ជប៉ុន​នឹង​ចុះ​ហត្ថលេខា​ទ្វេភាគី​ជា​មួយ​កម្ពុជា និង​ឡាវ​បើក​ការ​ហោះ​ហើរ​ត្រង់​

2
Cambodia Website Design

ជប៉ុន​នឹង​ចុះ​ហត្ថលេខា​ទ្វេភាគី​ជា​មួយ​នឹង​កម្ពុជា និង​ឡាវ​នៅ​សប្ដាហ៍​នេះដើម្បី​បើក​ឱកាស​ឲ្យ​ក្រុមហ៊ុន​អាកាសចរណ៍​ធ្វើ​ការ​ហោះ​ហើរ​ផ្ទាល់​រវាង​ជប៉ុន និង​ប្រទេស​ទំាង​ពីរ​នៅ​អាស៊ីអាគ្នេយ៍​។

នៅ​ក្នុង​ដំណើរ​ទស្សនកិច្ច​របស់​អនុរដ្ឋ​មន្រ្ដី​ការ​បរទេស​ជប៉ុន​លោក Kazuyuki Nakane ទៅ​កម្ពុជា និង​ឡាវ គឺជា​ការ​ពង្រឹង​ទំនាក់​ទំនង​សេដ្ឋកិច្ច និង​ការ​លើក​កម្ពស់​ការ​ផ្លាស់​ប្ដូរ​បទ​ពិសោធន៍​នៃ​មន្រ្ដី​ប្រទេស​ទាំង​បី​ក្រោយ​ពី​ការ​បណ្ដាក់​ទុន​របស់​ជប៉ុន​នៅ​កម្ពុជា និង​ឡាវ​បាន​កើន​ឡើង​ច្រើន​នៅ​ពេល​ប៉ុន្មាន​ឆ្នាំ​ចុង​ក្រោយ​នេះ។

Cambodia Website Design

ជប៉ុន​ចង់​បង្កើន​ទំនាក់​ទំនង​ជា​មួយ​នឹង​ក្រុម​ប្រទេស​អាស៊ាន​ ហើយ​ក៏​បាន​សន្យា​ពង្រីក​សកម្មភាព​ដើម្បី​ការ​អភិវឌ្ឍ​ឆ្ពោះ​ទៅ​សម្រេច​បាន​គោល​ដៅ​នៃ​ការ​ធ្វើ​សមាហរណកម្ម​សេដ្ឋកិច្ច​អាស៊ាន​នៅ​ឆ្នាំ​២០១៥។

កាសែត​ក្យូដូរាយការណ៍​ថា បើ​តាម​ទិដ្ឋន័យ​រដ្ឋាភិបាល​ជប៉ុន​ ចំនួន​ទេសចរ​ជប៉ុន​ទៅ​កម្ពុជា​បាន​កើន​ឡើង​ជាង​២សែន​៦ពាន់​នាក់នៅ​ឆ្នាំ​២០១៣។ បើ​ប្រៀប​ធៀប​នឹង​ឆ្នាំ​២០០៩ មាន​តែ​ជាង​១សែន​៤ម៉ឺន​នាក់​ប៉ុណ្ណោះ។

រីឯការ​បណ្ដាក់​ទុន​របស់​ក្រុមហ៊ុន​ជប៉ុន​នៅ​កម្ពុជា​វិញ​ក្រុមហ៊ុន​ជប៉ុន​មក​ធ្វើ​ពាណិជ្ជកម្ម​នៅ​កម្ពុជា​បាន​កើន​ឡើង​ដល់​១៧០ បើ​ប្រៀប​ធៀប​នឹង​ឆ្នាំ​២០០៩​មាន​តែ​៤០​ក្រុមហ៊ុន​ប៉ុណ្ណោះ៕

ប្រភព៖ វិទ្យុអូស្រ្ដាលី

Comments

comments

You might also like More from author