ក្រោយ​ជំងឺ​បេះដូង​ធ្វើ​ទុក្ខ​ខ្លាំង​ សាវិន ហ្វីលីព ឆ្លង​ការ​សង្គ្រោះ​បន្ទាន់

12
Cambodia Website Design

ភ្នំពេញ: មួយប៉ព្រិចភ្នែកពីវិនាទីដែលពោរពេញដោយរូបភាពស្រស់ស្រាយ ទាក់ភ្នែកពីសកម្មភាពថតសម្តែងបទចម្រៀង និងភាពយន្ត លោក សាវិន ហ្វីលីព តារាសម្តែងវ័យជ្រេររូបសង្ហា ក៏លេចឡើងនូវដំណឹងអកុសល ជំងឺបេះដូងធ្វើទុក្ខលើកទីពីរ និងត្រូវបានក្រុមគ្រួសារបញ្ជួនទៅសង្គ្រោះបន្ទាប់នៅមន្ទីពេទ្យ កាល់ម៉ែត្រ ទាំងតក់ក្រហល់ជាថ្មី។

យ៉ាងណាមិញ ស្ថានភាពរបស់លោកបានប្រសើរឡើងវិញហើយ ដោយលោកបានបញ្ជាក់ថា៖ «ខ្ញុំបានចេញពីមន្ទីរពេទ្យកាល់ម៉ែត្រហើយ។ សូមអរគុណក្រុមគ្រូពេទ្យនៅផ្នែកសង្គ្រោះបន្ទាន់ និងលោកវេជ្ជបណ្ឌិត សុវណ្ណ កន្និថា ដែលជួយសង្គ្រោះជីវិតខ្ញុំលើកទីពីរនេះ»។

បញ្ជាក់ពីមូលហេតុដែលនាំឲ្យសុខភាពដុនដាបរហូតដល់ចូលបន្ទប់សង្គ្រោះបន្ទាន់នោះ លោក សាវិន ហ្វីលីព បានរៀបរាប់ថា៖ «លទ្ធផលចុងក្រោយលោកវេជ្ជបណ្ឌិតបញ្ជាក់ថា ខ្ញុំកើតជំងឺស្ត្រេសធ្ងន់ធ្ងរ គេងមិនលក់ ដោយធ្វើការច្រើនពេក ជាមូលហេតុធ្វើឲ្យឈាមឡើង ហើយប៉ះពាល់ដល់បេះដូង។ នេះជាមូលហេតុចម្បងបំផុតនៃស្ថានភាពសុខភាពខ្ញុំកាលពីម្សិលមិញ ហើយមិនប៉ះពាល់ដល់ការញ៉ាំហ្វើនៅហាង ទសវត្សរ៍ ៦០ ឡើយ។ សូមអរគុណលោក សុះ ម៉ាច និងក្រុមប្រឹក្សាភិបាលរបស់សមាគមសិល្បករកម្ពុជា ដែលបានមកសួរសុខទុក្ខខ្ញុំបាទនៅព្រឹកនេះ»។

Cambodia Website Design

ព្រមនឹងដំណឹងដ៏អកុសលកើតលើតារាសម្តែងរូបសង្ហាល្បីការងារមនុស្សធម៌ លោក សាវិន ហ្វីលីព នោះ ក៏ត្រូវបានមជ្ឈដ្ឋានមហាជនក៏រំលេចភាពភ្ញាក់ផ្អើលបន្ថែម ទៅនឹងតារាសម្តែង និងកំប្លែងអ្នកនាង ប៉េងប៉ោង ក៏ស្ថិតក្នុងការសង្គ្រោះបន្ទាន់នៅក្នុងមន្ទីរពេទ្យ កាលម៉ែត្រ ផងដែរ ដែលអ្នកទាំងពីរសម្តែងក្នុងភាពយន្តរឿង «ខូចចិត្តអាជីព» ពួកគាត់ទាំងពីរនាក់សម្តែងជាប្តីប្រពន្ធ ហើយក៏ធ្លាក់ខ្លួនឈឺមួយប៉ព្រិចភ្នែក និងចូលសង្គ្រោះបន្ទាន់ក្នុងពេទ្យតែមួយដូចគ្នា។

ក្នុងហ្វេសប៊ុកតារាភាពយន្តក៏ល្បី និងការងារមនុស្សធម៌ក្នុងនាទីជាប្រធានមូលនិធិកុមារសាវិន កម្ពុជា លោក សាវិន ហ្វីលីព ដែលបង្ហោះកាលពីល្ងាចថ្ងៃទី២៤ ខែតុលា បានបង្ហាញឲ្យដឹងថា៖ «ស្រាប់តែល្ងាចមិញនេះ តារាសម្តែងលោក សាវិន ហ្វីលីព ក៏បានបញ្ជូនទៅកាន់មន្ទីពេទ្យកាល់ម៉ែត្រ បន្ទាប់ពីជំងឺបេះដូងរបស់លោកបានធ្វើទុក្ខក្រោយពេល ញាំហ្វឹរនៅម្តុំកោះពេជ្ររួចមក ហើយមកទល់នឹងពេលនេះ គេមិនទាន់ដឹងពីអាក្ការៈរបស់លោក សាវិន ហ្វីលីព នៅឡើយទេ»។

តបនឹងក្តីបារម្ភពីអ្នកគាំទ្ររាប់ម៉ឺននាក់ ក៏ចូលមកបញ្ចេញមតិសួរនាំពីសុខទុក្ខក្នុងតាមបណ្តាញសង្គមនោះ នៅព្រឹកថ្ងៃទី២៥ ខែតុលានេះ ត្រូវបានកូនស្រីរបស់លោក សាវិន ហ្វីលីព បានប្រាប់យ៉ាងដូច្នេះថា៖ «ប៉ាខ្ញុំបានចេញពីបន្ទប់សង្គ្រោះបន្ទាន់ហើយ។ ពេលនេះកំពុងគេងនៅមន្ទីរពេទ្យកាល់ម៉ែត្រ អាគារ «ក » បន្ទប់លេខ ១១២»។ បន្ថែមពីការបញ្ជាក់ខ្លីថា៖ «ប៉ាបានដឹងខ្លួនវិញហើយ»។

កូនស្រីតារាសម្តែងរូបនេះ ដែលនាង មានឈ្មោះ វីរីយ៉ា ក៏សរសេរសារអរគុណលោកវេជ្ជបណ្ឌិត ជុំ ណាវុធ ដែលបានជួយចាត់ចែងហៅទ្បានសាមុយដឹកឪពុកនាងមកកាន់មន្ទីរពេទ្យកាល់ម៉ែត្រកាលពីយប់ម្សិលមិញ ដោយនាងឲ្យដឹងបន្តថា៖ «គាត់កំពុងសម្ងំគេងហើយក្រុមគ្រូពេទ្យកំពុងបន្តតាមដានស្ថានភាពជំងឺរបស់គាត់ សូមជូនពរប៉ាឆាប់ជាដើម្បីបានជូនកូនៗទៅរៀនដូចរាល់ព្រឹកទៀត។ កូនស្រលាញ់ប៉ាជាងគេក្នុងលោក វីរីយ៉ា»៕

ប្រភព៖ ភ្នំពេញប៉ុស្តិ៏

Comments

comments

You might also like More from author