បែក​​ធ្លាយ​ភាព​មិន​ប្រក្រតី​ចេញពី​ការ​ប្រឡង​ជ្រើសរើស​សិស្ស​ចៅក្រម

4
Cambodia Website Design
Want create site? Find Free WordPress Themes and plugins.

M28-11-15-cភ្នំពេញ​ ៖ ​អង្គភាព​ប្រឆាំង​អំពើ​ពុករលួយ​បាន​បដិសេធ​មិន​ចូលរួម​ក្នុង​ការ​សង្កេតការណ៍​លើ​ដំណើរការ​ប្រឡងប្រជែង​ជ្រើសរើស​សិស្ស​ចៅក្រម​ជំនាន់​ទី​៧ នៃ​រាជ​បណ្ឌិតសភា​វិជ្ជាជីវៈ​តុលាការ​ទេ ដោយហេតុថា រាជ​បណ្ឌិត​សភា​វិជ្ជាជីវៈ​តុលាការ​គ្មាន​ឆន្ទៈ និង​មិន​មាន​ការ​សហការ​ល្អជា​មួយ​អង្គភាព​ប្រឆាំង​អំពើពុករលួយ។

នេះ​បើ​យោង​តាម​លិខិត​ឆ្លើយតប​របស់​ឯកឧត្តម​ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ ចុះ​ថ្ងៃទី​២៧ ខែ​វិច្ឆិកា ឆ្នាំ​២០១៥​គោរព​ជូន​ឯកឧត្តម ឈន ព្រលឹង បណ្ឌិត​រដ្ឋ នៃ​រាជ​បណ្ឌិត​សភា​វិជ្ជាជីវៈ​តុលាការ ស្ដីពី​ការប្រឡងប្រជែង​ជ្រើសរើស​សិស្ស​ចៅក្រម​ជំនាន់​ទី​៧ នៃ​រាជ​បណ្ឌិតសភា​វិជ្ជាជីវៈ​តុលាការ។

ករណី​​​ខាង​លើ​នេះ​ដែរ​ ត្រូវ​បាន​អ្នក​ធ្លាប់​ចូលរួម​ប្រឡង​ម្នាក់​បាន​លើក​ឡើង​ថា ការ​ប្រឡង​ខាងលើ​បែង​ចែក​ជា​ពីរ​ដំណាក់កាល គឺ​វិញ្ញាសាសរសេរ និង​សួរ​ផ្ទាល់មាត់​។ ប៉ុន្តែ​ជាទូទៅ វិញ្ញាសាសរសេរ​ភាគច្រើន​គឺ​ប្រឡង​ជាប់​។ ដោយឡែក​ចូល​ដល់​ដំណាក់កាល​សួរ​ផ្ទាល់មាត់​វិញ គឺ​មិន​ងាយ​ជាប់​ឡើយ បើ​មិន​មានការ​សូកប៉ាន់​អ្នក​សម្ភាសន៍​នោះ។ ប្រការ​នេះ​ហើយ​ទើប​មានការ​សំណូមពរ​ពី​អ្នកចូលរួម​ប្រឡង​ឲ្យ​មានការ​ចូលរួម​សង្កេតការណ៍​ពី​សំណាក់​អង្គភាព​ប្រឆាំង​អំពើពុករលួយ​ដើម្បី​ឲ្យ​ដំណើរការ​នៃ​ការ​ជ្រើសរើស​សិស្ស​ចៅក្រម​នេះ​ប្រកបដោយ​សុក្រឹតភាព៕

Cambodia Website Design
Did you find apk for android? You can find new Free Android Games and apps.

Comments

comments

You might also like More from author

ចែករំលែក