សម្តេច​ហ៊ុនសែន បកស្រាយ​ជាថ្មី​ពី​ការសម្រេច​ផ្អាក​បុណ្យអុំទូក នៅ​ឆ្នាំនេះ គឺ​មិនមែន​មកពី​ហេតុផល​នយោបាយ​ទេ

3
Cambodia Website Design

ភ្នំពេញ: សម្តេច​តេ​ជោ​ហ៊ុនសែន បានបញ្ជាក់​ជាថ្មីទៀត ពី​ការសម្រេច​ផ្អាក មិន​ប្រារព្ធ​ព្រះរាជ​ពិធីបុណ្យ​អុំទូក នៅ​ចុងខែ​វិច្ឆិកា ឆ្នាំ​២០១៥​នេះ​។ នោះ​គឺ​មកពី​ទឹកទន្លេ នៅមុខ​ព្រះបរមរាជវាំង មាន​កម្រិត​ទាប ដែល​សព្វថ្ងៃ PM HUn Sen-Water Festivalនៅក្រោម ៥ ម៉ែត្រ​។ តាម​សម្តេច​ហ៊ុនសែន ការសម្រេច​ផ្អាក​មិន​រៀបចំ​ពិធីបុណ្យ​អុំទូក នៅ​ឆ្នាំនេះ មិនមែន​ដូច​ការ​លើកឡើងថា មកពី​ហេតុផល​នយោបាយ ដែល​រាជរដ្ឋាភិបាល ខ្លាច​មាន​បាតុកម្ម​ពី​គណបក្សប្រឆាំង​នោះទេ​។​

​ក្នុង​ពិធី​បើកសម្ពោធ​ដាក់​ឲ្យ​ប្រើប្រាស់​ជា​ផ្លូវការ​គម្រោង​ការពារ​ទឹកជំនន់ និង​កែលម្អ​ប្រព័ន្ធ​ប្រឡាយ​លូ ក្នុង​រាជធានី​ភ្នំពេញ ជំ​ហ៊ាន​ទី​៣ នា​ព្រឹក​ថ្ងៃទី​៥​វិច្ឆិកា​នេះ នៅ​សួនច្បារ​មុខ​វត្ត​បទុម​វ​តី សម្តេច​ហ៊ុនសែន ក៏បាន​ប្រកាសថា រាជរដ្ឋាភិបាល មិន​ខ្លាច​ប្រជាជន​នោះទេ ឬក៏​ខ្លាច​បាតុកម្ម​នោះទេ​។ ម្យ៉ាងទៀត សូម្បីតែ​មិនមាន​ព្រះរាជ​ពិធីបុណ្យ​អុំទូក តែ​ក៏មាន​ការរៀបចំ​ពិធី​ប្រគុំ​តន្ត្រី concert ដើម្បី​ឲ្យ​ប្រជាពលរដ្ឋ ចូលរួម​សប្បាយ​ផងដែរ​។​

​សម្តេច​ហ៊ុនសែន ក៏បាន​ប្រកាសថា បើសិនជា​អ្នកវិភាគ ឬក៏​អ្នកនយោបាយ រាប់ទាំង​តំណាងរាស្ត្រ​មួយចំនួន​របស់​គណបក្ស​សង្គ្រោះ​ជាតិ ដែលថា ទឹក​មាន​កម្រិត​ទាប ក៏​អាច​អុំទូក​បានដែរ​នោះ សូម​អញ្ជើញ​អ្នក​ទាំងនោះ មក​អុំ ដោយ​សម្តេច​រៀបចំ និង​ចេញ​លុយ​ឲ្យ​។ ម្យ៉ាងតៀត នៅ​ខេត្ត​មួយចំនួន ដូចជា នៅ​ខេត្តកំពង់ធំ ដោយសារតែ​ទឹក​មាន​កម្រិត​ទាប មិនអាច​នាំ​ទូកង មក​ចូលរួម​ពិធី​នៅ​ភ្នំពេញ​បានទេ​។ ជាមួយគ្នា​នោះ ក៏​មិនមាន​អ្នក​អុំ​ដែរ ព្រោះ​ប្រជាពលរដ្ឋ ជាប់រវល់​នឹង​ការធ្វើ​ស្រែ​។ រីឯ​លុយ​ក្នុងការ​ធានារ៉ាប់រង​ឧបត្ថម្ភ​ទូកង គឺ​បើ​គ្មាន​លុយ ១​ម៉ឺន​ដុល្លារ ក្នុង​ទូក​១​គ្រឿង​ទេ ក៏​មិនអាច​នាំ​ទូកង មក​ចូលរួម​ពិធី​បានទេ​។​

Cambodia Website Design

​សម្តេច​ហ៊ុនសែន ក៏បាន​ផ្ញើ​សារ​ទៅកាន់​អ្នកវិភាគ​ទាំងឡាយ ឲ្យ​យល់​ពី​ការសម្រេច​ចិត្ត​របស់​រា​ជ​រដ្ឋាភិបាល ក្នុងការ​ផ្អាក មិន​រៀបចំ​ព្រះរាជ​ពិធីបុណ្យ​អុំទូក នៅ​ឆ្នាំនេះ​។​

សម្តេច​តេ​ជោ ហ៊ុនសែន ក៏បាន​ផ្តាំ​ទៅ​អ្នកវិភាគ​ផងដែរ​ថា រាជរដ្ឋាភិបាល បាន​អ្នក​គាំទ្រ​​ច្រើន ទើប​អាចដឹកនាំ​ប្រទេស​បាន​។ រីឯ​សិទ្ធិ​ធ្វើបាតុកម្ម ក៏មាន​សិទ្ធិ​ធ្វើបាតុកម្ម​ដូចគ្នា​។ សម្តេច​ហ៊ុនសែន ក៏បាន​លើកទឹកចិត្ត​ឲ្យ​មានការ​ធ្វើបាតុកម្ម នៅពេល​ពិធី​បុណ្យ​​អុំទូក ផងដែរ​។ សម្តេច​ក៏បាន​ប្រកាស​ឲ្យ​អាជ្ញាធរ​រៀបចំ​ការប្រគុំ​តន្ត្រី Concert ឲ្យ​ច្រើន នៅ​ភ្នំពេញ ក្នុង​ថ្ងៃ​ឈប់សម្រាក​ព្រះរាជ​ពិធីបុណ្យ​អុំទូក រយៈពេល ៣ ថ្ងៃ ចាប់ពី​ថ្ងៃទី​២៤ ដល់​ថ្ងៃទី​២៦​វិច្ឆិកា​។ អ្នកចម្រៀង​ល្បីៗ​របស់​កម្ពុជា​ទាំងអស់ ត្រូវ​យកមក​ច្រៀង​កម្សាន្ត ក្នុងឱកាស​នោះ​ផងដែរ ដោយ​សម្តេច​ជា​អ្នក​ប៉ាវ​ខាង​សិ​ល្បះ​។​

​ការរៀបចំ​ពិធី​កម្សាន្ត ជួបជុំ​ក្នុងឱកាស​បុណ្យអុំទូក នៅ​ភ្នំពេញ​នោះ ក៏​ដើម្បី​ឲ្យ​មាន​ប្រជាពលរដ្ឋ ឡើងមក​លេង​នៅ​ភ្នំពេញ​ឲ្យ​បាន​ច្រើន ត្រូវបាន​សម្តេច​ហ៊ុនសែន បញ្ជាក់ថា សម្តេច​ក៏​ចង់ឃើញ​គេ​ប្រមូលផ្តុំ​ធ្វើបាតុកម្ម ដូច​ការវិភាគ​នៅក្នុង​កាសែត​មួយចំនួន​ផងដែរ​។​

​ជាមួយគ្នា​នោះ សម្តេច​តេ​ជោ ហ៊ុនសែន ក៏​មិន​ភ្លេច​រម្លឹក​ពី​ការណែនាំ​របស់​សម្តេច ឲ្យ​បង្វែ​ថវិកា​សម្រាប់​រៀបចំ​ព្រះរាជ​ពិធីបុណ្យ​អុំទូក ទៅជា​ការទិញ​ប្រេង សម្រាប់​បូមទឹក​សង្គ្រោះ​ស្រូវ​របស់​ប្រជាកសិករ​ផងដែរ​៕​

Comments

comments

You might also like More from author