែល​មាន​ផ្ទុកមនុស្ស ២២៤នាក់ បាន​ធ្លាក់ នៅថ្ងៃ​សៅរ៍​នេះ ​នៅ​ក្នុង​តំបន់​ស៊ីណៃ ប្រទេស​អេហ្ស៊ីប។ យន្តហោះ​នេះ​ហោះចេញ​ពី​តំបន់​ទេសចរណ៍ Charm el-Cheikh ឆ្ពោះទៅ​ទីក្រុង​ Saint Petersbourg ក៏ប៉ុន្តែ ត្រូវ​ធ្លាក់​នៅ​ក្រោយ​ពេល​ហោះចេញ​ពី​ព្រលានយន្តហោះ​បាន​បន្តិច។

Cambodia Website Design

 

សោកនាដកម្ម​ថ្មីមួយទៀត​បាន​កើតមានឡើង ក្នុង​វិស័យ​អាកាសចរណ៍​ស៊ីវិល នៅថ្ងៃ​សៅរ៍ ទី៣១ តុលា​នេះ។ យន្តហោះ​ដឹកអ្នក​ដំណើរ​ធុន Airbus A321 ដែល​ជា​របស់​ក្រុមហ៊ុន​រុស្ស៊ី បាន​បាត់​ពី​រ៉ាដា នៅ​ប្រមាន​ជា ៣០នាទី​ក្រោយ​ពី​បាន​ហោះចេញ​ពីព្រលានយន្តហោះ នៃ​តំបន់​ទេសចរណ៍​ជាប់សមុទ្រ​ក្រហម។

នាយករដ្ឋមន្រ្តី​អេហ្ស៊ីប​បាន​ចេញ​សេចក្តីប្រកាស​ជាផ្លូវការ​បញ្ជាក់​ថា យន្តហោះ​នេះ​បាន​ធ្លាក់​នៅ​ក្នុង​តំបន់​ស៊ីណៃ ហើយ​ប៉ូលិស​អេហ្ស៊ីប​បាន​ឲ្យដឹង​ថា បំណែក​យន្តហោះ​ត្រូវ​បាន​គេ​រកឃើញ ប៉ុន្តែ មិនមាន​អ្នក​រស់រាន​មានជីវិត​នៅ​ក្នុង​ហេតុការណ៍​នេះ​នោះទេ។

ក្រុម​សង្រ្គោះ​របស់​អេហ្ស៊ីប​បាន​ធ្វើ​ដំណើរ​ទៅដល់​កន្លែងកើតហេតុ ហើយ​បាន​ចាប់ផ្តើម​​ទាញ​យក​សាកសព​ជាង ១០០​ចេញ​ពី​បំណែក​យន្តហោះ។ លោក​វ៉ា្លឌីមៀរ ពូទីន ប្រធានាធិបតី​រុស្ស៊ី​វិញ បាន​ចេញ​បញ្ជា​ឲ្យ​បញ្ជូន​ក្រុមសង្រ្គោះ​របស់​រុស្ស៊ី ទៅកាន់​កន្លែង​កើតហេតុ​នេះ​ដែរ។
ទីភ្នាកងារព័ត៌មាន​ផ្លូវការរុស្ស៊ី Itar-Tass ផ្សាយថា ក្នុងការឆ្លើយឆ្លងគ្នា​លើកចុងក្រោយ​ជាមួយ ក្រុមខាង​តាមដាន​ការហោះហើរ​ដែលស្ថិត​នៅលើដី ពីឡុតយន្តហោះ Airbus-321 បានសុំ ការ អនុញ្ញាត​ចុះចតជាបន្ទាន់​នៅអាកាសយានដ្ឋាន​ក្រុង Caire។ ចំណែក​ទីភ្នាក់ងារព័ត៌មាន RIA Novosti បន្ថែមថា ក្រោយពី​ហោះចេញ​ពីក្រុង Charm el Cheikh មួយស្របក់មក ពីឡុតបាន រាយការណ៍​ទៅប៉ុស្តកុងត្រូល នៅ​អាកាសយានដ្ឋាន​នោះថា មានបញ្ហា​បច្ចេកទេស កើតឡើង។

ខេត្តស៊ីណៃខាងជើង ជាតំបន់​នៃជម្លោះ​រវាងអាជ្ញាធរ​អេហ្ស៊ីប និង ពួកភេរវជន ដែល​គាំទ្រ អង្គការ “ភាតរអ៊ីស្លាម” អង្គការ​ដែលត្រូវ​រដ្ឋអំណាច​អេហ្ស៊ីប​ប្រកាស​ដាក់​ឲ្យនៅ​ក្រៅច្បាប់ តាំងពីឆ្នាំ ២០១១ មក ក្រោយពី​មានការផ្លាស់ប្តូរ​អំណាច​បន្តបន្ទាប់​នៅអេហ្ស៊ីប។ ពួកអ៊ីស្លាមនិយម ពីមួយពេល ទៅ មួយពេល តែងចាត់ចែងឡើង​ជាការ​វាយប្រហារ ទៅលើ កងកម្លាំងប្រដាប់ អាវុធ និង ប៉ូលិស អេហ្ស៊ីប៕

Did you find apk for android? You can find new Free Android Games and apps.

Comments

comments

You might also like More from author

ចែករំលែក