លោក​សម រង្ស៊ី ​លើក​ពេល​មក​កម្ពុជា​ ដើម្បី​រង់ចាំ​ការ​ជួយ​អន្តរាគមន៍​

9
Cambodia Website Design
Want create site? Find Free WordPress Themes and plugins.

លោក​សម រង្ស៊ី ​ប្រធាន​គណបក្ស​សង្គ្រោះជាតិ​ដែល​កំពុង​ស្ថិតនៅ​ក្នុង​ប្រទេ​ស​កូរ៉េខាងត្បូង ​បាន​​សម្រេច​​លើក​ពេល​វិល​ត្រឡប់​មក​កាន់​ប្រទេស​កម្ពុជា​វិញ។​ ការ​លើកពេ​ល​​ដោយ​គ្មាន​​កាល​​កំណត់​​នេះ​ ត្រូវ​បាន​លោក​សម រង្ស៊ី ​បញ្ជាក់​ថា ​ដើម្បី​ទុក​ពេល​ឲ្យ​មជ្ឈដ្ឋាន​ការទូត ​និង ​មិត្ត​បរទេស​របស់​​លោក​ធ្វើ​អន្តរាគមន៍​ស្វែងរក​ដំណោះ​ស្រាយ​បញ្ហា​​នៅ​​កម្ពុជា​​ដោយ​​សន្តិវិធី​​។

“ខ្ញុំមិនទាន់មកដល់ព្រលានយន្តហោះអន្តរជាតិភ្នំពេញនៅរាត្រីនេះទេ តែនឹងមកដល់ប្រទេស​កម្ពុជា​វិញ​ក្នុងពេលឆាប់ៗខាងមុខនេះ។ នេះ គឺជាការប្រកាសពន្យារពេលគ្មានកាលកំណត់​ក្នុងការវិល​ត្រឡប់​មកកាន់ប្រទេសកម្ពុជាវិញរបស់លោកសម រង្ស៊ី នៅលើទំព័រហ្វេសប៊ុកផ្លូវរបស់​លោកនៅ​រសៀលថ្ងៃចន្ទ ទី១៦ វិច្ឆិកា។ តាមគម្រោង លោកសម រង្ស៊ី នឹងវិលត្រឡប់មកដល់​ប្រទេសកម្ពុជា​វិញ នៅវេលាម៉ោងប្រមាណ ១០ និង ៣០នាទីយប់នេះ បន្ទាប់ពីបញ្ចប់បេសកកម្មនៅក្រៅប្រទេស​។ ​

ប្រមុខគណបក្សប្រឆាំងកម្ពុជា បានលើកហេតុផលនៃការពន្យារពេលនេះថា គឺធ្វើឡើងតាម​សំណើរបស់អង្គការអន្តរជាតិទ្រទ្រង់លទ្ធិប្រជាធិបតេយ្យមួយចំនួនដែលបានស្នើឲ្យលោកមកដល់ភ្នំពេញនៅពេលថ្ងៃ ជៀសវាងពេលយប់។ បើតាមលោកសម រង្ស៊ី អង្គការអន្តរជាតិទាំងនោះ ក៏បានស្នើឲ្យលោក​ទុក​ពេល​​​បន្តិច​ឲ្យមជ្ឈដ្ឋានការទូត និង មិត្តបរទេសមួយចំនួនរបស់លោកមានពេល​អន្តរាគមន៍ស្វែង​​រក​ដំ​ណោះស្រាយដោយសន្តិវិធីចំពោះការកើនឡើងនៃអំពើហិង្សាថ្មីៗនៅប្រទេសកម្ពុជា។ ម្យ៉ាងទៀត ការសម្រេចពន្យារ ក៏ធ្វើឡើងតាមការស្នើសុំពីក្រុមតំណាងរាស្ត្រគណបក្សសង្គ្រោះជាតិ និង ក្រុម​សមាជិក​ព្រឹទ្ធសភាខាងគណបក្សសម រង្ស៊ី ពីប្រទេសកម្ពុជាផងដែរ។ ក្រុមអ្នកតំណាងរាស្ត្រ បាន​ស្នើ​ដូច្នេះ ក៏ព្រោះមើលឃើញថាសភាពការណ៍នៅកម្ពុជានាពេលនេះមិនល្អ ដែលអាច​នឹងមានបញ្ហា​ប្រឈម ប្រសិនបើលោកសម រង្ស៊ី មាតុភូមិនិវត្តវិញនោះ។ នេះបើតាមការបញ្ជាក់បន្ថែមពី​លោក​អេង ឆៃអ៊ាង មន្ត្រីជាន់ខ្ពស់គណបក្សសង្គ្រោះជាតិ ។

ជាការសម្គាល់ ការលើកពេលមាតុភូមិនិវត្តរបស់លោកសម រង្ស៊ី នៅពេលនេះ គឺធ្វើឡើង​បន្ទាប់ពី​លោក​ហេង សំរិន ប្រធានរដ្ឋសភាជាតិកម្ពុជានៅព្រឹកថ្ងៃចន្ទនេះ បានបញ្ចប់សមាជិកភាព​ជាសមាជិក​សភា​របស់លោក។ កាលពីម្សិលមិល ក្រសួងមហាផ្ទៃ បានបង្កើតគណៈកម្មការពិសេសមួយ ដើម្បី​តាម​ចាប់ខ្លួនលោកសម រង្ស៊ី តាមដីការបស់តុលាការក្រុងភ្នំពេញ ។
លោកសម រង្ស៊ី ត្រូវបានតុលាការក្រុងភ្នំពេញកាលពីថ្ងៃទី១៣ វិច្ឆិកា កន្លងទៅ បានចេញដីកា​បង្គាប់​ឲ្យចាប់ខ្លួន​មកអនុវត្តទោសនៅក្នុងពន្ធនាគារ​តាមការស្នើសុំអនុវត្តសាលដីកា​ស្ថាពររបស់មេធាវី​តំណាង​ឲ្យលោកហោ ណាំហុង រដ្ឋមន្ត្រីក្រសួងការបរទេសកម្ពុជា។ តាមសាលដីកានេះ លោកសម រង្ស៊ី នឹងត្រូវជាប់ពន្ធនាគាររយៈពេលពីរឆ្នាំ និង ពិន័យជាទឹកប្រាក់ចំនួន៨លានរៀល៕

Did you find apk for android? You can find new Free Android Games and apps.

Comments

comments

You might also like More from author

ចែករំលែក