លោក​ស្រី ផាក​ ជំរុញ​ឲ្យ​ប្រធា​នាធិបតី​កូរ៉េខាងត្បូង​កាន់​អំណាច​ពីរ​អាណត្តិ​

10
Cambodia Website Design

ក្រុងសេអ៊ូលៈ ប្រធានាធិបតីកូរ៉េខាងត្បូង លោកស្រី ផាក គឿនហ៊ី កាលពីថ្ងៃចន្ទ បានអំពាវនាវឲ្យមានការកែប្រែរដ្ឋធម្មនុញ្ញ ដែលអាចអនុញ្ញាតឲ្យប្រធានាធិបតីអនាគតកាន់តំណែងពីរអាណត្តិ ខណៈលោកស្រីកំពុងតស៊ូជាមួយអត្រាប្រជាប្រិយភាពកំពុងធ្លាក់ចុះ និងរឿងអាស្រូវពុករលួយកាន់តែរីកធំ។

ខណៈរដ្ឋធម្មនុញ្ញរបស់ខ្លួន បានផ្តល់អំណាចយ៉ាងទូលាយដល់អ្នកប្រតិបត្តិ កូរ៉េខាងត្បូង គឺជាប្រទេសមួយ នៃប្រទេសកាន់លទ្វិប្រជាធិបតេយ្យសេរីមានការរីកចម្រើនផ្នែកសេដ្ឋកិច្ច ដែលកំណត់តំណែងប្រធានាធិបតីត្រឹមតែមួយអាណត្តិ ដោយគ្មានលទ្ធភាពបោះឆ្នោតជាថ្មីទេ។

ការកំណត់នោះ ត្រូវបានធ្វើឡើងនៅក្នុងឆ្នាំ ១៩៨៧ ខណៈកូរ៉េខាងត្បូងបានធ្វើអន្តរកាលនៅកាន់របបលទ្ធិប្រជាធិបតេយ្យក្រោយពីការដឹកនាំដោយយោធាច្រើនទសវត្សរ៍ និងប្រឹងប្រែងការពារការវិលត្រឡប់ទៅការបន្តការគ្រប់គ្រងផ្តាច់ការ។

Cambodia Website Design

ក្រុមអ្នករិះគន់និយាយថា ការកំណត់នេះធ្វើឱ្យការគ្រប់គ្រងរបស់ខ្លួនកាន់តែយូរ និងបានប្រើប្រាស់តំណែងប្រតិបត្តិគ្មានស្ថិរភាពជារឿយៗ ដោយផ្តល់ពេលវេលា ឬការលើកចិត្តតិចតួចសម្រាប់ការបង្កើតការព្រមព្រៀងជាឯកច្ឆន្ទខណៈប្រធានាធិបតី បានផ្តោតទៅលើបញ្ហាមរតក ដោយគ្មានកង្វល់អំពីការបោះឆ្នោតជាថ្មី។

ក្នុងអំឡុងការថ្លែងក្នុងសភាត្រូវបានចាក់ផ្សាយតាមទូរទស្សន៍កាលពីថ្ងៃចន្ទ លោកស្រីផាក បានហៅរដ្ឋធម្មនុញ្ញបច្ចុប្បន្ននេះ ហួសសម័យ និងនិយាយថា រដ្ឋាភិបាលគួរចាប់ផ្តើមពិភាក្សាដើម្បីរៀបចំគោលការណ៍សម្រាប់កែប្រែរដ្ឋធម្មនុញ្ញនេះ។

លោកស្រីផាក បានប្រាប់ក្រុមសមាជិកសភាថា៖ «អាណត្តិប្រធានាធិបតីមួយអាណត្តិ ៥ ឆ្នាំតាមរដ្ឋធម្មនុញ្ញសមរម្យកាលពីអតីតកាល។ ដោយមិនបានលើកឡើងពីរបៀបវារៈជាក់លាក់ណាមួយនោះ លោកស្រីផាក គឿនហ៊ីបាននិយាយថា លោកស្រីនឹងបង្កើតគណៈកម្មាធិការរដ្ឋាភិបាលមួយ ដើម្បីជំរុញឲ្យកែប្រែរដ្ឋធម្មនុញ្ញ៕

ប្រភព៖  ភ្នំពេញប៉ុស្តិ៏

Comments

comments

You might also like More from author