ក្រសួង​កសិកម្ម​​ប្រកាស​​ដក​ហូត​​ដី​​សម្បទាន​​ជាង​១៤​ម៉ឺន​​ហិកតា​​ពី​​ក្រុមហ៊ុន ​​៨​

0
Cambodia Website Design

នៅក្នុង​អាណត្តិ​ទី៥នេះ ក្រសួងកសិកម្ម រុក្ខាប្រមាញ់ និង​នេសាទ បានប្រកាសថា ខ្លួន​បាន​និរាករណ៍​គម្រោង​វិនិយោគ​សម្បទាន​ដី​សេដ្ឋកិច្ច​ក្រុមហ៊ុន​ចំនួន៨ ដែល​គិត​​ជា​​ផ្ទៃដីគឺ​មាន​​ចំនួន​​ជាង​១៤ម៉ឺន៣ពាន់​ហិកតា​(១៤,៣៣៨០ហិកតា)​។ ​ក្រសួង​កសិកម្ម​​បាន​ប្រកាស​​ដូច្នេះ​​នៅក្នុង​​សន្និសីទ​សារ​ព័ត៌មាន​​មួយ ​​នៅ​​ទីស្តីការ​ក្រសួង​​កសិកម្ម​​នៅ​​ព្រឹក​​ថ្ងៃ​​ពុធ ​ទី២១ ​មករា​​នេះ​។

1469981_765493313541246_1702593260544080668_n_0លោកអ៊ាង សុផល្លែត​(កណ្តាល)​ធ្វើ​សន្និសីទ​សារព័ត៌មា​ននៅ​ព្រឹក​ថ្ងៃពុធ ​ទី២១ ​ខែមករា​ ឆ្នាំ២០១៥

ក្រសួងកសិកម្ម​បានប្រកាស​ថា ខ្លួន​បាន​និរាករណ៍​គម្រោង​វិនិយោគ​សម្បទាន​ដី​សេដ្ឋកិច្ច​ពី​ក្រុមហ៊ុន​ ចំនួន៨ និង​បាន​កែសម្រួល​ផ្ទៃដី​ក្រុមហ៊ុន​ចំនួន៤ នៅក្នុង​អាណត្តិ​ទី៥នេះ។ ក្នុងនោះ​ក្រុមហ៊ុន​ចំនួន៥ ត្រូវបាន​រដ្ឋាភិបាល​តា​មរយៈ​ក្រសួងកសិកម្ម​ធ្វើការ​និរាករណ៍​នាពេល​កន្លងមក និង​ក្រុមហ៊ុន​ចំនួន៣ទៀត​ត្រូវបាន​ក្រសួង​ប្រកាស​និ​រា​កណ៍​នៅក្នុង​ សន្និសីទ​សារព័ត៌​មាននៅ​ព្រឹក​ថ្ងៃ​ពុធ​នេះ។

លោក​អ៊ាង សុផល្លែត អនុរដ្ឋលេខាធិការ​ក្រសួងកសិកម្ម​បានលើកឡើង​នៅក្នុង​សន្និសីទ​សារព័ត៌មាន​នោះ ​ថា ក្រុមហ៊ុន​ទាំង៨នោះ គឺ​ស្ថិតនៅក្នុង​ខេត្តស្ទឹងត្រែង។ ខេត្តស្ទឹងត្រែង បើតាម​លោក​អ៊ាង សុផល្លែត គឺជា​ចំណុច​ចាប់ផ្តើម​ដំបូង​របស់​ក្រសួងកសិកម្ម​ក្នុងការ​ធ្វើ​ប​ច្ចប្ប​ន្ន ​ភាព និង​ដកហូត​ដី​សម្បា​ទាន​សេដ្ឋកិច្ច​ពី​បណ្តា​ក្រុមហ៊ុន​នានា​សម្រាប់​ អាណត្តិ​ទី៥នេះ។ លោក​អ៊ាង សុផល្លែត បាន​បញ្ជាក់ថា មូលហេតុ​ដែល​ក្រសួងកសិកម្ម​ធ្វើការ​ដកហូត និង​កែសម្រួល​ផ្ទៃដី​ទាំងនោះ គឺ​ដោយសារតែ​ក្រុមហ៊ុន​ទាំងនោះ បាន​រំលោភ​លើ​កិច្ចសន្យា​ជាមួយ​ក្រសួងកសិកម្ម មិន​គោរព​តាមច្បាប់​ភូមិបាល និង មានការ​ប៉ះពាល់​ជាមួយ​ដី​របស់​ប្រជាពលរដ្ឋ។

Cambodia Website Design

សូមបញ្ជាក់ថា គិត​មកដល់ពេលនេះ រដ្ឋាភិបាល​តាមរយៈ​ក្រសួងកសិកម្ម បាន​ដកហូត​ដី​សម្បទាន​ពី​ក្រុមហ៊ុន​ចំនួន៧១ ក្រុមហ៊ុន និង​បាន​កែសម្រួល​ផ្ទៃដី​ចំនួន៤ ក្រុមហ៊ុន ដែល​គិត​ជា​ផ្ទៃដី​ចំនួន៦៥ម៉ឺន៧ពាន់​ហិកតា​ហិកតា។ ក្នុងនោះ កាលពី​អាណត្តិ​មុន បាន​ដកហូត​ពី​ក្រុមហ៊ុន​ចំនួន៦៣ ក្រុមហ៊ុន គិត​ជា​ផ្ទៃដី​ប្រមាណ៥១ម៉ឺន៣ពាន់​ហិកតា និង​នៅក្នុង​អាណត្តិ​នេះ បានចាប់ផ្តើម​ដកហូត​ពី​ក្រុម​ហ៊ុនចំនួន៨ និង បាន​កែសម្រួល​ផ្ទៃដី​ចំនួន៤ ក្រុមហ៊ុន​ទៀត ដែលជា​គិត​ជា​ផ្ទៃដី​ចំនួន១៤ម៉ឺន៣ពាន់​ហិកតា(១៤,៣៣៨០ហិកតា)។

ដោយឡែក​ចំពោះ​ក្រសួងបរិស្ថាន​ដែលមាន​ដែន​សមត្ថកិច្ច​ក្នុងការ​ធ្វើ​ប​ច្ចប្ប ​ន្ន​ភាព និង​ដកហូត​ដី​សម្បទាន​សេដ្ឋកិច្ច​ពី​ក្រុមហ៊ុន​វិនិយោគ​ដែរនោះ ក៏បាន​ធ្វើការ​ដកហូត​ដី​សម្បទាន​សេដ្ឋកិច្ច​ពី​ក្រុមហ៊ុន​មួយចំនួន​ផងដែរ។ បើតាម​លោក​សៅ សុភាព អ្នកនាំពាក្យ​ក្រសួងបរិស្ថាន នៅក្នុង​អាណត្តិ​ទី៥នេះ ក្រសួងបរិស្ថាន​បាន​ដកហូត​ដី​សម្បទាន​ពី​ក្រុមហ៊ុន​ចំនួន២៣ បានកែសម្រួល​ផ្ទៃដី​ចំនួន២ក្រុមហ៊ុន និង​ក្រុមហ៊ុន​ចំនួន៣ បាន​ស្ម័គ្រ​ចិត្ត​ប្រគល់​ដី​សម្បទាន​ដល់​ក្រសួងបរិស្ថាន​វិញ។

និយាយ​ដោយឡែក ក្រៅតែពី​ដកហូត និង​កែសម្រួល​ផ្ទៃដី​ក្រុមហ៊ុន​ទាំងនោះ ក្រសួងកសិកម្ម​ក៏​គ្រោង​នឹង​ចុះទៅ​ធ្វើការ​ពិនិត្យ និង​វាយតម្លៃ​ក្រុមហ៊ុន​ចំនួន១១៥ ទៀត ដែល​គិត​ជា​ពី​ទំហំ​ផ្ទៃដី​ប្រមាណ​ចន្លោះ​ពី១លាន១សែន​ហិកតា ទៅ១លាន២សែន​ហិកតា ដែល​បាន​ចុះកិច្ចសន្យា​រួចរាល់​ហើយ​ជាមួយ​ក្រសួងកសិកម្ម។ នេះ​បើ​ការបញ្ជាក់​បន្ថែម​ពី​លោក​អ៊ាង សុផល្លែត៕ ប្រភពៈ RFI

Comments

comments