ជិះ​ម៉ូតូ​លឿន​ទៅ​បុក​ក្របី​ស្លាប់​ម្នាក់​របួសធ្ងន់​ម្នាក់​នៅ​ស្រុក​ភ្នំក្រវាញ

3
Cambodia Website Design

0ef4d202-ecae-416e-83bf-59842e5800aaខេត្តពោធិ៍សាត់ ៖ យុវជន​២​នាក់​ជិះ​ម៉ូតូឌុប​គ្នា​បើក​ក្នុង​ល្បឿន​លឿន​បាន​ទៅ​បុក​ក្របី​ដែល​ម្ចាស់​កំពុង​ដឹក​លើ​ចិញ្ចើមថ្នល់​បណ្ដាល​ឲ្យ​បាក់​ក​ស្លាប់​ម្នាក់ របួសធ្ងន់​ម្នាក់​បញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ​បង្អែក​ខេត្ត ដែល​ហេតុការណ៍​គ្រោះថ្នាក់​ចរាចរណ៍​នេះ​កើតឡើង​នៅ​ភូមិ​បត់​រំដួល ឃុំ​ផ្ទះ​រុង ស្រុក​ភ្នំក្រវាញ ខេត្តពោធិ៍សាត់ កាលពី​វេលា​ម៉ោង​៦ និង​៣០​នាទី​ល្ងាច ថ្ងៃ​ទី​១០ ខែវិច្ឆិកា ឆ្នាំ​២០១៥ ។

នគរបាល​ប៉ុស្ដិ៍​រដ្ឋបាល​ផ្ទះ​រុង​បាន​ឲ្យ​ដឹង​ថា ជន​រង​គ្រោះ​ដែល​ស្លាប់​ឈ្មោះ ពិន ចាន់​នី ភេទ​ប្រុស អាយុ​១៦​ឆ្នាំ ជា​អ្នក​រួម​ដំណើរ​ពីក្រោយ ចំណែក​អ្នក​រង​របួសធ្ងន់​ឈ្មោះ ញាន បុ៑​ន​លី​ប ភេទ​ប្រុស អាយុ​២៥​ឆ្នាំ​ជា​អ្នក​បើក​ម៉ូតូ ។ ប្រភព​បាន​ឲ្យ​ដឹង​ទៀត​ថា នៅ​វេលា​នោះ​ជន​រង​គ្រោះ​ទាំង​២​នាក់​ជិះ​ម៉ូតូ​ម៉ាក​ហុងដា ពណ៌​ខ្មៅ ស៊េរី​ឆ្នាំ​២០១៣ ពាក់​ស្លាក​លេខ ពោធិ៍សាត់ 1B-3838 លើ​ផ្លូវ​កៅស៊ូ​ក្នុង​ទិស​ដៅ​ពី​ជើង​ទៅ​ត្បូង​ក្នុង​ល្បឿន​លឿន​ដូច​ហោះ លុះដល់​ចំណុច​កើតហេតុ​បាន​ទៅ​បុក​ក្របី​បណ្ដាល​ឲ្យ​ដួល​បោក​ក្បាល​បែក​ហូរ​ឈាម​ស្លាប់​អ្នក​រួម​ដំណើរ​ខាងក្រោយ​ភ្លាម​ៗ ចំណែក​អ្នក​បើក​ម៉ូតូ​សន្លប់​បាត់ស្មារតី​បញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ​បង្អែក​ខេត្តពោធិ៍សាត់ រីឯ​ម៉ូតូ​ខូចខាត​យ៉ាង​ទម្ងន់ ចំណែក​​ក្របី​​គ្រាន់តែ​ថ្លស់​ជើង​បន្តិចបន្តួច​ប៉ុណ្ណោះ ៕

You might also like More from author

Comments are closed.