Ultimate magazine theme for WordPress.

- Advertisement -

សម័យ​មហានគរ​មាន​ព្រះរាជា​ខ្មែរ​សោយរាជ្យ​សម្បតិ្ដ​យ៉ាងតិច​២៧​ព្រះ​អង្គ

0 4

រូប​ព្រះបាទ​ជ័យវរ្ម័ន​ទី​៧

របប​រាជា​ខ្មែរ​ដែល​មាន​មរតក​វប្បធម៌​ឥណ្ឌា​មាន​ចំណាស់​ជាង​ ២០០០​ឆ្នាំ ​មក​ហើយ ហើយ​ប្រជាជន​ខ្មែរ​ចាប់ពី​កកើត​រដ្ឋ​ ឬ​ប្រទេស​របស់​ខ្លួន​មក​ ពុំ​បាន​ស្គាល់​របប​នយោបាយ​សម​ស្រប​ណាមួយ​ឲ្យ​បាន​យូរលង់​ក្រៅពី​រាជាធិបតេយ្យ​នេះ ដែល​ជា​ប្រភព​នៃ​សុភមង្គល និង​វឌ្ឍនភាព​ជាតិ​ឡើយ ។ ដូចនេះ​ព្រះសន្តតិវង្ស​ខ្មែរ​មាន​អាយុ​ស្មើនឹង​ប្រវត្ដិសាស្ដ្រ​នៃ​កម្ពុជា ។​

ម្យ៉ាងវិញទៀត ព្រះរាជា​ខ្មែរ​តំណាង​ឲ្យ​បូរណភាព អធិបតេយ្យភាព​ និង​និរន្តរភាព​នៃ​ប្រទេស​កម្ពុជា​ពោល​គឺ​អត្ដសញ្ញាណ​ជាតិខ្មែរ​ទាំងមូល ហើយ​ចាប់តាំងពី​កកើត​រដ្ឋ​មក​មាន​ព្រះរាជា​ខ្មែរ​សោយរាជ្យ​សម្បត្ដិ​ទាំងអស់​ប្រមាណ​ជា​ ២៧​ព្រះ​អង្គ ពោល​គឺ​ចាប់ពី​ឆ្នាំ​៨០២ ​ដល់​ឆ្នាំ​១៣៥៣ ​នៃ​គ្រិស្ដសករាជ ។

លោក​មីសែល ត្រាណេ អ្នកឯកទេស​ខាង​វប្បធម៌​ប្រវត្ដិសាស្ដ្រ​ខ្មែរ​បាន​មាន​ប្រសាសន៍​ឲ្យ​ដឹង​ថា តាម​ការ​ស្រាវជ្រាវ​ថ្មីៗ​អំពី​ប្រវត្ដិសាស្ដ្រ​នៃ​ព្រះរាជាណាចក្រ​កម្ពុជា​នា​សម័យ​មហានគរ​យើង​ដឹង​ថា យ៉ាង​ហោច​ណាស់​មាន​ព្រះរាជា​ខ្មែរ​សោយរាជ្យ​សម្បត្ដិ​ទាំងអស់​ ២៧​ព្រះ​អង្គ​ដែរ ហើយ​ក្នុង​បញ្ជីរាយនាម​ព្រះមហាក្សត្រ​ទាំងនោះ មានព្រះបាទ​ជ័យវរ្ម័ន​ទី​២ ព្រះបាទ​ជ័យវរ្ម័ន​ទី​៣ ព្រះបាទ​ឥន្ទ្រវរ្ម័ន​ទី​១ ព្រះបាទ​យសោវរ្ម័ន​ទី​១ ព្រះបាទ​ហិសវរ្ម័ន​ទី​១ ព្រះបាទ​ឥសានវរ្ម័ន​ទី​២ ព្រះបាទ​ជ័យវរ្ម័ន​ទី​៤ ព្រះបាទ​ស្រិវិជយសិង្ហវរ្ម័ន ព្រះបាទ​ហិសវរ្ម័ន​ទី​២ ព្រះបាទ​រាជេន្ទ្រវរ្ម័ន ព្រះបាទ​ជ័យវរ្ម័ន​ទី​៥ ព្រះបាទ​ឧទយាទិត្យវរ្ម័ន​ទី​១ ព្រះបាទ​ជយវីរវរ្ម័ន ព្រះ​បាទ​សូរ្យវរ្ម័ន​ទី​១ ព្រះបាទ​ឧទយាទិត្យ​វរ្ម័ន​ទី​២ ព្រះបាទ​ហសិវរ្ម័ន​ទី​៣ ព្រះបាទ​ជ័យវរ្ម័ន​ទី​៦ ព្រះបាទ​ធរនិន្ទ្រវរ្ម័ន​ទី​១ ព្រះបាទ​សូរ្យវរ្ម័ន​ទី​២ ព្រះបាទ​យសោវរ្ម័ន​ទី​២ ព្រះបាទ​ត្រីភូវនាទិត្យវរ្ម័ន ព្រះបាទ​ជ័យវរ្ម័ន​ទី​៧ ព្រះបាទ​ឥន្ទ្រវរ្ម័ន​ទី​២ ព្រះបាទ​ជ័យវរ្ម័ន​ទី​៨ ព្រះបាទ​ស្រិន្ទ្រវរ្ម័ន ព្រះបាទ​ស្រិន្ទ្រជ័យវរ្ម័ន​ និង​ព្រះបាទ​ជ័យវរ្ម័ន​ទី​៩ ។

- Advertisement -

រូប​ព្រះបាទ​ជ័យវរ្ម័ន​ទី​២

លោក​មីសែល ត្រាណេ បាន​បន្ត​ថា តាម​ការ​ស្រាវជ្រាវ បញ្ជី​ស្ដេច​ដែល​បាន​ឡើង​សោយរាជ្យ​ក្នុង​សម័យ​អង្គរ​ខាងលើ យើង​សង្កេត​ឃើញ​ថា ការ​តាំង​ព្រះ​នាម​ព្រះរាជា​ខ្មែរ​មួយ​ចំនួន​នៅ​មាន​សភាព​ច្របូកច្របល់ ហើយ​រហូត​មក​ដល់​សព្វ​ថ្ងៃនេះ ​នៅ​ពុំ​ទាន់​បាន​ដោះស្រាយ​ឲ្យ​ដាច់ស្រេច​នៅឡើយ​ទេ ។ ​ឧទាហរណ៍​ជាក់ស្ដែង​ គឺ​សម្រាប់​ព្រះបាទ​ជ័យវរ្ម័ន និង​ព្រះបាទ​សុរិយាវរ្ម័ន គឺជា​ស្ដេច​តែ​មួយ​អង្គ​តែ​ប៉ុណ្ណោះ ។ យ៉ាងណាមិញ​សម្រាប់​ព្រះបាទ​ស្រីជយសិង្ហវរ្ម័ន​វិញ ដែល​មាន​រាជធានី​នៅ​ខេត្ដ​ជ័យភូមិ​សព្វថ្ងៃ ស្ថិត​នៅ​ក្នុង​បង្គោល​សីមា​នៃ​ព្រះរាជាណាចក្រ​ថៃ ព្រះ​នាម​របស់​ព្រះ​អង្គ​ត្រូវ​បាន​គេ​ផាត់​ចោល​ចេញពី​បញ្ជី​ស្ដេច​ខ្មែរ​ដែរ ព្រោះ​គេ​យល់​ថា​ ទ្រង់​ជា​ស្ដេចនៃ​នគរ​ចម្ប៉ា​ទៅ​វិញ ។

ប្រភពៈ  ​សាលអាន ថ្ងៃ​ទី ៣០ /០៤/២០០៧ (ដកស្រង់​ពី​កាសែត​រស្មីកម្ពុជា)

Source: ប្រវត្ដិសាស្រ្ដ

Comments
Loading...