ខេមបូភេគ – ទំព័រព៌តមានកម្ពូជា​ – ពត៌មានសំបូរបែបសម្រាប់អ្នក

Blog

 Breaking News
  • អគ្គិភ័យឆេះផ្ទះប្រជាពលរដ្ឋនៅក្បែរផ្សារដេប៉ូ (ភ្នំពេញ)៖ អគ្គិភ័យកំពុងឆាបឆេះផ្ទះប្រជាពលរដ្ឋនៅក្បែរផ្សារដេប៉ូ ក្នុងខណ្ឌទួលគោក រាជធានីភ្នំពេញ។ នៅ...
  • អាការៈ​ពិបាក​ក្នុង​ការ​និយាយ​ស្ដីពលរដ្ឋ​ខ្មែរ​ជាង៦​សែន​នាក់​ អ្នកជំនាញខាងការព្យាបាលអាការៈពិបាកក្នុងការនិយាយស្ដី លើកឡើងថា ពលរដ្ឋខ្មែរប្រមាណ៦សែននាក់ជាពិសេសកុមារ មានអាការៈពិបាកក្នុងការនិយាយ ហើយសេវាព្យាបាលអាការៈនេះនៅមានកម្រិតនៅឡើយក្នុងប្រទេសកម្ពុជា។ លោក ណឹម សុភ័ក្រ្តបញ្ញានៃ VOA បានសម្ភាសអ្នកស្រី Claire Salter អ្នកជំនាញខាងការព្យាបាលអាការៈពិបាកក្នុងការនិយាយស្ដីនៃមន្ទីរព្យាបាល Happy Kids Clinic អំពីកង្វះសេវាព្យាបាលនិងបញ្ហាពិបាកនិយាយនេះដូចតទៅ៖...
  • ករណីឆ្លងថ្មីនៃវីរុស HIV ចំនួន៣១៩ បានផ្ទុះឡើងក្នុងប្រទេសសិង្ហបុរី គិតត្រឹមរយៈពេល១០ខែដំបូងនៃឆ្នាំ២០១៦នេះ ប្រភព ៖ Fresh News (សិង្ហបុរី)៖ គិតត្រឹមរយៈពេល១០ខែដំបូងនៃឆ្នាំ២០១៦នេះ ការឆ្លងថ្មីនៃរីរុស HIV ដ៏កាចសាហាវនិងគ្មានថ្នាំព្យាបាលចំនួន៣១៩ករណី បានផ្ទុះកើតមានឡើងនៅក្នុងចំណោមពលរដ្ឋសិង្ហបុរី។ នេះបើតាមសេចក្តីរាយការណ៍ពីក្រសួងសុខាភិបាល (MOH) នៃប្រទេសសិង្ហបុរីផ្ទាល់ ដែលដកស្រង់ដោយសារព័ត៌មាន Channel News Asia នៅយប់ថ្ងៃព្រហស្បតិ៍ ទី០១ ខែធ្នូ ឆ្នាំ២០១៦។ ប្រភពដដែលបានបញ្ជាក់បន្ថែមថា ករណីឆ្លងចំនួន២០៦ត្រូវបានរាយការណ៍ឲ្យដឹងនៅក្នុងរយៈពេល៦ខែដំបូងនៃឆ្នាំនេះ និងបានរកឃើញថា៩៤ភាគរយ នៃករណីថ្មីទាំងនោះគឺជាបុរស ខណៈ៤៩.៥ភាគរយមានអាយុចាប់ពី២០ដល់៣៩ឆ្នាំ ហើយប្រហែលជា៣៨ភាគរយបានឈានដល់តំណាក់កាលចុងក្រោយទៅហើយ នៅពេលដែលពួកគេបានពិនិត្យឈាមរកឃើញថា មានផ្ទុកវីរុស HIV។ ទន្ទឹមគ្នានេះដែរ...
  • ត្រឡប់​ពី​បត់ជើង​វិញ ស្រាប់តែ​ស្រែក​ទ្រហោយំ ប្រភព៖ កោះសន្តិភាព ខេត្តកំពង់ចាម ៖ ស្ត្រីម្នាក់ខណៈដើរត្រឡប់ពីបត់ជើងនៅបន្ទប់ទឹកចំហៀងផ្ទះ ស្រាប់តែក្តៅក្រហល់ក្រហាយពេញខ្លួនស្រែកទ្រហោយំខ្លាំងៗបង្កឲ្យកាលពីវេលាម៉ោងប្រហែល៥ទៀបភ្លឺ ថ្ងៃទី១ ខែធ្នូ ឆ្នាំ២០១៦ ហើយត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យបង្អែ កស្រុកស្រីសន្ធរ ។ នគរបាលស្រុកកោះសូទិនបានឱ្យដឹងថា មុនពេលកើតហេតុស្ត្រីរងគ្រោះបានដើរទៅបត់ជើងនៅបន្ទប់ទឹកចំហៀងផ្ទះ លុះពេលដើរត្រឡប់មកផ្ទះវិញមិនទាន់ទាំងដល់ផ្ទះផង ស្រាប់តែមានជនមិនស្គាល់មុខបានជះទឹកអាស៊ីតចំក្បាល និងដងខ្លួន តែមិនធ្ងន់ធ្ងរខ្លាំងនោះទេ ប៉ុន្តែបណ្ដាលឲ្យស្ត្រីរងគ្រោះក្តៅក្រហល់ក្រហាយស្រែកទ្រហោយំយ៉ាងខ្លាំង ។ ភ្លាមៗនោះស្ត្រីរងគ្រោះត្រូវបានសាច់ញាតិប្រញាប់បញ្ជូនទៅសង្គ្រោះនៅមន្ទីរពេទ្យបង្អែកស្រុកស្រីសន្ធរ ។...
  • ឧបករណ៍ចល័ត Android ច្រើនជាង ១លានគ្រឿងត្រូវបានហេគ ដោយមេរោគ Gooligan បើសិនជាអ្នកមានប្រើប្រាស់នូវ Android Smartphone សូមមានការប្រុងប្រយ័ត្ន! មេរោគ Android ថ្មីមួយដែលបានវាយប្រហារទទៅលើគណនី Google ច្រើនជាង ១លានគណនីហើយនោះ បាននឹងកំពុងរីករាលដាលនិងវាយប្រហារទៅលើ ១៣០០០ ឧបករណ៍ជាប្រចាំថ្ងៃ។ ប្រភព៖ secudemy.com មេរោគមួយឈ្មោះថា Gooligan បានធ្វើការជ្រៀតចូលទៅកាន់ឧបករណ៍ Android ណាដែលមានចំនុចខ្សោយដើម្បីលួចយកនូវអាស័យដ្ឋានអ៊ីម៉ែល និង authentication tokens ដែលរក្សាទុកក្នុងឧបករណ៍នោះ។ ជាមួយនឹងព័ត៌មានទាំងនោះ អ្នកវាយប្រហារអាចធ្វើការជ្រៀតចូលទៅកាន់គណនី Google ហើយធ្វើការអាក់សេសទៅលើព័ត៌មានសំខាន់ៗរបស់អ្នក មានដូចជា Gmail, Google...

អតីត​អ្នក​បើកបរ​ឡាន​គ្រោង​តវ៉ា​ជា​ថ្មី​​ ឯ​អ្នក​ធ្វើការ​តាម​ព្រលាន​ថា​ធ្វើ​កូដកម្ម

អតីត​អ្នក​បើកបរ​ឡាន​គ្រោង​តវ៉ា​ជា​ថ្មី​​ ឯ​អ្នក​ធ្វើការ​តាម​ព្រលាន​ថា​ធ្វើ​កូដកម្ម
October 27
07:08 2016

ភ្នំពេញៈ អតីតអ្នកបើកបររថយន្តក្រុមហ៊ុនកាពីតូលបានប្រកាសថានឹងតវ៉ាជាថ្មីនៅមុខក្រុមហ៊ុននេះបន្ទាប់ពីពួកគេត្រូវបានបញ្ឈប់ពីការងារអស់ ១៦ ខែមិនមានដំណោះស្រាយខណៈក្រុមអ្នកបម្រើការតាមព្រលានយន្តហោះមួយចំនួនក៏ថានឹងធ្វើកូដកម្មទាមទារលក្ខខណ្ឌការងារផងដែរ។

លោក អៀង គឹមហ៊ុន អគ្គលេខាធិការសហព័ន្ធសហជីពកម្មករវិស័យដឹកជញ្ជូនកម្ពុជា និងជាអ្នកតំណាងអតីតអ្នកបើកបរ ៤៥ នាក់ដែលត្រូវក្រុមហ៊ុនបញ្ឈប់ពីការងារបានលើកឡើងក្នុងសន្និសីទសារព័ត៌មានពីម្សិលមិញថាគិតមកទល់ពេលនេះគឺ ១៦ ខែហើយដែលអ្នកទាំងនោះត្រូវបានបញ្ឈប់ពីការងារ។ លោកថាក្រុមហ៊ុនប្រកាសជំហរតឹងរ៉ឹងមិនព្រមដោះស្រាយ និងបានយកប្រព័ន្ធតុលាការមកដាក់សម្ពាធទៀត។

លោកបន្តថាក្រសួងការងារក៏បានសន្យាជួយរកដំណោះស្រាយដោយបានកំណត់យកខែសីហាឆ្នាំនេះប៉ុន្តែរហូតមកទល់ពេលនេះមិនបានធ្វើតាមសន្យាទេហេតុដូច្នេះទើបក្រុមអតីតអ្នកបើកបរសម្រេចយកថ្ងៃទី ២៨ ខែតុលាតវ៉ាជាថ្មី។

លោកបន្ថែមថា៖ «ពេលតវ៉ាកន្លងមកនេះមានការគំរាមកំហែង ការវាយ ចាប់មេក្រូ…យើងអត់បោះបង់ចោលទេសូមជម្រាបថារឿងក្តីនេះត្រូវតែរកយុត្តិធម៌ឲ្យបានទោះខ្ញុំស្លាប់ទៅក៏មានអ្នកកាន់រឿងក្តីនេះដែរ…ដើម្បីបានយុត្តិធម៌យើងត្រូវទាមទារឲ្យមានការចរចារាល់ថ្ងៃគាត់ (ក្រុមហ៊ុន) កំពុងដើរគេច»។

រីឯលោក ប៉ិល វឿន ដែលធ្លាប់បើកបរឲ្យក្រុមហ៊ុននេះជាង ៣ ឆ្នាំ និងត្រូវគេបញ្ឈប់នោះថ្លែងថាដោយសារលោកចង់បានយុត្តិធម៌ពីក្រុមហ៊ុន និងទាមទារគោរពសិទ្ធិបុគ្គលិកក្នុងការបង្កើតសហជីពលោកសុខចិត្តបន្តទាមទាររកដំណោះស្រាយបើទោះជាកំពុងប្រឈមនឹងជីវភាពក្តី។ លោកថានឹងសុំអន្តរាគមន៍ពីលោកនាយករដ្ឋមន្ត្រី។

លោកបន្តថា៖ «សូមអំពាវនាវដល់ពុកម៉ែ មាមីងទាំងអស់ដែលធ្លាប់ប្រើសេវាក្រុមហ៊ុនកាពីតូលសូមមេត្តាឈប់ប្រើសេវាក្រុមហ៊ុននេះដែលគាត់អត់មានយុត្តិធម៌សម្រាប់កម្មករទេមានតែធ្វើបាបកម្មករ…ខ្ញុំត្រូវទៅតវ៉ាកន្លែងកាពីតូលម្តងទៀត..»។

បើតាមអ្នកបើកបរទាំងនោះក្នុងរយៈពេល ១៦ ខែក្រោយពីការបណ្តេញចេញអ្នកទាំង ៤៥ នាក់នេះក៏ធ្លាប់តវ៉ា និងឈានដល់ហិង្សាទៀតផង។ ទន្ទឹមនឹងនេះក្រុមប្រឹក្សាអាជ្ញាកណ្តាលក្រសួងការងារ និងសាលាដំបូងរាជធានីភ្នំពេញបានណែនាំ និងបង្គាប់ឲ្យអ្នកបើកបរចូលធ្វើការវិញតែភាគីក្រុមហ៊ុនមិនព្រម។ ជាមួយគ្នានេះដែរភាគីទាំងពីរក៏បានដាក់បណ្តឹងរៀងខ្លួនទៅសាលាដំបូងរាជធានីភ្នំពេញតែនៅមិនទាន់សម្រេចទេ។

ប្រធានសហភាពការងារកម្ពុជាលោក អាត់ ធន់ ចាត់ ទុករឿងនេះថាអយុត្តិធម៌សម្រាប់អ្នកបើកបរទាំង ៤៥ នាក់ដោយថាត្រូវក្រុមហ៊ុនបញ្ឈប់ពួកគាត់ទាំងខុសច្បាប់។ លោកថា៖ «ខ្ញុំចង់បញ្ជាក់ឡើងវិញថាយើងជាជនរងគ្រោះនឹងដាក់ពាក្យបណ្តឹងតទៅទៀតហើយបន្តតវ៉ាតាមដែលអាចធ្វើបាន…»។

នាយកចាត់ការទូទៅក្រុមហ៊ុនកាពីតូលលោក ផាន់ សុភាព បានថ្លែងយ៉ាងខ្លីថាអ្នកបើកបរទាំងនោះនិយាយមិនពិត។ លោកថា៖ «សុំទោសបងខ្ញុំកំពុងជាប់ប្រជុំ…ពួកទាំងនោះបានតែមាត់»។

អ្នកនាំពាក្យក្រសួងការងារ

លោក ហេង សួរ ឲ្យដឹងថាក្រសួងធ្លាប់ជួយដោះស្រាយរឿងនេះតាមរយៈក្រុមប្រឹក្សាអាជ្ញាកណ្តាលតែភាគីវិវាទមិនបានទទួលយកទេ។ លោកបន្តថាឥឡូវបន្តនីតិវិធីទៅតុលាការវាផុតដៃពីនីតិវិធីតាមច្បាប់ស្តីពីការងារហើយ។

ដោយឡែកនៅក្នុងសន្និសីទសារព័ត៌មាននេះដែរអតីតអ្នកផ្តល់សញ្ញាឲ្យយន្តហោះកាលពី ៥ ឆ្នាំមុននៅអាកាសយានដ្ឋានអន្តរជាតិភ្នំពេញ និងបច្ចុប្បន្នជាមន្ត្រីដោះស្រាយវិវាទរបស់សហភាពការងារកម្ពុជាលោក និន កុសល បានថ្លែងថាក្រុមអ្នកបម្រើការនៅអាកាសយានដ្ឋានអន្តរជាតិភ្នំពេញ សៀមរាប និងព្រះសីហនុ ក៏គ្រោងធ្វើកូដកម្មក្នុងខែវិច្ឆិកា ឬខែធ្នូខាងមុខដែរដើម្បីប្រឆាំងនឹងក្រុមហ៊ុន Cambodia Airport Management Services (CAMS) ដែលបានរើសអើងមន្ត្រីសហជីព និងទាមទារលក្ខខណ្ឌការងារផងដែង។

លោកថាក្រុមហ៊ុនបានបញ្ឈប់បុគ្គលិកជាសមាជិកសហជីពដោយគ្មានហេតុផល និងមិនទាន់ផ្តល់សំណង។ មួយវិញទៀតលោកថាក្រុមហ៊ុនក៏បានតម្រូវឲ្យបុគ្គលិកធ្វើការច្រើនជំនាញតែផ្តល់អត្ថប្រយោជន៍តិចតួចដែលបុគ្គលិកមិនពេញចិត្ត។

លោកបន្តថាភាគីសហជីពចង់ឲ្យក្រុមហ៊ុនបន្ថែមប្រាក់ប្រហែល ៥០ ដុល្លារដល់បុគ្គលិកម្នាក់ដែលធ្វើការថែមមួយជំនាញហើយត្រូវផ្អែកលើគោលការណ៍ស្ម័គ្រចិត្ត។

ដោយឡែកលោក សុខ សារឿន ជាអនុប្រធានសហជីពកម្មករឧស្សាហកម្ម និងទេសចរណ៍ប្រចាំអាកាសយានដ្ឋានអន្តរជាតិសៀមរាបថ្លែងថាលោកត្រូវបានភាគីក្រុមហ៊ុនបញ្ឈប់ពីការងារជាងមួយឆ្នាំមកហើយដោយមិនបានបញ្ជាក់ពីកំហុសឲ្យបានច្បាស់លាស់។ លោកថាក្រុមហ៊ុនសន្យាដោះស្រាយសំណងពេលសហជីពយល់ព្រមបញ្ចុះបញ្ចូលបុគ្គលិកឲ្យទទួលយកការងារពហុជំនាញតែថាភាគីសហជីពមិនអាចធ្វើដូច្នេះបានទេ។

លោកឲ្យដឹងដែរថាក្នុងមួយឆ្នាំចុងក្រោយនេះមានសមាជិកសហជីពយ៉ាងតិច ៦ នាក់ទាំងនៅភ្នំពេញ និងសៀមរាបត្រូវបានបញ្ឈប់។

បើតាមមន្ត្រីសហភាពការងារកម្ពុជាឲ្យដឹងថាសមាជិករបស់សហភាពការងារដែលកំពុងបម្រើការងារនៅអាកាសយានដ្ឋានអន្តរជាតិភ្នំពេញមាន ៥៣៧ នាក់នៅសៀមរាបមាន ៣១៥ នាក់ និងនៅក្រុងព្រះសីហនុមាន ២៩ នាក់។

អ្នកនាំពាក្យអាកាសយានដ្ឋានអន្តរជាតិកម្ពុជាលោក ខែក នរិន្ទដា បានថ្លែងថាក្រុមហ៊ុនបានព្យាយាមដោះស្រាយរឿងនេះតែសហជីពទេដែលមិនយល់ស្របតាមការសម្រេចដោយក្រុមប្រឹក្សាអាជ្ញាកណ្តាល។ លោកថាតុលាការខេត្តសៀមរាប និងភ្នំពេញក៏បានរក្សាការសម្រេចនេះដែរ៕

ប្រភព៖  ភ្នំពេញប៉ុស្តិ៏

ចែករំលែក

អំពីអ្នកនិព្ធ

nathim

nathim

អត្ថបទទាក់ទង

loading...

0 Comments

No Comments Yet!

There are no comments at the moment, do you want to add one?

Write a comment

Write a Comment

អំពីយើង

ខេមបូភេគ ជាគេហទំព័រក្នុងស្រុកមួយដែលផ្ដល់នៅពត៌មានកំសាន្ដ សុខភាព ការងារ កីឡា ពត៌មានជាតិទូទៅ ផ្សារលើអ៊ីធើណេត និង សេវាកម្មផ្សេងៗទៀតជាច្រើន។


យើងខ្ញុំរីករាយ និងផ្ដល់នៅពត៌មានទាន់ហេតុការណ៍ ដែលយើងដកស្រង់ចេញពីគេហទំព័រនានា ដែលអាចផ្ដល់ជាប្រយោជន៍ដល់បងប្អូន។


សូមបងប្អូនមេត្ដាផ្ដល់កម្លាំងចិត្ដដល់ក្រុមយើងខ្ញុំផង ដោយគ្រាន់តែចូលមកគេហទំព័រយើងខ្ញុំនៅពេលទំនេរ។


យើងខ្ញុំរងចាំការរិះគន់ និងស្ថាបនាពីបងប្អូនគ្រប់ពេលវេលាទាំងអស់



សូមអរគុណ!

ពត៌មានផ្សេងៗ

loading...

អត្រាប្ដូរប្រាក់ប្រចាំថ្ងៃ

អត្រាប្តូរប្រាក់ : ២៨​ តុលា ២០១៦
៤,០៥០ រៀល / ដុល្លារអាមេរិក
រូបិយប័ណ្ណ ឯកតា ទិញ លក់
ដុល្លារអូស្រ្តាលី ៣,០៧៤ ៣,១០៤
យ៉ន់ចិន ៥៩៧ ៦០៣
អ៊ឺរ៉ូ ៤,៤១៣ ៤,៤៥៧
យេនជប៉ុន ១០០ ៣,៥៥៨ ៣,៥៩៣
បាតថៃ ១១៥ ១១៦
ដុងវៀតណាម ១,០០០ ១៨២ ១៨៣

តម្លៃប្រេងពិភពលោក

តម្លៃទំនិញថ្ងៃនេះ (​រៀល)

ម្ទេសហាវ៉ៃ: 5000.00/kgs
ខ្ទឹមស្លឹក: 13000.00/kgs
ស្ពៃថៃស៊ីម/ស្ពៃផ្កា: 6000.00/kgs
ស្ពៃតឿ: 5250.00/kgs
ស្ពៃចង្កឹះ: 3250.00/kgs
ផ្កាខាត់ណា: 7000.00/kgs
ស្ពៃក្រញ៉ាញ់: 5250.00/kgs
ស្ពៃខៀវ: 3175.00/kgs
ត្រកួនចិន/គ្រាប់: 5000.00/kgs

បណ្តាញសង្គ្រោះបន្ទាន់

ចំនួនអ្នកទស្សនា

0035965
Visit Today : 125
Visit Yesterday : 205
This Month : 543
This Year : 35965
Total Visit : 35965
Hits Today : 809
Total Hits : 277785
Who's Online : 2
Your IP Address: 54.166.7.87