ស្ថានទូត​សង្គ្រោះ​ពលករ​ខ្មែរ ១២ នាក់​ពី​ប្រទេស​ម៉ាឡេស៊ី

15
Cambodia Website Design
Want create site? Find Free WordPress Themes and plugins.

10-worker_1ភ្នំពេញ: ពលរដ្ឋកម្ពុជា ១២ នាក់ត្រូវបានជួយសង្គ្រោះពីប្រទេសម៉ាឡេស៊ីវិញក្រោយពីពួកគេត្រូវជាប់ឃុំនៅពន្ធនាគារក្នុងប្រទេសម៉ាឡេស៊ីដោយសារតែធ្វើការគ្មានលិខិតឆ្លងដែន។

លោក ជុំ សុន្ទរី អ្នកនាំពាក្យក្រសួងការបរទេសបានឲ្យដឹងថាស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ីបានអន្តរាគមន៍សុំឲ្យអាជ្ញាធរម៉ាឡេស៊ីដោះលែងពលរដ្ឋខ្មែរចំនួន ១២ នាក់ដែលបានជាប់ឃុំនៅពន្ធនាគារ Semenyih នៃរដ្ឋ Selangor ប្រទេសម៉ាឡេស៊ីកាលពីខែកញ្ញាឆ្នាំ ២០១៦ ដោយសារគ្មានលិខិតឆ្លងដែនហើយបានរៀបចំមាតុភូមិនិវត្តន៍របស់ពួកគេមកកម្ពុជាវិញ។

យោងតាមសេចក្តីប្រកាសព័ត៌មានរបស់ក្រសួងការបរទេសបានឲ្យដឹងថាពលរដ្ឋខ្មែរចំនួន ៩ នាក់ជាកម្មករផលិតស្រោមដៃដោយស្ថានទូតបានធ្វើការអន្តរាគមន៍ទាមទារឲ្យថៅកែផ្តល់ប្រាក់ខែដែលនៅខ្វះ និងទិញសំបុត្រយន្តហោះចំណែកឯពលរដ្ឋផ្សេងទៀតក្នុងចំណោមនោះខ្វះខាតថវិកាដូច្នេះស្ថានទូតបានឧបត្ថម្ភសំបុត្រយន្តហោះដល់ពួកគេទាំងពីរនាក់នោះ។

ពួកគេទាំង ១២ នាក់បានមកដល់ប្រទេសកម្ពុជាវិញអស់ហើយកាលពីថ្ងៃសុក្រទី ២០ ខែតុលា។ ពួកគេមានអាយុចន្លោះពី ២០ ឆ្នាំដល់ ៣១ ឆ្នាំមកពីខេត្តត្បូងឃ្មុំ ក្រចេះ បន្ទាយមានជ័យ ព្រៃវែង កំពង់ចាម កំពង់ធំ និងតាកែវ។

លោក នាង សុវ៉ាត អ្នកសម្របសម្រួលសមាគមអាដហុកប្រចាំខេត្តត្បូងឃ្មុំបានឲ្យដឹងថានៅមានករណីក្រុមគ្រួសារចំនួន ៧ នាក់ស្ថិតនៅខេត្តត្បូងឃ្មុំមកសុំអន្តរាគមន៍ពីសមាគមអាដហុកខេត្តត្បូងឃ្មុំ។

លោកថ្លែងថា៖ «ក្រុមគ្រួសារមកប្តឹងតែករណីខ្លះពួកគេទៅតាមរយៈមេខ្យល់»។

យោងតាមរបាយការណ៍របស់ក្រសួងការបរទេសបានឲ្យដឹងថាក្នុងរយៈពេល ៩ ខែពលរដ្ឋកម្ពុជាចំនួន ៥៧៨ នាក់ត្រូវបានជួយអន្តរាគមន៍ និងសង្គ្រោះពីក្រៅប្រទេសចំនួន ១១ ប្រទេសក្នុងនោះមាន ១៥០ នាក់មកពីប្រទេសម៉ាឡេស៊ី៕

ប្រភព៖  ភ្នំពេញប៉ុស្តិ៏

Did you find apk for android? You can find new Free Android Games and apps.

Comments

comments

You might also like More from author

ចែករំលែក