ខេមបូភេគ – ទំព័រព៌តមានកម្ពូជា​ – ពត៌មានសំបូរបែបសម្រាប់អ្នក

Blog

 Breaking News
  • អគ្គិភ័យឆេះផ្ទះប្រជាពលរដ្ឋនៅក្បែរផ្សារដេប៉ូ (ភ្នំពេញ)៖ អគ្គិភ័យកំពុងឆាបឆេះផ្ទះប្រជាពលរដ្ឋនៅក្បែរផ្សារដេប៉ូ ក្នុងខណ្ឌទួលគោក រាជធានីភ្នំពេញ។ នៅ...
  • អាការៈ​ពិបាក​ក្នុង​ការ​និយាយ​ស្ដីពលរដ្ឋ​ខ្មែរ​ជាង៦​សែន​នាក់​ អ្នកជំនាញខាងការព្យាបាលអាការៈពិបាកក្នុងការនិយាយស្ដី លើកឡើងថា ពលរដ្ឋខ្មែរប្រមាណ៦សែននាក់ជាពិសេសកុមារ មានអាការៈពិបាកក្នុងការនិយាយ ហើយសេវាព្យាបាលអាការៈនេះនៅមានកម្រិតនៅឡើយក្នុងប្រទេសកម្ពុជា។ លោក ណឹម សុភ័ក្រ្តបញ្ញានៃ VOA បានសម្ភាសអ្នកស្រី Claire Salter អ្នកជំនាញខាងការព្យាបាលអាការៈពិបាកក្នុងការនិយាយស្ដីនៃមន្ទីរព្យាបាល Happy Kids Clinic អំពីកង្វះសេវាព្យាបាលនិងបញ្ហាពិបាកនិយាយនេះដូចតទៅ៖...
  • ករណីឆ្លងថ្មីនៃវីរុស HIV ចំនួន៣១៩ បានផ្ទុះឡើងក្នុងប្រទេសសិង្ហបុរី គិតត្រឹមរយៈពេល១០ខែដំបូងនៃឆ្នាំ២០១៦នេះ ប្រភព ៖ Fresh News (សិង្ហបុរី)៖ គិតត្រឹមរយៈពេល១០ខែដំបូងនៃឆ្នាំ២០១៦នេះ ការឆ្លងថ្មីនៃរីរុស HIV ដ៏កាចសាហាវនិងគ្មានថ្នាំព្យាបាលចំនួន៣១៩ករណី បានផ្ទុះកើតមានឡើងនៅក្នុងចំណោមពលរដ្ឋសិង្ហបុរី។ នេះបើតាមសេចក្តីរាយការណ៍ពីក្រសួងសុខាភិបាល (MOH) នៃប្រទេសសិង្ហបុរីផ្ទាល់ ដែលដកស្រង់ដោយសារព័ត៌មាន Channel News Asia នៅយប់ថ្ងៃព្រហស្បតិ៍ ទី០១ ខែធ្នូ ឆ្នាំ២០១៦។ ប្រភពដដែលបានបញ្ជាក់បន្ថែមថា ករណីឆ្លងចំនួន២០៦ត្រូវបានរាយការណ៍ឲ្យដឹងនៅក្នុងរយៈពេល៦ខែដំបូងនៃឆ្នាំនេះ និងបានរកឃើញថា៩៤ភាគរយ នៃករណីថ្មីទាំងនោះគឺជាបុរស ខណៈ៤៩.៥ភាគរយមានអាយុចាប់ពី២០ដល់៣៩ឆ្នាំ ហើយប្រហែលជា៣៨ភាគរយបានឈានដល់តំណាក់កាលចុងក្រោយទៅហើយ នៅពេលដែលពួកគេបានពិនិត្យឈាមរកឃើញថា មានផ្ទុកវីរុស HIV។ ទន្ទឹមគ្នានេះដែរ...
  • ត្រឡប់​ពី​បត់ជើង​វិញ ស្រាប់តែ​ស្រែក​ទ្រហោយំ ប្រភព៖ កោះសន្តិភាព ខេត្តកំពង់ចាម ៖ ស្ត្រីម្នាក់ខណៈដើរត្រឡប់ពីបត់ជើងនៅបន្ទប់ទឹកចំហៀងផ្ទះ ស្រាប់តែក្តៅក្រហល់ក្រហាយពេញខ្លួនស្រែកទ្រហោយំខ្លាំងៗបង្កឲ្យកាលពីវេលាម៉ោងប្រហែល៥ទៀបភ្លឺ ថ្ងៃទី១ ខែធ្នូ ឆ្នាំ២០១៦ ហើយត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យបង្អែ កស្រុកស្រីសន្ធរ ។ នគរបាលស្រុកកោះសូទិនបានឱ្យដឹងថា មុនពេលកើតហេតុស្ត្រីរងគ្រោះបានដើរទៅបត់ជើងនៅបន្ទប់ទឹកចំហៀងផ្ទះ លុះពេលដើរត្រឡប់មកផ្ទះវិញមិនទាន់ទាំងដល់ផ្ទះផង ស្រាប់តែមានជនមិនស្គាល់មុខបានជះទឹកអាស៊ីតចំក្បាល និងដងខ្លួន តែមិនធ្ងន់ធ្ងរខ្លាំងនោះទេ ប៉ុន្តែបណ្ដាលឲ្យស្ត្រីរងគ្រោះក្តៅក្រហល់ក្រហាយស្រែកទ្រហោយំយ៉ាងខ្លាំង ។ ភ្លាមៗនោះស្ត្រីរងគ្រោះត្រូវបានសាច់ញាតិប្រញាប់បញ្ជូនទៅសង្គ្រោះនៅមន្ទីរពេទ្យបង្អែកស្រុកស្រីសន្ធរ ។...
  • ឧបករណ៍ចល័ត Android ច្រើនជាង ១លានគ្រឿងត្រូវបានហេគ ដោយមេរោគ Gooligan បើសិនជាអ្នកមានប្រើប្រាស់នូវ Android Smartphone សូមមានការប្រុងប្រយ័ត្ន! មេរោគ Android ថ្មីមួយដែលបានវាយប្រហារទទៅលើគណនី Google ច្រើនជាង ១លានគណនីហើយនោះ បាននឹងកំពុងរីករាលដាលនិងវាយប្រហារទៅលើ ១៣០០០ ឧបករណ៍ជាប្រចាំថ្ងៃ។ ប្រភព៖ secudemy.com មេរោគមួយឈ្មោះថា Gooligan បានធ្វើការជ្រៀតចូលទៅកាន់ឧបករណ៍ Android ណាដែលមានចំនុចខ្សោយដើម្បីលួចយកនូវអាស័យដ្ឋានអ៊ីម៉ែល និង authentication tokens ដែលរក្សាទុកក្នុងឧបករណ៍នោះ។ ជាមួយនឹងព័ត៌មានទាំងនោះ អ្នកវាយប្រហារអាចធ្វើការជ្រៀតចូលទៅកាន់គណនី Google ហើយធ្វើការអាក់សេសទៅលើព័ត៌មានសំខាន់ៗរបស់អ្នក មានដូចជា Gmail, Google...

Amnesty international៖ ជំនួយ​សព្វាវុធបរទេស កំពុង​ធ្លាក់​ក្នុង​ដៃ​​​​ក្រុមជីហាត​រដ្ឋអ៊ីស្លាម

Amnesty international៖ ជំនួយ​សព្វាវុធបរទេស កំពុង​ធ្លាក់​ក្នុង​ដៃ​​​​ក្រុមជីហាត​រដ្ឋអ៊ីស្លាម
December 09
09:56 2015

ក្នុង​រយៈពេល​តែ​ពីរឆ្នាំ ក្រុមជីហាត​អង្គការ​រដ្ឋអ៊ីស្លាម បានដណ្តើម​អំណាច និង​មាន​អាវុធ​យុទ្ធភ័ណ្ឌ​សំបូរបែប ដើម្បី​ប្រយុទ្ធ ពង្រីក​ទឹកដី​ក្នុង​ប្រទេស​ស៊ីរី និង​អ៊ីរ៉ាក់។ តាម​របាយការណ៍​របស់​អង្គការ​Amnesty International ចេញផ្សាយ​នៅថ្ងៃ​អង្គារ​ទី ៨​ធ្នូ ដោយ​សារ​តែ​គ្មាន​ការទទួល​ខុសត្រូវ និង​តាមដាន​ច្បាស់លាស់ ​ជំនួយ​សព្វាវុធ​ពី​ប្រទេស​មហាអំណាច​ទៅ​ឲ្យរដ្ឋាភិបាល​​អ៊ីរ៉ាក់  បាន​ធ្លាក់​ទៅ​ក្នុង​ដៃ​របស់​ក្រុមជីហាត អង្គការ​រដ្ឋអ៊ីស្លាម។

របាយការណ៍​របស់​អង្គការ​Amnesty International បាន​បង្ហាញ​ថា អាវុធ​ធុនធ្ងន់ និង​ស្រាល​ជា​ច្រើន​ប្រភេទ ដែល​ក្រុមជីហាត កំពុង​ប្រើ​សព្វថ្ងៃ មាន​ប្រភព​ចេញ​មក​ពី​ប្រទេស​ចំនួន ២៥ ដែល​នៅ​ក្នុង​នោះ មាន​ប្រទេស​សមាជិក​អចិន្ត្រៃយ៍​របស់​ក្រុមប្រឹក្សា​សន្តិសុខ (អាមេរិក រុស្ស៊ី ចិន) និង​ អ៊ីរ៉ង់ ប៊ែលហ្សិក​ជាដើម។ តាម​អង្គការ​អង់គ្លេស​មួយ ឈ្មោះ Conflict Armament Research ដែល​ចេញផ្សាយ របាយការណ៍ កាល​ពី​ខែ​មេសា​កន្លង​ទៅ អាវុធ​ដែល​ក្រុម​ជីហាត​កំពុង​ប្រើ​សព្វថ្ងៃ ជា​អាវុធ ដែល​ត្រូវ​បាន​ផលិត នៅ​ក្នុង​ប្រទេស​ចំនួន ២១​ផ្សេងគ្នា។

អ្នកស្រាវជ្រាវ​ខាង​អាវុធ​ធ្វើ​សង្រ្គាម​របស់​ Conflict Armament Research ដែល​បាន​ចុះ​ទៅ​ដល់​ខេត្ត​កូបាណេ ក្នុងទឹកដី​ស៊ីរី នៅក្រោយ​ការវាយ​ដកថយ​របស់​ក្រុមជីហាត អង្គការ​រដ្ឋអ៊ីស្លាម បាន​រក​ឃើញ​ថា អាវុធ​វែង ដែល​ក្រុមជីហាត អង្គការ​រដ្ឋអ៊ីស្លាម​ប្រើ​ច្រើន​ជាងគេ គឺ​អាវុធ អាកា ផលិត​នៅ រុស្ស៊ី។ ក្រៅ​ពី​នោះ គេ​រក​ឃើញ​ផង​ដែរ អាវុធ​ផលិត នៅ​ប៊ែលហ្សិក និង​មីស៊ីល​ប្រឆាំង​រថក្រោះ របស់​ក្រុមហ៊ុន​អឺរ៉ុបMBDA ដែល​ជំនាញ​ជាងគេ​ក្នុង​ពិភពលោក​ខាង​ផ្នែក​នេះ។

តាម​របាយការណ៍​របស់​Conflict Armament Research សព្វាវុធ​បាន​ហូរ​ចូល​ច្រើន​ទៅក្នុង​ប្រទេស​អ៊ីរ៉ាក់ គឺ​ចាប់​តាំង​ពី​សង្រ្គាម អីរ៉ាក់ អ៊ីរ៉ង់ នៅ​ទសវត្សរ៍​ឆ្នាំ ១៩៨០​ម្ល៉េះ។ គឺ​ពេល​នោះ​ហើយ ដែល​អាវុធ​យុទ្ធភ័ណ្ឌ​ផលិត​នៅ​អ៊ីរ៉ង់ ឬ​សហភាព​សូវៀត​បាន​លេច​មុខ ក្នុង​ប្រទេស​អ៊ីរ៉ាក់។ អាវុធ​ហូរជន់​កាន់តែច្រើន​បន្ថែមទៀត ទៅ​ក្នុង​ប្រទេស​អ៊ីរ៉ាក់ នៅក្រោយ​សង្រ្គាម​ឈ្លានពាន​របស់​អាមេរិក នៅ​ឆ្នាំ ២០០៣។ នេះ​គេ​នៅ​មិនទាន់​និយាយ​ពី​ការផ្តល់​អាវុធ​សន្ធឹកសន្ធាប់​របស់​អាមេរិក ដល់​រដ្ឋាភិបាល​អ៊ីរ៉ាក់​ថ្មី នៅ​ក្រោយ​ការដក​កងទ័ព​អាមេរិក​ចេញពី​អ៊ីរ៉ាក់​នៅ​ឆ្នាំ ២០១១​ផង។ ទៅតាម​កិច្ច​ព្រមព្រៀង រវាង​ភាគី ទាំងពីរ អាមេរិក​ត្រូវជួយ​បំពាក់សព្វាវុធ​ដល់​កងទ័ព​រដ្ឋាភិបាល​អ៊ីរ៉ាក់ ដើម្បី ប្រយុទ្ធប្រឆាំង​នឹង​ក្រុម​ភេរវនិយម។

តំរិះ ជិះ​ក​ឯង
ក្រុមប្រទេស​មហាអំណាច​បាន​ផ្តល់​អាវុធ​ទៅ​ឲ្យ​ទ័ពរដ្ឋាភិបាល​អ៊ីរ៉ាក់ ​និង​ក្រុម​ប្រឆាំង​ស៊ីរី ក្នុង​ហេតុផលថា ចង់​ធានា​ស្ថិរភាព​ក្នុង​តំបន់ តាមរយៈ​ការប្រយុទ្ធប្រឆាំង​នឹង​ក្រុម​ជីហាត។ ប៉ុន្តែ សព្វាវុធ​របស់​ប្រទេស​មហាអំណាច​ទាំង​នោះ បែរ​ជា​កំពុង​ស្ថិតនៅក្នុង​ដៃ របស់​ក្រុមជីហាត ទៅវិញ ដែល​សព្វថ្ងៃ កំពុង​ប្រើ​វា​យ៉ាង​រំភើយ ដើម្បី​បង្ក​វិនាសកម្ម សម្លាប់​មនុស្ស​យ៉ាងព្រៃផ្សៃ។
 
ការគ្រប់គ្រង​មិន​បាន​ល្អ រួមផ្សំ​ជាមួយ​នឹង​គ្មាន​ការត្រួតពិនិត្យ​លើ​អាវុធ​ដែល​ហូរ​ចូល​ទៅក្នុង​ប្រទេស​អ៊ីរ៉ាក់ ក្នុង​រយៈពេល​ប៉ុន្មាន​ទសវត្សរ៍​ចុងក្រោយ​នេះ បាន​ផ្តល់​ឱកាស មាស ដល់​ក្រុមជីហាត អង្គការ​រដ្ឋអ៊ីស្លាម ដែល​ចាប់​កំណើត កើត​ចេញ​ដំបូង ក្នុង​ប្រទេស​អ៊ីរ៉ាក់។

ក្រុមជីហាត​បាន​បំពាក់​អាវុធ​ឲ្យ​ក្រុម​ប្រដាប់អាវុធ​របស់ខ្លួន តាម​រយៈ មធ្យោបាយ​បី។ ទីមួយ គឺ​ទិញ​ពី​ទីផ្សារ​ងងឹត ដែល​មានច្រើន នៅ​ក្នុង​ទឹកដី​តួកគី អ៊ីរ៉ាក់ និង​ស៊ីរី ព្រោះ​ត្រូវ​ដឹងថា ក្រុមជីហាត អង្គការ​រដ្ឋអ៊ីស្លាម មាន​លុយ​រាប់លាន​ដុល្លារ ដែលបាន​មកពី​ការលក់​ប្រេង​ខុសច្បាប់។ ទីពីរ​បាន​មកពី​ការជួញដូរ​អាវុធ​ខុសច្បាប់។ របាយការណ៍​របស់​អង្គការ​ Amnesty International មិន​បាន​ចោទប្រកាន់​ថា គឺ​កងទ័ព​អ៊ីរ៉ាក់ ដែល​លួច​លក់​អាវុធ ទៅក្នុង​ទីផ្សារ​ងងឹត ប៉ុន្តែ គេគ្រាន់​តែ​បញ្ជាក់ថា អាវុធ​បរទេស​ដែល​គេ​ផ្តល់​ទៅ​ឲ្យ​រដ្ឋាភិបាល​អ៊ីរ៉ាក់​បាន​ហូរ​ទៅ​ក្នុង​ទីផ្សារ​ងងឹត ដោយសារ​អំពើពុករលួយ និង​ការគ្រប់គ្រង​មិនម៉ត់ចត់​របស់​រដ្ឋាភិបាល​អ៊ីរ៉ាក់។ អ្វី​ដែល​ធ្វើ​ឲ្យ​អ្នកស្រាវជ្រាវ​ឆ្ងល់​មួយទៀត​នោះ គឺ​គេ​រកឃើញ​អាវុធ​វែង របស់​ចិន នៅក្នុង​ដៃ​របស់​ក្រុមជីហាត​ផងដែរ។ អាវុធ​របស់​ចិន គេ​ធ្លាប់ឃើញ​ក្រុមឧទ្ទាម​នៅ​ស៊ូដង់​ខាងត្បូង​ប្រើ។ គេ​កំពុង​ចោទ​សំណួរ​ថា តើ​ក្រុមជួញដូរ​អាវុធ អាច​យក​អាវុធ ចិន ពី​ស៊ូដង់​ខាងត្បូង ទៅ​លក់​បន្ត​ឲ្យ​ក្រុមជីហាត នៅ​ស៊ីរី និង​អ៊ីរ៉ាក់ ឬ​ក៏​ក្រុម​នេះ​មាន​ខ្សែបណ្តាញ​គាំទ្រ​របស់ខ្លួន នៅក្នុង​ចំណោម​ពួកឧទ្ទាម​ស៊ូដង់។

ទីបី ក្រុមជីហាត​មាន​អាវុធ​ទំនើបៗ​ប្រើ បន្ទាប់ពី​ប្រមូល​ដណ្តើម យក​ពី​គូសត្រូវ​ដែល​ចាញ់​ក្នុង​ការប្រយុទ្ធ​ជាមួយខ្លួន។ គឺ តាមរយៈ​មធ្យោបាយ​ទី ៣​ដែល​អ្នកស្រាវជ្រាវ​វាយតម្លៃ​ថា ក្រុមជីហាត​អង្គការ​រដ្ឋអ៊ីស្លាម បាន​ប្រើ​ច្រើន ដើម្បី​ប្រមូល​អាវុធ ឲ្យ​ក្រុម​កងទ័ព​របស់ខ្លួន។

ប្រទេស​មហាអំណាច​បាន​ចាក់បង្ហូរ​អាវុធ​សន្ធឹកសន្ធាប់ ទៅ​ឲ្យ​កងទ័ព​អ៊ីរ៉ាក់។ តាម​អង្គការ​ Amnesty International ក្រុមជីហាត អង្គការ​រដ្ឋអ៊ីស្លាម​ដណ្តើម​បាន​អាវុធ​មួយចំនួន​ធំ នៅពេល​ពួកនេះ​បាន​វាយដណ្តើម​កាន់កាប់​ទីក្រុង​មូស៊ូល នៅ​អ៊ីរ៉ាក់ នៅ​ឆ្នាំ ២០១៤។ មួយវិញទៀត ក្រុមជីហាត អង្គការ​រដ្ឋអ៊ីស្លាម​បាន​រឹបអូស​យក​អាវុធ​ជាច្រើន​ពី​កងទ័ព​រដ្ឋាភិបាល​អ៊ីរ៉ាក់ នៅក្នុង​អំឡុង​វាយដណ្តើម កាន់កាប់​មូលដ្ឋាន ទ័ព​អាកាស នៅ​ទីគ្រីត ឬ​នៅ​រ៉ាម៉ាឌី។ ការចាញ់​សង្រ្គាម​យ៉ាង​បាក់មុខ​របស់​កងទ័ព​អ៊ីរ៉ាក់​ដែល​ចង់​វាយដណ្តើម​យក​ខេត្ត​រ៉ាម៉ាឌី​ពីក្រុមជីហាត អង្គការ​រដ្ឋអ៊ីស្លាម មកវិញ រឹតតែ​ធ្វើ​ឲ្យ​ក្រុម​ជីហាត ដណ្តើម​យក​បាន​រថក្រោះ​ទំនើបៗ​ប្រមាណ ១០០​គ្រឿង។

តាម​Amnesty International ក្រុមជីហាត​អង្គការ​រដ្ឋអ៊ីស្លាម​តែងតែ​ប្រើ​អាវុធ​ទាំងនោះ ដើម្បី​យកទៅ​ប្រើ ក្នុង​សមរភូមិ​ប្រយុទ្ធ​ផ្សេងទៀត ដូចជា​នៅខេត្ត​កូបាណេ ​ភាគខាងជើង​ស៊ីរី​ជាដើម។ និយាយ​ពី​ស៊ីរី​នេះ ក្រុមជីហាត​មាន​យុទ្ធសាស្រ្ត​ដូចគ្នា​នៅអ៊ីរ៉ាក់។ ក្រុមជីហាត​តែង​បើកការប្រយុទ្ធ​លើ​ក្រុមប្រឆាំង​ស៊ីរី និង​ទ័ព​រដ្ឋាភិបាល​ស៊ីរី ដើម្បី​ដណ្តើម​អាវុធ​ទំនើបៗ​ពីក្រុមនេះ ដែល​ផ្តល់​ដោយ​រុស្ស៊ី និង​សហរដ្ឋអាមេរិក។ អាមេរិក​ផ្ទាល់​ទទួល​ស្គាល់​ថា ខ្លួន​មិនអាច​បណ្តុះបណ្តាល​ក្រុមប្រឆាំង​ស៊ីរី​បាន​ទៀតទេ។ អ្នកទទួល​ខុសត្រូវ​ការបណ្តុះ​បណ្តាល និង​ផ្តល់​ជំនួយ​អាមេរិក​ដល់​ក្រុមប្រឆាំង​ស៊ីរី​បាន​ទទួលស្គាល់​ថា ទាំង​អាវុធ​ដែល​អាមេរិក​ផ្តលទៅឲ្យ និងទាំង​ទាហាន​ក្រុមប្រឆាំង​ស៊ីរី ដែល​អាមេរិក​បាន​បណ្តុះបណ្តាល សុទ្ធតែ​ត្រូវ​បាន​ក្រុមជីហាត រឹបអូស ចាប់ជំរិត សឹង​តែទាំង​អស់។
អង្គការ​Amnesty International បាន​អំពាវនាវ​សហគមន៍​អន្តរជាតិ​ឲ្យ​ហ៊ាន​ទទួល​ស្គាល់​បរាជ័យ ក្នុង​នយោបាយ​លក់​អាវុធ​របស់ខ្លួន ជាពិសេស នៅ​អ៊ីរ៉ាក់ ស៊ីរី ឬ​នៅ​ប្រទេស​ផ្សេងទៀត ដែល​កំពុង​ជួប​អស្ថិរភាព។ ក្នុង​ជំនួញ​ពាណិជ្ជកម្ម​អាវុធ Amnesty International បាន​អំពាវនាវ​ឲ្យ​រដ្ឋ បង្កើត​ច្បាប់​ហាមលក់​អាវុធ​ទៅ​ឲ្យ​រដ្ឋាភិបាល​ស៊ីរី និង​ក្រុម​ប្រឆាំង​ស៊ីរី ដែល​មាន​ជាប់ពាក់ព័ន្ធ​នឹង​ការប្រព្រឹត្ត​ឧក្រិដ្ឋកម្ម​សង្រ្គាម ឧក្រិដ្ឋកម្ម​ប្រឆាំង​មនុស្ស​ជាតិ និង​ការរំលោភ​សិទ្ធិមនុស្ស។ ប្រទេស​អន្តរជាតិ ត្រូវ​គោរព​បទបញ្ជា Présomption du Refus ដើម្បី​នាំចេញ​អាវុធ​ទៅ​អ៊ីរ៉ាក់។ ការបញ្ជូន​អាវុធ​ទៅ​ឲ្យ​អ៊ីរ៉ាក់​ត្រូវ​ធ្វើ​នៅក្រោយ​ការសិក្សា ស្រាវជ្រាវ​ដែល​បញ្ជាក់ថា អាវុធ​ទាំង​នោះ នឹង​ធ្លាក់​ក្នុង​ដៃ​របស់​ក្រុមភេរវនិយម។ មួយវិញទៀត កងទ័ព​អ៊ីរ៉ាក់​ត្រូវ​តែ​បង្ហាញថា ខ្លួន​គោរព​សិទ្ធិមនុស្ស​អន្តរជាតិ និង​បង្កើត​យន្តការ​ត្រួតពិនិត្យ​អាវុធ ដើម្បី​ជៀសវាង​កុំ​ឲ្យ​អាវុធ​ត្រូវ​គេ​លួច​យក​ទៅ​លក់​ឲ្យ​ក្រុម​ប្រដាប់​អាវុធ។

ជាចុងក្រោយ អង្គការ Amnesty International បាន​ស្នើ​សុំ​ឲ្យ​រដ្ឋ​ដែលមិនទាន់​ផ្តល់​សច្ចាប័ន​ទៅលើ​សន្ធិសញ្ញាស្តី ពីការធ្វើ​ជំនួញ​អាវុធ ឲ្យ​ប្រញាប់​ផ្តល់​សច្ចាប័ន។ សន្ធិសញ្ញា​ស្តីពី​ពាណិជ្ជកម្ម​អាវុធ មាន​ទិសដៅ បង្ការ និង​លុបបំបាត់​ការជួញដូរ​អាវុធ​ចាស់ៗ​ខុសច្បាប់ និង​ទប់ស្កាត់​ការបង្វែរ លួចយក​អាវុធ​ទៅ​លក់​ខុសច្បាប់។ ចំណុច​មួយចំនួន​នៃ​សន្ធិសញ្ញា​បាន​ស្នើ​ផងដែរ​ឲ្យ​គេ​ផ្អាក ព្យួរ រាល់​ការផ្ទេរ លក់​អាវុធ នៅពេល​គេ​រកឃើញថា អាវុធ​ទាំងនោះ នឹង​អាច​បង្ក​គ្រោះថ្នាក់ ដោយ​ត្រូវ​គេ​យក​ទៅប្រើ​ដើម្បី​ប្រព្រឹត្ត​អំពើ​ហិង្សា​រំលោភ​សិទ្ធិមនុស្ស​ជា​សកល៕

ចែករំលែក

អំពីអ្នកនិព្ធ

ទំព័រកម្ពុជា

ទំព័រកម្ពុជា

អត្ថបទទាក់ទង

អំពីយើង

ខេមបូភេគ ជាគេហទំព័រក្នុងស្រុកមួយដែលផ្ដល់នៅពត៌មានកំសាន្ដ សុខភាព ការងារ កីឡា ពត៌មានជាតិទូទៅ ផ្សារលើអ៊ីធើណេត និង សេវាកម្មផ្សេងៗទៀតជាច្រើន។


យើងខ្ញុំរីករាយ និងផ្ដល់នៅពត៌មានទាន់ហេតុការណ៍ ដែលយើងដកស្រង់ចេញពីគេហទំព័រនានា ដែលអាចផ្ដល់ជាប្រយោជន៍ដល់បងប្អូន។


សូមបងប្អូនមេត្ដាផ្ដល់កម្លាំងចិត្ដដល់ក្រុមយើងខ្ញុំផង ដោយគ្រាន់តែចូលមកគេហទំព័រយើងខ្ញុំនៅពេលទំនេរ។


យើងខ្ញុំរងចាំការរិះគន់ និងស្ថាបនាពីបងប្អូនគ្រប់ពេលវេលាទាំងអស់



សូមអរគុណ!

ពត៌មានផ្សេងៗ

loading...

អត្រាប្ដូរប្រាក់ប្រចាំថ្ងៃ

អត្រាប្តូរប្រាក់ : ២៨​ តុលា ២០១៦
៤,០៥០ រៀល / ដុល្លារអាមេរិក
រូបិយប័ណ្ណ ឯកតា ទិញ លក់
ដុល្លារអូស្រ្តាលី ៣,០៧៤ ៣,១០៤
យ៉ន់ចិន ៥៩៧ ៦០៣
អ៊ឺរ៉ូ ៤,៤១៣ ៤,៤៥៧
យេនជប៉ុន ១០០ ៣,៥៥៨ ៣,៥៩៣
បាតថៃ ១១៥ ១១៦
ដុងវៀតណាម ១,០០០ ១៨២ ១៨៣

តម្លៃប្រេងពិភពលោក

តម្លៃទំនិញថ្ងៃនេះ (​រៀល)

ម្ទេសហាវ៉ៃ: 5000.00/kgs
ខ្ទឹមស្លឹក: 13000.00/kgs
ស្ពៃថៃស៊ីម/ស្ពៃផ្កា: 6000.00/kgs
ស្ពៃតឿ: 5250.00/kgs
ស្ពៃចង្កឹះ: 3250.00/kgs
ផ្កាខាត់ណា: 7000.00/kgs
ស្ពៃក្រញ៉ាញ់: 5250.00/kgs
ស្ពៃខៀវ: 3175.00/kgs
ត្រកួនចិន/គ្រាប់: 5000.00/kgs

បណ្តាញសង្គ្រោះបន្ទាន់

ចំនួនអ្នកទស្សនា

0035972
Visit Today : 132
Visit Yesterday : 205
This Month : 550
This Year : 35972
Total Visit : 35972
Hits Today : 1097
Total Hits : 278073
Who's Online : 3
Your IP Address: 54.204.139.136