អាហារ​ពិសេស​ទាំង​5​ជួយ​ផ្ដល់​ថាមពល​ដល់​សុខភាព

0
Cambodia Website Design

អាហារពិសេសមួយចំនួនមិនត្រឹមតែមានតម្លៃថោកនោះទេ ពួកវាថែមទាំងផ្តល់វីតាមីន សារធាតុរ៉ែ សារជាតិប្រឆាំងអុកស៊ីតកម្ម និងជាតិកាកសរសៃដល់រាងកាយរបស់អ្នកក្នុងការប្រយុទ្ធប្រឆាំងនឹងជំងឺមហារីក និងកាត់បន្ថយការប្រឈមនឹងការកើតជំងឺទឹកនោមផ្អែម។ ខាងក្រោមនេះគឺជាអាហារពិសេសមួយចំនួនដែលអាចផ្តល់ថាមពលដល់អ្នក បន្ទាប់ពីការងារដ៏មមាញឹកពេញមួយថ្ងៃ ។

១-ម្ទេស ៖ ម្ទេសនឹងបន្ថែមថាមពលដល់អ្នកសូម្បីតែអ្នកទទួលទានអាហារដ៏សាមញ្ញមួយចាន ពួកវានឹងផ្តល់អត្ថប្រយោជន៍ល្អជាច្រើនចំពោះសុខភាព។ សមាសធាតុ Capsaicin ដែលធ្វើឲ្យផ្លែម្ទេសមានរសជាតិហឹរ ថែមទាំងជួយ  បង្កើនចលនាឈាមរត់ក្នុងរាងកាយ។ វាក៏នឹងនាំយកអុកស៊ីសែនប្រយុទ្ធនឹងការអស់កម្លាំងដល់ខួរក្បាលរបស់អ្នកផងដែរ ។

Cambodia Website Design

២-បន្លែស្លឹកបៃតង ៖ បន្លែស្លឹកបៃតងដូចជា spinach  arugula Swiss chard និង kale មានសមត្ថភាពបំបាត់ភាពអស់កម្លាំង ជាពិសេស ប្រសិនបើអ្នកមានជំងឺខ្វះគោលិកាឈាមក្រហម។ បន្លែបៃតងទាំងនេះមិនត្រឹមតែសម្បូរទៅដោយជាតិដែកដើម្បីជួយបង្កើនកោសិកាឈាមក្រហមរបស់អ្នកប៉ុណ្ណោះទេ ពួកវាក៏មានវីតាមីន C ក្នុងកម្រិតខ្ពស់ធ្វើឱ្យវាមានភាពងាយស្រួលសម្រាប់រាងកាយក្នុងការស្រូបយកជាតិដែក ។

៣-ចេក ៖ ចេកគឺជាវិធីដ៏លឿននិងសាមញ្ញមួយដើម្បីទទួលបានសុខភាពល្អដោយគ្មានការខំប្រឹងប្រែងច្រើននោះទេ។ ចេកសម្បូរទៅដោយជាតិកាកសរសៃដែលនឹងរក្សាកម្រិតជាតិស្ករក្នុងឈាមរបស់អ្នកពេញមួយថ្ងៃ វីឯប៉ូតាស្យូមធ្វើឲ្យរាងកាយអ្នកមានចលនារស់រវើកទោះបីជាអ្នករវល់ប៉ុនណាក៏ដោយ ។

៤-គ្រាប់អាល់ម៉ុង ៖ គ្រាប់អាល់ម៉ុងជាប្រភពប្រូតេអីុន និងជាតិកាកសរសៃដែលនឹងរក្សាកម្រិតថាមពលរបស់អ្នកឲ្យនៅខ្ពស់ពេញមួយថ្ងៃ។ ទន្ទឹមនឹងនេះ ការរួមបញ្ចូលគ្នាតែមួយគត់របស់វីតាមីនBនិងE ព្រមទាំងសារធាតុរ៉ែដូចជា ម៉ាញ៉េស្យូមនិងជាតិដែកគឺជាមធ្យោបាយដ៏ល្អបំផុតក្នុងការប្រយុទ្ធប្រឆាំងនឹងការអស់កម្លាំង ។

៥-គ្រឿងទេស ៖ គ្រឿងទេសដូចជា ខ្ញី ឬរមៀតនឹងបន្ថែមថាមពលធ្វើឲ្យអ្នកមានសុខភាពល្អ ។ សមាសធាតុសកម្មរបស់ខ្ញី និងរមៀតរួមមានសារជាតិ curcumin និង gingerolis អាចជួយកាត់បន្ថយការរលាក និងបង្ការជំងឺជាច្រើនតាមរយៈការពង្រឹងប្រព័ន្ធភាពស៊ាំដែលអាចនាំឱ្យមានការថយចុះភាពអស់កម្លាំងផងដែរ ៕

cc448e42-a5d8-49b9-a3ea-805528ea4e3a ae341492-67b3-4a37-97b4-d2037a4821bf 751901a3-1c08-4e2f-8ac2-a3719700ec23 94a4bb5d-36f6-44b8-b445-0999497f8e17ប្រភព៖កោះសន្តិភាព

You might also like More from author

Leave A Reply

Your email address will not be published.