ខេមបូភេគ – ទំព័រព៌តមានកម្ពូជា​ – ពត៌មានសំបូរបែបសម្រាប់អ្នក

Blog

 Breaking News
  • អគ្គិភ័យឆេះផ្ទះប្រជាពលរដ្ឋនៅក្បែរផ្សារដេប៉ូ (ភ្នំពេញ)៖ អគ្គិភ័យកំពុងឆាបឆេះផ្ទះប្រជាពលរដ្ឋនៅក្បែរផ្សារដេប៉ូ ក្នុងខណ្ឌទួលគោក រាជធានីភ្នំពេញ។ នៅ...
  • អាការៈ​ពិបាក​ក្នុង​ការ​និយាយ​ស្ដីពលរដ្ឋ​ខ្មែរ​ជាង៦​សែន​នាក់​ អ្នកជំនាញខាងការព្យាបាលអាការៈពិបាកក្នុងការនិយាយស្ដី លើកឡើងថា ពលរដ្ឋខ្មែរប្រមាណ៦សែននាក់ជាពិសេសកុមារ មានអាការៈពិបាកក្នុងការនិយាយ ហើយសេវាព្យាបាលអាការៈនេះនៅមានកម្រិតនៅឡើយក្នុងប្រទេសកម្ពុជា។ លោក ណឹម សុភ័ក្រ្តបញ្ញានៃ VOA បានសម្ភាសអ្នកស្រី Claire Salter អ្នកជំនាញខាងការព្យាបាលអាការៈពិបាកក្នុងការនិយាយស្ដីនៃមន្ទីរព្យាបាល Happy Kids Clinic អំពីកង្វះសេវាព្យាបាលនិងបញ្ហាពិបាកនិយាយនេះដូចតទៅ៖...
  • ករណីឆ្លងថ្មីនៃវីរុស HIV ចំនួន៣១៩ បានផ្ទុះឡើងក្នុងប្រទេសសិង្ហបុរី គិតត្រឹមរយៈពេល១០ខែដំបូងនៃឆ្នាំ២០១៦នេះ ប្រភព ៖ Fresh News (សិង្ហបុរី)៖ គិតត្រឹមរយៈពេល១០ខែដំបូងនៃឆ្នាំ២០១៦នេះ ការឆ្លងថ្មីនៃរីរុស HIV ដ៏កាចសាហាវនិងគ្មានថ្នាំព្យាបាលចំនួន៣១៩ករណី បានផ្ទុះកើតមានឡើងនៅក្នុងចំណោមពលរដ្ឋសិង្ហបុរី។ នេះបើតាមសេចក្តីរាយការណ៍ពីក្រសួងសុខាភិបាល (MOH) នៃប្រទេសសិង្ហបុរីផ្ទាល់ ដែលដកស្រង់ដោយសារព័ត៌មាន Channel News Asia នៅយប់ថ្ងៃព្រហស្បតិ៍ ទី០១ ខែធ្នូ ឆ្នាំ២០១៦។ ប្រភពដដែលបានបញ្ជាក់បន្ថែមថា ករណីឆ្លងចំនួន២០៦ត្រូវបានរាយការណ៍ឲ្យដឹងនៅក្នុងរយៈពេល៦ខែដំបូងនៃឆ្នាំនេះ និងបានរកឃើញថា៩៤ភាគរយ នៃករណីថ្មីទាំងនោះគឺជាបុរស ខណៈ៤៩.៥ភាគរយមានអាយុចាប់ពី២០ដល់៣៩ឆ្នាំ ហើយប្រហែលជា៣៨ភាគរយបានឈានដល់តំណាក់កាលចុងក្រោយទៅហើយ នៅពេលដែលពួកគេបានពិនិត្យឈាមរកឃើញថា មានផ្ទុកវីរុស HIV។ ទន្ទឹមគ្នានេះដែរ...
  • ត្រឡប់​ពី​បត់ជើង​វិញ ស្រាប់តែ​ស្រែក​ទ្រហោយំ ប្រភព៖ កោះសន្តិភាព ខេត្តកំពង់ចាម ៖ ស្ត្រីម្នាក់ខណៈដើរត្រឡប់ពីបត់ជើងនៅបន្ទប់ទឹកចំហៀងផ្ទះ ស្រាប់តែក្តៅក្រហល់ក្រហាយពេញខ្លួនស្រែកទ្រហោយំខ្លាំងៗបង្កឲ្យកាលពីវេលាម៉ោងប្រហែល៥ទៀបភ្លឺ ថ្ងៃទី១ ខែធ្នូ ឆ្នាំ២០១៦ ហើយត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យបង្អែ កស្រុកស្រីសន្ធរ ។ នគរបាលស្រុកកោះសូទិនបានឱ្យដឹងថា មុនពេលកើតហេតុស្ត្រីរងគ្រោះបានដើរទៅបត់ជើងនៅបន្ទប់ទឹកចំហៀងផ្ទះ លុះពេលដើរត្រឡប់មកផ្ទះវិញមិនទាន់ទាំងដល់ផ្ទះផង ស្រាប់តែមានជនមិនស្គាល់មុខបានជះទឹកអាស៊ីតចំក្បាល និងដងខ្លួន តែមិនធ្ងន់ធ្ងរខ្លាំងនោះទេ ប៉ុន្តែបណ្ដាលឲ្យស្ត្រីរងគ្រោះក្តៅក្រហល់ក្រហាយស្រែកទ្រហោយំយ៉ាងខ្លាំង ។ ភ្លាមៗនោះស្ត្រីរងគ្រោះត្រូវបានសាច់ញាតិប្រញាប់បញ្ជូនទៅសង្គ្រោះនៅមន្ទីរពេទ្យបង្អែកស្រុកស្រីសន្ធរ ។...
  • ឧបករណ៍ចល័ត Android ច្រើនជាង ១លានគ្រឿងត្រូវបានហេគ ដោយមេរោគ Gooligan បើសិនជាអ្នកមានប្រើប្រាស់នូវ Android Smartphone សូមមានការប្រុងប្រយ័ត្ន! មេរោគ Android ថ្មីមួយដែលបានវាយប្រហារទទៅលើគណនី Google ច្រើនជាង ១លានគណនីហើយនោះ បាននឹងកំពុងរីករាលដាលនិងវាយប្រហារទៅលើ ១៣០០០ ឧបករណ៍ជាប្រចាំថ្ងៃ។ ប្រភព៖ secudemy.com មេរោគមួយឈ្មោះថា Gooligan បានធ្វើការជ្រៀតចូលទៅកាន់ឧបករណ៍ Android ណាដែលមានចំនុចខ្សោយដើម្បីលួចយកនូវអាស័យដ្ឋានអ៊ីម៉ែល និង authentication tokens ដែលរក្សាទុកក្នុងឧបករណ៍នោះ។ ជាមួយនឹងព័ត៌មានទាំងនោះ អ្នកវាយប្រហារអាចធ្វើការជ្រៀតចូលទៅកាន់គណនី Google ហើយធ្វើការអាក់សេសទៅលើព័ត៌មានសំខាន់ៗរបស់អ្នក មានដូចជា Gmail, Google...

កំណើន​បន្ថែម​នៃ​និកម្មភាព​នៅ​លើ​ពិភពលោក​ត្រូវ​បាន​រំពឹង​ទុក

កំណើន​បន្ថែម​នៃ​និកម្មភាព​នៅ​លើ​ពិភពលោក​ត្រូវ​បាន​រំពឹង​ទុក
January 26
01:51 2015

របាយការណ៍​ថ្មី​មួយ​ដែល​ចេញ​ដោយ​អង្គការ​ពលកម្ម​អន្តរជាតិ (ILO) ​បាន​ព្រមាន​ថា​មនុស្ស​ច្រើន​ជាង​២១២លាន​នាក់​នៅ​លើ​ពិភពលោក​នឹង​មិន​មាន​ការងារ​ធ្វើ​នៅ​ត្រឹម​ឆ្នាំ២០១៩។ នេះ​ គឺ​រាប់​ចាប់​ពី​អ្នកគ្មាន​ការងារ​ធ្វើ​នា​ពេល​បច្ចុប្បន្នចំនួន​២០១លាន​នាក់។​ អង្គការ​ពលកម្ម​ពិភពលោក​បានចេញ​របាយការណ៍មួយ​ដែល​មាន​ចំណង​ជើង​ថា «​ការ​ផ្តល់​ការងារ​លើ​ពិភពលោក​ និង​និន្នាការ​សង្គម​ឆ្នាំ២០១៥» នៅ​ក្នុង​ទីក្រុង​ហ្សឺណែវ​។

អង្គការ​ពលកម្ម​អន្តរជាតិបាន​រាយការណ៍​ថា​ការងារ​ចំនួន​ច្រើន​ជាង​៦១លាន​ត្រូវ​បាន​បាត់បង់​ចាប់​តាំង​ពី​មាន​វិបត្តិ​សេដ្ឋកិច្ច​ពិភពលោក​នៅ​ក្នុង​ឆ្នាំ២០០៨​ ហើយ​ដោយសារ​តែ​ការ​ងើប​ឡើង​វិញ​នៃ​សេដ្ឋកិច្ច​មាន​លក្ខណៈ​យឺត​យ៉ាវ​ អត្រា​និកម្មភាព​នឹង​បន្ត​កើន​ឡើង​រហូត​ដល់​ចុងទស្សវត្សរ៍​នេះ។

អង្គការ​ពលកម្ម​អន្តរជាតិ ​បាន​ព្រមាន​ថា​ និកម្មភាព​បូក​ផ្សំ​ជាមួយ​អសមភាព​ដែល​មាន​កាន់​តែ​ធំ​ ​អាច​បណ្តាល​ឲ្យ​មាន​ភាព​វឹកវរ​ក្នុង​ប្រទេស​ជាច្រើន។ អង្គការ​នេះ​និយាយ​ថា​ចំណុច​ចាប់​ផ្តើម​នៃ​ភាព​ចលាចល​សង្គម​ដែល​អាច​កើត​ឡើង​ចេញ​ពី​ក្រុម​មនុស្ស​វ័យ​ក្មេង​ដែល​មាន​អាយុ​ចន្លោះ​ពី​១៥​ទៅ២៤​ឆ្នាំ ដែល​ពួកគេ​មាន​ទំនោរ​មិន​អាច​រក​ការងារ​ធ្វើ​បានមាន​ច្រើន​ជាង​មនុស្ស​ពេញ​វ័យ​ដល់​ទៅ​៣ដង​ឯ​ណោះ។

នៅ​ក្នុង​ឆ្នាំ​២០១៤ និកម្មភាព​ក្នុង​ចំណោម​យុវជន​មាន​ចំនួន​ស្ទើរ​តែ​១៣​ភាគរយ។ Raymond Torres ​ប្រធាន​ផ្នែក​ស្រាវជ្រាវ​អង្គការ​ពលកម្ម​អន្តរជាតិ​ និយាយ​ថា​មាន​ទំនាក់ទំនង​ដែល​មិន​អាច​បដិសេធ​បាន​រវាង​ភាព​ចលាចល​សង្គម​និង​ទីផ្សារ​ការងារ។

«យើង​បាន​ធ្វើ​ការ​វិភាគ​ដែល​មាន​លក្ខណៈ​ស្រដៀង​ទៅ​នឹង​ការ​វិភាគ​របស់​អង្គការ​ផ្សេងៗ​ទៀត​ ដូចជា​អង្គការ​មូលនិធិ​រូបិយវត្ថុ​អន្តរជាតិ​ (IMF)។ ការ​វិភាគ​នេះ ​បង្ហាញ​ថា​មាន​ការ​ជាប់​ពាក់​ព័ន្ធ​គ្នា​រវាង​អសមភាព​និង​លទ្ធភាព​ក្នុង​ការ​ស្តារ​សេដ្ឋកិច្ច​ឡើងវិញ។ នៅ​ក្នុង​ប្រទេស​ដែល​មាន​អសមភាព​ខ្ពស់​ វា​រឹត​តែ​មាន​ការ​ពិបាក​ក្នុង​ការ​ស្តារ​សេដ្ឋកិច្ច​ជាង​ក្នុង​ប្រទេស​ដែល​មាន​អសមភាព​ទាប»។

របាយការណ៍​មួយ​នេះ​បង្ហាញ​ពី​កំណើន​ការងារ​នៅ​ក្នុង​សហរដ្ឋអាមេរិក​និង​ប្រទេស​ជប៉ុន​ ប៉ុន្តែ​បាន​បង្ហាញ​ថា​និកម្មភាព​នៅ​តែ​មាន​ខ្ពស់​នៅ​ក្នុង​ប្រទេស​ដែល​មាន​សេដ្ឋកិច្ច​ជឿន​លឿន​មួយចំនួន​ ជា​ពិសេស​នៅ​ក្នុង​ទ្វីប​អឺរ៉ុប។

របាយការណ៍​ក៏​បាន​កត់​សម្គាល់​នូវ​ការងារ​ចំនួន​៣ភាគ៤ ​ដែល​ងាយ​រង​ការ​ប៉ះ​ពាល់​នៅ​លើ​ពិភពលោកផងដែរ​។ ការងារ​ទាំង​នោះ​មាន​ដូចជា​ការ​ធ្វើ​ការ​ឲ្យ​ខ្លួន​ឯង និង​ការងារ​នៅ​តាម​គ្រួសារ​ដែល​មិន​បាន​ប្រាក់​បៀវត្សន៍នៅអាស៊ី​ខាង​ត្បូង​ និង​តំបន់​ Sub-Saharan នៅ​អាហ្រ្វិក។ អង្គការ​ពលកម្ម​អន្តរជាតិបាន​និយាយ​ថា​តំបន់​ Sub-Saharan មាន​អត្រា​ការងារ​ដែល​ងាយ​រង​ការ​ប៉ះពាល់​និង​ភាព​ក្រីក្រ​ច្រើន​ជាង​គេ​នៅ​ក្នុង​តំបន់​ទាំងអស់។

អង្គការ​នេះ​ និយាយ​ថា​មេរោគ​អ៊ីបូឡា​នៅ​ក្នុង​អាហ្វ្រិក​ខាង​លិច​បាន​ប៉ះពាល់​យ៉ាង​ខ្លាំង​មក​លើ​ប្រទេស​ហ្គីណេ​ ​លីបេរីយ៉ា និង​សៀរ៉ាឡេអូន។​

អគ្គនាយកអង្គការ​ពលកម្ម​អន្តរជាតិ​ លោក Guy Ryder និយាយ​ថា​ក្នុង​ចំណោម​កម្មករ​៣១៩លាន​នាក់​ គេ​រក​ឃើញ​ថា​កម្មករ​ម្នាក់​ក្នុង​ចំណោម​១០​នាក់​ស្ថិត​នៅ​ក្នុង​ភាព​ក្រីក្រ​ធ្ងន់ធ្ងរ​ដោយ​រក​ប្រាក់​បាន​តិច​ជាង​១.២៥ដុល្លារ​ក្នុង​មួយ​ថ្ងៃ។

«ទោះបីជា​តួ​លេខ​ទាំងនោះ​បាន​ធា្លក់​ចុះ​នា​ពេល​ថ្មីៗ​នេះ​ក៏​ដោយ ក៏​អត្រា​នៃ​ការ​ធ្លាក់​ចុះ​នេះ​មាន​ភាព​យឺត​យ៉ាវ​នៅ​ក្នុង​អំឡុង​ពេល​មាន​វិបតិ្ត។ ទោះបីជាយ៉ាងណា​ក៏​ដោយ​ គួរ​តែកត់​សម្គាល់​ផង​ថា​ប្រជាជន​ថា្នក់​កណ្តាល​នៅ​បន្ត​រីកចម្រើន​ ហើយ​យើង​បាន​ឲ្យ​និយមន័យ​ប្រជាជន​ថា្នក់​កណ្តាល​លើ​ពិភពលោក​ ជា​ក្រុម​មនុស្ស​ដែលមាន​កម្រិត​ចាយ​វាយ​នៅ​ចន្លោះ​ពី​៤​ទៅ​១៣​ដុលា្លរក្នុង​មួយ​នាក់​ក្នុង​មួយ​ថ្ងៃ។ ប្រជាជន​ថ្នាក់​នេះ​រួម​ចំណែកការងារ​៣៤​ភាគរយ​នៃ​ការងារ​ទាំង​អស់​នៅ​ក្នុង​ប្រទេស​កំពុង​អភិវឌ្ឍន៍»។

របាយការណ៍​ក៏​បាន​និយាយ​ផង​ដែរ​ថា ​ទស្សនវិស័យការងារ​នា​ពេល​អនាគត​បាន​ថមថយ​នៅ​ក្នុង​តំបន់​អារ៉ាប់ និង​ផ្នែក​ផ្សេងៗ​ទៀត​ក្នុង​តំបន់​អាមេរិក​ឡាទីន (Latin America) និង​នៅ​តំបន់​ការ៉ាអ៊ីព (Caribbean)។ របាយការណ៍​នេះបាន​រៀបរាប់​ទៀត​ថា​ ទស្សនវិស័យ​ការងារ​អាច​មាន​ភាព​ប្រសើរ​ឡើង​នៅ​ក្នុង​ប្រទេស​សេដ្ឋកិច្ច​ជឿនលឿន និង​ប្រទេស​មួយ​ចំនួន​ក្នុង​ទ្វីប​អាស៊ី ប្រសិន​បើ​ការ​ធ្លាក់​ចុះ​នៃ​តម្លៃ​ប្រេង​និង​ឧស្ម័ននៅ​តែ​បន្ត។

ប៉ុន្តែ​របាយការណ៍​ក៏​បាន​កត់​សម្គាល់​ថា​ ទីផ្សារ​ការងារ​នឹង​ទទួល​រង​ការ​ប៉ះពាល់​នៅ​ក្នុង​ប្រទេស​ផលិត​ប្រេង​និង​សាំង​ ជាពិសេស​នៅ​ក្នុង​តំបន់​អាមេរិកឡាទីន អាហ្រ្វិក និងអារ៉ាប់៕

ប្រែ​សម្រួល​ដោយ ប៊ុន ប៉េងហ៊ុយ

ប្រភព៖ VOA

ចែករំលែក

អំពីអ្នកនិព្ធ

ខេមបូភេគ

ខេមបូភេគ

អត្ថបទទាក់ទង

loading...

0 Comments

No Comments Yet!

There are no comments at the moment, do you want to add one?

Write a comment

Write a Comment

អំពីយើង

ខេមបូភេគ ជាគេហទំព័រក្នុងស្រុកមួយដែលផ្ដល់នៅពត៌មានកំសាន្ដ សុខភាព ការងារ កីឡា ពត៌មានជាតិទូទៅ ផ្សារលើអ៊ីធើណេត និង សេវាកម្មផ្សេងៗទៀតជាច្រើន។


យើងខ្ញុំរីករាយ និងផ្ដល់នៅពត៌មានទាន់ហេតុការណ៍ ដែលយើងដកស្រង់ចេញពីគេហទំព័រនានា ដែលអាចផ្ដល់ជាប្រយោជន៍ដល់បងប្អូន។


សូមបងប្អូនមេត្ដាផ្ដល់កម្លាំងចិត្ដដល់ក្រុមយើងខ្ញុំផង ដោយគ្រាន់តែចូលមកគេហទំព័រយើងខ្ញុំនៅពេលទំនេរ។


យើងខ្ញុំរងចាំការរិះគន់ និងស្ថាបនាពីបងប្អូនគ្រប់ពេលវេលាទាំងអស់



សូមអរគុណ!

ពត៌មានផ្សេងៗ

loading...

អត្រាប្ដូរប្រាក់ប្រចាំថ្ងៃ

អត្រាប្តូរប្រាក់ : ២៨​ តុលា ២០១៦
៤,០៥០ រៀល / ដុល្លារអាមេរិក
រូបិយប័ណ្ណ ឯកតា ទិញ លក់
ដុល្លារអូស្រ្តាលី ៣,០៧៤ ៣,១០៤
យ៉ន់ចិន ៥៩៧ ៦០៣
អ៊ឺរ៉ូ ៤,៤១៣ ៤,៤៥៧
យេនជប៉ុន ១០០ ៣,៥៥៨ ៣,៥៩៣
បាតថៃ ១១៥ ១១៦
ដុងវៀតណាម ១,០០០ ១៨២ ១៨៣

តម្លៃប្រេងពិភពលោក

តម្លៃទំនិញថ្ងៃនេះ (​រៀល)

ម្ទេសហាវ៉ៃ: 5000.00/kgs
ខ្ទឹមស្លឹក: 13000.00/kgs
ស្ពៃថៃស៊ីម/ស្ពៃផ្កា: 6000.00/kgs
ស្ពៃតឿ: 5250.00/kgs
ស្ពៃចង្កឹះ: 3250.00/kgs
ផ្កាខាត់ណា: 7000.00/kgs
ស្ពៃក្រញ៉ាញ់: 5250.00/kgs
ស្ពៃខៀវ: 3175.00/kgs
ត្រកួនចិន/គ្រាប់: 5000.00/kgs

បណ្តាញសង្គ្រោះបន្ទាន់

ចំនួនអ្នកទស្សនា

0036069
Visit Today : 86
Visit Yesterday : 143
This Month : 647
This Year : 36069
Total Visit : 36069
Hits Today : 1359
Total Hits : 280180
Who's Online : 4
Your IP Address: 54.205.8.87