ឈើប្រណិត​ពេញ​១​រថយន្ត​ត្រូវ​សមត្ថកិច្ច​ឃាត់​ចាប់ ខណៈ​ឈ្មួញ​បម្រុង​លោត​ឆត្រ​តាម​ផ្លូវទឹក

0
Cambodia Website Design

e0a535dd-cc95-464a-961d-f2526afc5e6f ថ្ងៃចន្ទ ទី១៧ ខែតុលា ឆ្នាំ២០១៦ ម៉ោង ២៣:៥២   (17-10-2016 23:52)

Cambodia Website Design

ខេត្តព្រៃវែង ៖ នគរាលសេដ្ឋកិច្ចខេត្ត សហការណ៍ជាមួយនគររដ្ឋបាលឃុំព្រែខ្សាយ(ខ) បានពួនស្ទាក់ឃាត់ចាប់បានរថយន្តមួយគ្រឿងដែលបានលួចចដឹកឈើប្រណិតពេញរថយន្ត កាលពីវេលាម៉ោង២ទាបភ្លឺ ថ្ងៃទី១៦ ខែតុលា ឆ្នាំ២០១៦ នៅជិតនឹងសាលាឃុំអ្នកលឿង ដែលស្ថិតក្នុង

ភូមិអ្នកលឿង ឃុំអ្នកលឿង ស្រុកពាមរក៍ ខេត្តព្រៃវែង ខណៈឈ្មួញបម្រុងលោតឆត្រឆ្លងដែនតាមចក្រអន្តរជាតិកោះរការ។ សមត្ថកិច្ចបានឱ្យដឹងថា នៅក្នុងប្រតិបត្តិការចុះបង្ក្រាបនោះ សមត្ថកិច្ចឃាត់បាន រថយន្តមួយគ្រឿងម៉ាកហ៊ីយិនដាយពណ៌ឈាមជ្រូក ពាក់ស្លាកលេខ ភ្នំពេញ 2D-2338 និងអ្នកបើកបរឈ្មោះ ចាន់ ដារ៉ា ភេទប្រុស អាយុ៤០ឆ្នាំ មុខរបរបើកបរ និងជាម្ចាស់ឈើប្រណិតទាំងនោះ ដែលជនសង្ស័យមានទីលំនៅផ្ទះលេខ៣២៣ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។

ក្នុងនោះឈើប្រណិតដែលជនសង្ស័យបម្រុងលោតឆត្រឆ្លងទៅប្រទេសវៀតណាមនោះ ជាប្រភេទឈើក្រែក មានចំនួន៧៤ដុំ ស្មើនឹង៨០២គីឡូក្រាម ។ សមត្ថកិច្ចបានបញ្ជាក់ផងដែរថា បើតាមច្បាប់ ឈើដែលចាប់បានទាំងនេះត្រូវពិន័យក្នុងមួយម៉ែត្រគូប ចំនួន២លាន៩សែនរៀល គុណនឹង៣ ដែលស្មើនឹង៨លាន៧សែនរៀល ក្នុងមួយម៉ែត្រគូប។ បច្ចុប្បន្នជនសង្ស័យ និងឈើប្រណិត ព្រមទាំងរថយន្តដឹកឈើសមត្ថកិច្ចបានបញ្ជូនទៅកាន់ខណ្ឌរដ្ឋព្រៃឈើខេត្តព្រៃវែងដើម្បីចាត់ការតាមនីតិវិធី៕

ប្រភព៖  កោះសន្តិភាព

 

 

 

 

 

You might also like More from author

Leave A Reply

Your email address will not be published.